Archive

Цыппурсы мæйы 12-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста зынгæ никарагуайаг поэт Рубен Дариойы цырт бакæныны церемонийы М.В. Рудоминойы номыл Фæсарæйнаг литературæйы библиотекæйы Мæскуыйы. 

Церемонийы хайад райста Манагуайы делегаци Никарагуайы Президенты Уынаффæгæнæг Л. Ортегайы сæргълæудæй. Уазджытæ систы УФ-йы Фæсарæйнаг хъуыддæгты министры хæдивæг С. Рябков, Уæрæсейы аккредитацигонд дипломатон корпусы минæвæрттæ, Федерацийы Советы æмæ Никарагуайы Национ Ассамблейы Æмгуыстады фæдыл къордтæ. 

Республикæ Хуссар Ирыстоны Фæсарæйнаг хъуыддæгты министр Джиоты Æхсар Уæрæсейы Федерацийы Конституцийы боны фæдыл арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Хуссар Ирыстоны Марат Кулахметовмæ. 

Сæрмагондæй, арфæйы дзырдæуы:

«1993 азы цыппурсы мæйы 12-æм бон – Уæрæсейы ног историйы ахсджиаг бон. Конституцийы райст ссис уæрæсейы барадон системæйы, паддзахады суверенитеты фидар бындур, наци, ратæдзæнтæ æмæ динмæ нæкæсгæйæ, алы адæймагæн дæр сфидар кодта йæ бартæ æмæ сæрибардзинад». 

Цыппурсы мæйы 10-æм бон Мæскуыйы ацыд Хуссар Ирыстоны ФХъМ æмæ Уæрæсейы ФХъМ-йы Æвзонг Дипломатты советты сæрдарты фембæлд.

Санахъоты Алексей æмæ Екатерина Акопян, кæцы æрæджы слæууыд УФ-йы ФХъМ-йы Æвзонг дипломатты советы сæргъ, афтæмæй ма Уæрæсейы ФХъМ-йы Бирæварсон гуманитарон æмгуыстад æмæ культурон бастдзинæдты фæдыл департаменты Фæсивæдон, спортивон æмгуыстады хайады сæрдар, Россотрудничествойы цур æхсæнадæмон гуманитарон æмæ фæсивæдон æмгуыстады фæдыл Æхсæнадон Советы къухдариуæггæнæг Константин Колпаков æрдзырдтой дывæрсон æмæ бирæварсон æмгуыстады дарддæры райрæзтыл.

Сирийы Хъахъхъæнынады министрады хъусынгæнинæгтæм гæсгæ, джеоргуыбайы мæйы 27-æм бон, деэскалацийы фæдыл бадзырд фехалгæйæ, террористон организаци «Хайят Тахрир ан-Шам»-йы къорды боевиктæ æрбабырстой территоритæ Алеппо æмæ Идлибмæ.

Хæцæг фарсыты бафидауын кæныны фæдыл Сирийы уæвæг уæрæсейаг центр куыд хъусын кæны, уымæ гæсгæ Сирийы æфсад сликвидаци кодта 400 террористмæ æввахс.  

Хуссар Ирыстоны сты террористон къордтæ уавæр кæй æндыгъд кæнынц, уый ныхмæ, æмæ, бадзырдадты ахсджиагдзинад нысан кæнгæйы, сты официалон Дамаскы 'вварс.

Джеоргуыбайы мæйы 26-æм бон Республикæ Хуссар Ирыстоны Фæсарæйнаг хъуыддæгты министрады ацыдысты Республикæ Хуссар Ирыстоны ФХъМ-йы Æвзонг дипломатты советы æмæ Республикæ Абхазы ФХъМ-йы Æвзонг дипломатты советы минæвæртты ‘хсæн дывæрсон консультацитæ. 

Консультациты рæстæджы дыууæ фарс дæр æрдзырдтой Æвзонг дипломатты советы фæлгæтты æмгуыстады дарддæры фæндæгтыл, равдыстой сæ цæттæдзинад организациты æмархайды дарддæры  райрæзтмæ.

Джеоргуыбайы мæйы 26-æм боны Республикæ Абхазы нысан кæнынц Конституцийы бон.

30 азы размæ, 1994 азы джеоргуыбайы мæйы 26-æм бон Абхазы Уæлдæр Совет райста Республикæйы Сæйраг Закъон.

Ацы ахсджиаг боны фæдыл Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Абхазы Фæсарæйнаг хъуыддæгты министр Сергей Шамбамæ.

Цхинвал, 2024 азы джеоргуыбайы мæйы 26-æм бон

35 азы размæ Хуссар Ирыстоны адæм райдыдтой сæ сæрибардзинад, сæ зæххыл хæдбарæй цæрыны бартыл тох кæнын. 

1989 азы джеоргуыбайы мæйы 23-æм бон мингай гуырдзиаг националисттæ Звиад Гамсахурдиайы сæргълæудæй гæрзифтонгæй æрбацыдысты Цхинвалмæ нæбасæтгæ ирæттæн «зонд бацамоныны» фæндимæ. Фæлæ сæ фæндтæ сæ къухты нæ бафтыдысты. Ирон адæм æрбаиу сты æмæ сын сæ фæндаг æрæхгæдтой. Уый уыд национ иудзинады æвдисæн.

Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Æхсæнадæмон конференци «Историческая память о геноциде третьим рейхом народов Советского Союза в период Великой Отечественной Войны: фактология и псевдоистория в формировании справедливого мирового порядка»-йы, кæцы ацыд Тыбылты Алыксандыры номыл Хуссар Ирыстоны Паддзахадон университеты (ХИПУ).

Конференцийы хайад райстой РХИ-йы æххæстгæнæг æмæ закъондæттæг органты, дипкорпусы минæвæрттæ, эксперттæ æмæ историктæ Хуссар Ирыстон, Уæрæсе æмæ Абхазæй, студенттæ. 

Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста нотæ Сириаг Араббаг Республикæйы Фæсарæйнаг хъуыдæгтæ æмæ æмбæстæгты хъуыддæгты фæдыл министр Бассам Саббагмæ Дамаскы районтæ Маззе æмæ Кудсеяйы цæрæн бынæттæ Израилы хæстон авиацийы 'рдыгæй цæфтæ кæй баййафтой, уый фæдыл. Цæфты фæстиуæгæн фæхъуыдысты бынæттон цæрджытæ, ныппырх сты бæстыхæйттæ. 

Æрцæугæ цауы охыл Джиоты Æхсар тæфæрфæс ракодта чи фæмард, уыдон бинонтæ æмæ хиуæттæн, чи фæцæф, уыдонæн та йæ зæрдæ загъта тагъддæр сæнæниз уын.

Республикæ Хуссар Ирыстоны Фæсарæйнаг хъуыддæгты министрад хъусын кæны Республикæ Хуссар Ирыстоны Фæсарæйнаг хъуыддæгты министрады кадрон резервмæ бакæныны фæдыл конкурсы фæуды тыххæй.

Конкурсы хатдзæгты фæдыл 2024 азы джеоргуыбайы мæйы 12-æм бон Республикæ Хуссар Ирыстоны Фæсарæйнаг хъуыддæгты министрады кадрон резервмæ хастгонд æрцыдысты 8 адæймаджы.

Конкурсы фæстаг этапы цы кандидаттæ райстой хайад, уыдонæй алкæмæ дæр æрвыст æрцыдысты хæтдзæгтимæ фыстæджытæ.

Цхинвал, 2024 азы джеоргуыбайы мæйы 14-æм бон

Джеоргуыбайы мæйы 8-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар Мæскуыйы бабæрæг кодта Латинаг Америкæйы Хæдзар.

Ацыд фембæлд Латинаг Америкæйы Хæдзары Директор Юлия Сурилова, Латинаг Америкæйы Хæдзары Правлениийы Сæрдар Руслан Захаров æмæ Латинаг Америкæйы Хæдзары Директоры хæдивæг Елена Сувертокимæ. Ныхасы рæстæджы æрдзырдæуыд æмгуыстады фарстатыл.

Джеоргуыбайы мæйы 8-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Республикæ Хуссар Ирыстоны Æххæстбарджын Минæвар Уæрæсейы Федерацийы Гасситы Знауыр Уæрæсейы Федерацийы уæвæг Республикæ Никарагуайы Минæварады хуындæй хайад райстой Сандинистон Адæмон Революцийы Раздзог Команданте Карлос Фонсека Амадоры номыл дидинтæ сæвæрыны церемонийы.

Никарагуайы хъайтары трагикон амæлæты бонæй 48 азы рацыды охыл мадзал ацыд Мæскуыйы Хæларады Парчы.