1991 азы хуымгæнæны мæйы 29-æм бон Хуссар Ирыстоны Дзауы районы æрцыд трагеди. Зæххæнкъуысты эпицентр уыд Гуырдзыстоны Рачайы районы æмæ йæ фæстиуджытæ систы тынг уæззау.
Катастрофæйы амæттæгтæ баисты 59 адæймаджы, иу минæй фылдæр райстой алыхуызон цæфтæ, Дзауы поселок фестад пырхæнтæ.
Абоны бон мах нæ зæрдыл лæууын кæнæм уыцы уæззау трагеди. Уый нын равдыста æрдзы тых æмæ æппæт зындзинæдтæм дæр цæттæйæ лæууыны ахсджиагдзинад. Йæ хиуæтты чи фесæфта, уыдонимæ хъынцъым кæнæм, æмæ ацы цау йæхæдæг чи бавзæрста, уыдоны нæ зæрдыл дарæм.
Абон Дзауы поселокы ацыд фыдохы митинг, дидинтæ сæвæрдæуыд зæххæнкъуысты амæттæгты цыртмæ. Фæмардуæвджыты рухс ном ссарынæн æрбацыдысты Республикæйы къухдариуæгад Президент Гаглойты Аланы сæргълæудæй, министрадты æмæ уагдæтты минæвæрттæ, депутаттæ, фæмардуæвджыты хиуæттæ, районы цæрджытæ.
Мысæн мадзалы хайад райстой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ.
2026 азы хуымгæнæны мæйы 29-æм бон