Сириаг Араббаг Республикæйы Фæсарæйнаг хъуыддæгты министр цытджын Асаад Хасана Аш-Шибани йæ фыстæджы бузныджы ныхæстæ загъта Республикæ Хуссар Ирыстоны Фæсарæйнаг хъуыддæгты министр Джиоты Æхсарæн Сириаг Араббаг Республикæйы Хæдбардзинады боны цытæн арфæйæн.
Сæрмагондæй, фыстæджы дзырдæуы:
«Стыр æхцондзинадимæ райстон дæ арфæтæ Хæдбардзинады боны (Эвакуацийы боны) цытæн. Уавæрæй пайда кæнгæйæ, фæнды мæ зæгъын фидар æнæниздзинад æмæ фæрныгады фæндиæгтæ, дæ адæмæн та дарддæры æнтыстытæ».
Æрвылаз дæр хуымгæнæны мæйы 17-æм бон Сирийы нысан цæуы Хæдбардзинады бон. Растдæр уæд, 1946 азы, фæстаг фæсарæйнаг солдат ацыд Сирийы территорийæ, æмæ бæстæ райста хæдбардзинад. Ацы бон ма хонынц Эвакуацийы бон дæр.
РХИ-йы Фæсарæйнаг хъуыддæгты министр Джиоты Æхсар йæ фыстæджы, кæцы раздæр арвыста Сириаг Араббаг Республикæйы Фæсарæйнаг хъуыддæгты министр Асаад Хасана Аш-Шибанимæ, банысан кодта:
«1946 азы хуымгæнæны мæйы 17-æм бон æвдисы сириаг адæмы сгуыхтдзинад, кæцытæ стыр зындзинæдты сæрты рахизгæйæ, райстой хæдбардзинад, сæхæдæг сæ хъысмæт скъуыддзаг кæныны бар.
Абоны бон, ныры æхсæнадæмон ахастыты æппæт фадгуытыл æндаваг зындзинæдтæм нæкæсгæйæ, Сири фидарæй цæуы размæдзыд, йæ æхсæнадæмон авторитет æмæ паддзахадон институттæ сфидар кæныны фæндагыл. Ныфс дарын, нæ бæстæтæ æмæ адæмы ‘хсæн хæларадон ахастытæ дарддæр дæр ахъаз кæй уыдзысты иумæйаг сабырад, стабилондзинад æмæ æдасдзинад бахъахъхъæнынæн».
2026 азы зæрдæвæрæны мæйы 5-æм бон