Хуымгæнæны мæйы 28-æм бон – Цъинагары трагедийы амæттæгты мысæн бон.
1991 азы хуымгæнæны мæйы 28-æм бон гуырдзиаг гæрзифтонг къорд мæнгардæй амардта Ленингоры районы Цъинагары хъæуы авд æнæхæцæнгарз цæрæджы. Авд ирон адæймаджы – Мæргъиты Отар, Бибылты Гиви, Чертхъоты Славик, Хуыбылты Заур, Хуыбылты Отар, Дудайты Тенгиз, Хуыбылты Таймураз – æхст æрцыдысты, сæ фос атæрын кæй нæ уагътой, уый тыххæй.
Ацы трагеди ссис Хуссар Ирыстоны ныхмæ Гуырдзыйы хæстон агрессийы æвдисæнтæй иу.
Фæмардуæвджыты рухс ном ссарынæн Цъинагары хъæуы трагедийы амæттæгты цыртмæ æрбацыдысты Республикæйы къухдариуæгад Президент Гаглойты Аланы сæргълæудæй, министрадты æмæ уагдæтты минæвæрттæ, æхсæнад.
Мысæн мадзалы хайад райстой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ.
2026 азы хуымгæнæны мæйы 28-æм бон