Сообщения МИД РЮО

Майрæмты мæйы 7-8 бонты Республикæ Хуссар Ирыстоны ацыдысты Хуссар Ирыстоны ныхмæ Гуырдзыстоны хæстон агрессийæ 15 азы рацыды охыл мысæн мадзæлттæ.

Майрæмты мæйы 7-æм бон Национ музейы ацыд нывты равдыст «08.08.08 – 08.08.23», афтæмæй ма Хетæгкаты Къостайы номыл Паддзахадон драмон театры 1920 азы ирæтты геноциды тыххæй спектакль «Фæстаг æвдисæн». Уый фæстæ мемориалон комплекс «Хуссар Ирыстоны хъахъхъæнджытæн»-ы раз ацыд мысæн церемони, кæцыйы рæстæджы адæм æвæрдой дидинтæ мемориалмæ, ссыгътой цырæгътæ, фæмардуæвджыты рухс ном ссардтой минут æдзæмæй алæугæйæ.

15 азы размæ Хуссар Ирыстоны ‘рцыдысты трагикон цаутæ, кæцытæ дыууæ дихы фæкодтой бæстæйы æмæ адæмы цард.

Сусæны мæйы 31-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны Фæсарæйнаг хъуыддæгты министрады Æххæстбарджын Минæвар Бенилюксы бæстæты Пухаты Радионы.

Ныхасы рæстæджы æрдзырдæуыд Минæвары куысты фæдыл Европæйы ирон диаспорæтимæ, уæлдай хъусдард аздæхтæуыд алыхуызон культурон-рухстауæн проектты дарддæры реализацимæ.

Цхинвал, 2023 азы сусæны мæйы 31-æм бон

Сусæны мæйы 25-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд Мæскуыйы Æхсæнадæмон ахастыты паддзахадон институты (университеты) испайнаг æвзаджы кафедрæйы раздæры ахуыргæнæг, юрист Маргарита Исааковаимæ, кæцы æрцыд Хуссар Ирыстонмæ, цæмæй базонгæ уа бæстæимæ.

Маргарита Исаакова радзырдта, афæдзы дæргъы кæй æрцæуы Ирыстонмæ æвзаг ахуыр кæныны фæдыл, æмæ ирон æвзаг сахуыр кæнынмæ та сцырен Цæгат Ирыстонмæ фыццаг балцы, афтæмæй ма Нарты кадджытæ æмæ Хетæгкаты Къостайы уацмыстæ куы бакаст, уый фæстæ.

Сусæны мæйы 19-æм бон Никарагуамæ балцы фæлгæтты Республикæ Хуссар Ирыстоны Уæлвæткон æмæ Æххæстбарджын Минæвар Республикæ Никарагуайы Козаты Нарим хайад райста Сандинистон революцийы фæуæлахизæй 44 азы рацыды фæдыл цытджын мадзæлтты.

Сæйраг мадзал ацыд фæзуат «Parque de la Dignidad Nacional»-ы Манагуайы.

Цытджын митингы хайад райстой æхсæнадæмон уазджытæ, Никарагуайы аккредитаци чи рацыд, дипломатон корпусы уыцы минæвæрттæ, Никарагуайы хицауады уæнгтæ æмæ æхсæнад.

Сусæны мæйы 19-æм бон Хуссар Ирыстоны Президент Гаглойты Алан схорзæхджын кодта паддзахадон хæрзиуджытæй Республикæйы алыхуызон къабæзты кусджыты.

Уæлдæр хорзæхтæ лæвæрд æрцыдысты Республикæ Хуссар Ирыстоны Фæсарæйнаг хъуыддæгты министрады къорд кусджытæн, кæцытæ бирæ рæстæг фæкуыстой Министрады системæйы.

Президент сын раарфæ кодта бирæ азты рæстудæй кæй фæкуыстой, уый фæдыл æмæ сын бузныджы ныхæстæ загъта республикæйы æндидзыны æмæ размæдзыды хъуыддагмæ стыр хайбавæрды тыххæй.

Цхинвал, 2023 азы сусæны мæйы 19-æм бон

Сусæны мæйы 17-æм бон Манагуамæ балцы фæлгæтты Сандинистон революцийы фæуæлахизы фæдыл бæрæгбонон мадзæлттæм ацыд Хуссар Ирыстоны Уæлвæткон æмæ Æххæстбарджын Минæвар Никарагуайы Козаты Наримы фембæлд Никарагуайы Фæсарæйнаг хъуыддæгты министры Хæдивæг Арлетт Маренкоимæ.

Фембæлды рæстæджы Козаты Нарим раарфæ кодта Никарагуайы адæмæн Сандинистон революцийы фæуæлахизæй 44 азы рацыды цытæн æмæ Хуссар Ирыстоны адæмы номæй загъта зæрдæбын арфæтæ.

Дыууæ Фарс дæр æрдзырдтой дывæрсон æмгуыстады ныры уавæр æмæ йæ дарддæры райрæзтыл.

Цхинвал, 2023 азы сусæны мæйы 18-æм бон

Сусæны мæйы 11-15 бонты Республикæ Хуссар Ирыстоны Фæсарæйнаг хъуыддæгты министрады кусджытæ хайад райстой Евразийы бæстæты Æвзонг дипломатты форумы, кæцы ацыд фестиваль «Манжерок»-ы фæлгæтты Хæххон-Алтайскы.

Мадзалы организатортæ уыдысты Уæрæсейы Фæсарæйнаг хъуыддæгты министрады Æвзонг дипломатты совет Россотрудничество, парти «Иугонд Уæрæсе» æмæ Республикæ Алтайы Хицауадимæ иумæ.

Хуссар Ирыстоны бæрæг кæнынц Фидауынгæнæджы бон.

1992 азы хурхæтæны мæйы 24-æм бон Уæрæсейы, Гуырдзыстоны, Цæгат æмæ Хуссар Ирыстоны сæргълæуджыты къухæй бафыстгонд гуырдзиаг-ирон конфликт æрбæстон кæныны сæйраг принципты фæдыл Фидыдыл бындуриуæггæнгæйæ, 1992 азы сусæны мæйы 14-æм бон Республикæ Хуссар Ирыстоны территоримæ конд æрцыдысты Сабырад бавæрыны æмхæццæ тыхтæ.

16 азы дæргъы æххæстгонд цыд фидауынгæнæн операци, æмæ уыцы уæрæсейаг, ирон æмæ гуырдзиаг батальонтæй арæзт хæстон тыхтæ æндыгъд уавæрты уыдысты сабырад æмæ æдасдзинады æппæты фидардæр гарант.

2023 азы сусæны мæйы 11-12 бонты Женевæйы ацыд Фæскавказы æдасдзинады фæдыл æхсæнадæмон дискусситы радон раунд. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, Америкæйы Иугонд Штатты делегацитæ, афтæмæй ма Европæйы Цæдисы, Иугонд Нациты Организацийы (ИНО) æмæ Европæйы Æдасдзинад æмæ æмгуыстады фæдыл организацийы (ЕÆÆО) минæвæрттæ. Хуссарирыстойнаг делегацийы сæргъ лæууыд Президенты Паддзахадон уынаффæгæнæг Коцты Константин.

Дискусситæ цыдысты дыууæ кусæгон къорды: æдасдзинады æмæ гуманитарон фарстыты фæдыл.

Сусæны мæйы 7-æм бон Республикæ Хуссар Ирыстоны Фæсарæйнаг хъуыддæгты министрады Æххæстбарджын Минæвар Туркаг Республикæйы Хоситы Бурхан Уæрæсейы Генералон Консул Стамбулы Андрей Буравовы хуындæй хайад райста «Уæрæсейы хæлæртты клубы» рабадты Стамбулы.

Мадзалы ма хайад райстой Республикæ Абхазы Æххæстбарджын Минæвар Турчы Республикæйы Ибрахим Авидзба æмæ Турчы Абхазаг культурон центрты федерацийы Минæвар Мурат Махария, афтæмæй ма Республикæ Беларусы Генералон Консул Стамбулы Алексей Швед.

Сусæны мæйы 3-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Хуссар Ирыстон æмæ Уæрæсейы ‘хсæн Мидхъуыддæгты органты Иумæйаг информацион- координацион центры (ИИКЦ) сырæзты æмæ архайды фæткы фæдыл Фидыды бафыстæй 7 азы рацыды охыл цытджын æмбырды.

Мадзалы хайад райстой Хуссар Ирыстоны Президент Гаглойты Алан, Хуссар Ирыстоны Хицауады Сæрдар Джуссойты Константин, Уæрæсейы Минæвар Хуссар Ирыстоны Марат Кулахметов, тыхон уагдæтты къухдариуæггæнджытæ.