Майрæмты мæйы 2-æм бон Республикæ Хуссар Ирыстоны Президент Гаглойты Алан фембæлд Республикæ Хуссар Ирыстоны Фæсарæйнаг хъуыддæгты министр Джиоты Æхсаримæ.
ФХъМ-йы сæрдар радзырдта Президентæн Республикæ
Никарагуамæ балцы хатдзæгты фæдыл, цыран хуссарирыстойнаг делегаци хайад райста Сандинистон Революцийы Уæлахизæй 45 азы рацыды фæдыл цытджын мадзæлтты.
Джиоты Æхсар радзырдта балцы фæлгæтты Республикæ Никарагуайы Президент Д. Ортега, Республикæ Никарагуайы Фæсарæйнаг хъуыддæгты министр Д. Монкада, Республикæ Никарагуайы Президенты Уынаффæгæнæг Л. Ортегаимæ фембæлдтыты фæдыл.
Нысангонд æрцыд уæрæсейаг дипломатон минæвæртты, сæрмагондæй, Уæрæсейы Минæварад Хуссар Ирыстоны, Уæрæсейы Минæварад Никарагуайы ‘рдыгæй æххуыс.
Афтæмæй ма Æддагполитикон уагдоны сæрдар Джиоты Æхсар Хуссар Ирыстоны Президент Гаглойты Аланмæ фæхæццæ кодта Никарагуайы Президент команданте Даниель Ортегайы æмæ Вице-президент Росарио Мурильойы арфæйы ныхæстæ æмæ зæрдылдарæн лæвар.
Цхинвал, 2024 азы майрæмты мæйы 2-æм бон