Уæрæсейы Боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арфæйы фыстæг арвыста Уæрæсейы Федерацийы Фæсарæйнаг хъуыддæгты министр Сергей Лавровмæ.
Сæрмагондæй, арфæйы дзырдæуы:
«Ацы бæрæгбон бындуриуæг кæны Уæрæсейы бирæнацион адæмы иудзинадыл, Райгуырæн бæстæмæ се ‘нæбасæтгæ уарзондзинадыл, æмæ уыдон та кæддæриддæр уыдысты æмæ сты Уырыссаг дунейы фидар цæджындз.
2023 азы хурхæтæны мæйы 5-9 бонты Цхинвалы ацыд хуссарирыстойнаг-уæрæсейаг Иумæйаг демаркацион къамисы (дæлдæр - Къамис) Æстæм рабадт.
Къамис æрдзырдта Республикæ Хуссар Ирыстон æмæ Уæрæсейы Федерацийы ‘хсæн паддзахадон арæны æхсæнадæмон-барадон нысаниуæджы фæдыл.
Фембæлд ацыд хæларадон диалоджы хуызы.
Къамисы радон рабадт ацæудзæн Уæрæсейы Федерацийы территорийыл. Бынат æмæ рæстæг скъуыддзаг æрцæудзысты дипломатон минæвæртты фæрцы.
Хурхæтæны мæйы 7-æм бон Нью-Йорчы Иугонд Нациты Организацийы Генералон Ассамблейы 77-æм сессийы фæлгæтты райстæуыд Хуссар Ирыстон æмæ Абхазы лигъдæтты æмæ мидбынаты иу ранæй иннæ ранмæ чи ацыд цæрынмæ, уыдоны уавæры фæдыл резолюци. Уыцы резолюцийы райст сцырен кодта Гуырдзыстон.
Хурхæтæны мæйы 1-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар йæхимæ райста Республикæ Хуссар Ирыстоны Фæсарæйнаг хъуыддæгты министрады Официалон минæвар Австриаг Республикæйы Патрик Поппелы, кæцы æрцыд Цхинвалмæ кусæгон балцы.
Фембæлды рæстæджы æрдзырдæуыд æмархайды фарстытыл, афтæмæй ма Европæйы æхсæнадæмон бастдзинæдтæ уæрæх кæныны дарддæры фадæттыл.
Цхинвал, 2023 азы хурхæтæны мæйы 1-æм бон
Хуссар Ирыстоны Хæдбардзинад расидыны Акты райстæй 31 азы рацыды цытæн Донецкы Адæмон Республикæйы Фæсарæйнаг хъуыддæгты министрад рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министрадмæ:
Сæрмагондæй, арфæйы дзырдæуы:
«Хуссар Ирыстоны хæдбардзинад райсыны, национ иудзинады æмæ хъысмæт хибарæй æвзарыны хъуыддаджы 1992 азы зæрдæвæрæны мæйы 29-æм бон ссис тынг ахсджиаг рæстæг. Тæссагдзинадмæ ‘нæкæсгæйæ, Уæлдæр Совет сæххæст кодта адæмы фæндон æмæ уыцы иухуызонæй схъæлæс кодта паддзахадон хæдбардзинад расидыны Акты райсты тыххæй.
Хуссар Ирыстоны Хæдбардзинад расидыны Акты райстæй 31 азы рацыды цытæн Республикæ Абхазы Фæсарæйнаг хъуыддæгты министрад рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министрадмæ:
Сæрмагондæй, арфæйы дзырдæуы:
«Цæмæй хуссарирыстойнаг адæмæн сæ райгуырæн зæххыл сабырад æмæ сæрибардзинад уа, суверенон, дидинкал паддзахад сырæза, уыцы тохы фæндагыл иттæг ахсджиаг нысаниуæг уыд ацы документы райстæн.
Республикæ Абхазы Фæсарæйнаг хъуыддæгты министрад арфæ кæны йæ хуссарирыстойнаг коллегæтæн æнтыстытæ, сабырад æмæ фæрныгады фæндиæгтимæ».
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Сириаг Араббаг Республикæйы Фæсарæйнаг хъуыддæгты æмæ эмигрантты хъуыддæгты фæдыл министр Фейсал аль-Микдадмæ Сириаг Араббаг Республикæ куы банымадта Республикæ Хуссар Ирыстоны хæдбардзинад, уыцы цауæй 5 азы рацыды цытæн.
Сæрмагондæй, арфæйы дзырдæуы:
2018 азы зæрдæвæрæны мæйы 28-æм бон нæ паддзахады Хæдбардзинад банымайыны радон бæрæгбон нысан кæнгæйæ, ирон адæм райстой уæлдай зынаргъ лæвар: Сириаг Араббаг Республикæ банымадта Республикæ Хуссар Ирыстоны паддзахадон суверенитет.
Республикæ Хуссар Ирыстоны Дипломатон кусæджы боны цытæн Донецкы Адæмон Республикæйы Фæсарæйнаг хъуыддæгты министрад арфæйы фыстæг рарвыста Республикæ Хуссар Ирыстоны Фæсарæйнаг хъуыддæгты министрадмæ.
Сæрмагондæй, арфæйы дзырдæуы:
«Абоны бон дунеон дипломатийæн ныллæууыдысты зын рæстæджытæ, арæх æрлæмæгъ вæййы коллективон Скæсæны æндæвдады бын. Уымæ гæсгæ уæлдай ахадгæ у Республикæ Хуссар Ирыстоны дипломатон кусджыты архайд. Уыдон æнæфæцудгæ рæхысау кад æмæ намысимæ хъахъхъæнынц сабырад æмæ æхсæнадон фæрныгад.
Республикæ Хуссар Ирыстоны Фæсарæйнаг хъуыддæгты министрады Сырæзты боны æмæ Дипломатон кусæджы боны цытæн Приднестровьейы Фæсарæйнаг хъуыддæгты министр Виталий Игнатьев арвыста арфæйы фыстæг Республикæ Хуссар Ирыстоны Фæсарæйнаг хъуыддæгты министр Джиоты Æхсармæ.
Сæрмагондæй, арфæйы дзырдæуы:
«Бирæ азты дæргъы Паддзахад Аланийы æддагполитикон уагдоны коллектив стыр хайбавæрд хæссы дунейон аренæйы бæстæйы суверенитеты фарс хæцыны, РХИ-йы æдде цы æмбæстæгтæ ис, уыдон бартæ хъахъхъæныны хъуыддæгтæм.
РХИ-йы æддагполитикон уагдоны Сырæзты боны цытæн Республикæ Арцахы Фæсарæйнаг хъуыддæгты министр Сергей Газарян арвыста арфæйы фыстæг Республикæ Хуссар Ирыстоны Фæсарæйнаг хъуыддæгты министр Джиоты Æхсармæ.
Сæрмагондæй, арфæйы дзырдæуы:
«Дипломатон службæ цы хайбавæрд бахаста æддагполитикон аренæйы бæстæйы интерестæ хъахъхъæныны, афтæмæй ма паддзахады суверенитет фидар кæныны, йе ‘дасдзинад фæбæрзонддæр кæныны хъуыддаджы, уымæн саргъ кæнæн дæр нæй.
РХИ-йы Дипломатон кусæджы боны цытæн Республикæ Абхазы Фæсарæйнаг хъуыддæгты министр Инал Ардзинба рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министр Джиоты Æхсармæ.
Сæрмагондæй, арфæйы дзырдæуы:
Уæрæсейы Федерацийы Уæлвæткон æмæ Æххæстбарджын минæвар Республикæ Хуссар Ирыстоны Марат Кулахметов РХИ-йы Дипломатон кусæджы боны цытæн рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министр Джиоты Æхсармæ.
Сæрмагондæй, арфæйы дзырдæуы:
«Хуссар Ирыстоны дипломатон службæйы размæдзыд фидарæй баст у хуссарирыстойнаг паддзахаддзинады сæвзæрды историимæ. Йæ сырæзтæй фæстæмæ Фæсарæйнаг хъуыддæгты министрад фидарæй хъахъхъæны æвзонг республикæйы интерестæ, ныллæууыд бæстæйы æхсæнадæмон банымады фæндагыл.
