Новости

Зæрдæвæрæны мæйы 7-æм бон Стыр Уæлахизы 78-æм азы боны хæдразмæ Хуссар Ирыстон æмæ Приднестровьейы сывæллæтты командæты ‘хсæн ацыдысты тагъд шахмæттæй хъæзтытæ. Уагъд æрцыдысты Абхазы, Хуссар Ирыстоны, Приднестровьейы сывæллæтты командæты æхсæнадæмон онлайн-турниры фæлгæтты. 

Онлайн-турнир ацыд Приднестровьейы Официалон Минæварады Хуссар Ирыстоны æмæ Абхазы Официалон Минæварады Приднестровьейы хъæппæрисæй.

Шахмæтты федерациты ‘рдыгæй мадзалы хайад райстой Сæулохты Георгий (Республикæ Хуссар Ирыстон) æмæ Галина Сапрыкина (Приднестроваг Молдаваг Республикæ).

Хуымгæнæны мæйы 25-æм бон Мæскуыйы Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд Боливариайнаг Республикæ Венесуэлæйы Уæлвæткон æмæ Æххæстбарджын Минæвар Республикæ Хуссар Ирыстоны Хесус Рафаэль Саласар Веласкесимæ.

Дыууæ фарс дæр æрдзырдтой Хуссар Ирыстон æмæ Венесуэлæйы ‘хсæн ахастыты райрæзтыл æмæ бадзырдтой иумæйаг фарстыты фæдыл дарддæры æмгуысткæнынадыл.

Хуымгæнæны мæйы 25-æм бон Мæскуыйы  Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд Республикæ Абхазы Уæлвæткон æмæ Æххæстбарджын Минæвар Уæрæсейы Федерацийы Алхас Квициниаимæ.

Ныхасы рæстæджы æрдзырдæуыд Хуссар Ирыстон æмæ Абхазы ‘хсæн хæларадон ахастыты дарддæры райрæзтыл.

Фембæлды ма хайад райста Республикæ Хуссар Ирыстоны Минæварады Уынаффæгæнæг Уæрæсейы Федерацийы Уалыты Зара.

Цхинвал, 2023 азы хуымгæнæны мæйы 25-æм бон

Хуымгæнæны мæйы 21-æм бон Мæскуыйы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары æмæ Республикæ Никарагуайы Уæлвæткон æмæ Æххæстбарджын Минæвар Республикæ Хуссар Ирыстоны Альба Асусена Торрес Мехияйы фембæлд.

Фембæлды ма хайад райстой Республикæ Хуссар Ирыстоны Уæлвæткон æмæ Æххæстбарджын Минæвар Республикæ Никарагуайы Козаты Нарим æмæ Республикæ Хуссар Ирыстоны Минæварады Уынаффæгæнæг Уæрæсейы Федерацийы Уалыты Зара.

Хуымгæнæны мæйы 20-æм бон Мæскуыйы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары æмæ Сириаг Араббаг Республикæйы Уæлвæткон æмæ Æххæстбарджын Минæвар Уæрæсейы Федерацийы Башар Джаафарийы фембæлд.

Цхинвал æмæ Дамаскы ‘хсæн цæмæй дывæрсон æмгуыстад арфдæр кæна æмæ æмархайд цæуа алыхуызон æмвæзадтыл, æппæт уыцы актуалон фарстытыл æрдзырдæуыд ныхасы рæстæджы.

Цхинвал, 2023 азы хуымгæнæны мæйы 20-æм бон

Республикæ Хуссар Ирыстоны Фæсарæйнаг хъуыддæгты министр Джиоты Æхсар Сириаг Араббаг Республикæйы Хæдбардзинады боны цытæн арвыста арфæйы фыстæг Сириаг Араббаг Республикæйы Фæсарæйнаг хъуыддæгты æмæ эмигрантты хъуыддæгты фæдыл министр Фейсал аль-Микдадмæ.

Сæрмагондæй, æрвыстæджы дзырдæуы:

«1946 азы хуымгæнæны мæйы 17-æм бон у сæрибаруарзаг сириаг адæмы национ иудзинад æмæ ныфсы бон. Уæдæй фæстæмæ райдыдта хæдбар суверенон паддзахад аразыны рæстæг.

Хуымгæнæны мæйы 12-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар йæхимæ райста Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Аланы.

Ныхасы рæстæджы дыууæ фарс дæр сæ хъуыдытæ загътой хæларадон хуссарирыстойнаг- абхазаг ахастыты уавæры фæдыл, афтæмæй ма æрдзырдæуыд регионалон боны фæткы кæцыдæр фарстытыл.

Абхазы дипломатон минæварады сæргълæууæг банысан кодта, зæгъгæ, абхазаг делегаци фæбузныг ахæм хъæрмуд райсты тыххæй Хуссар Ирыстоны Абхазы культурæйы бонты рæстæджы.

Хуымгæнæны мæйы 12-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар йæхимæ райста Уæрæсейы Федерацийы Уæлвæткон æмæ Æххæстбарджын Минæвар Хуссар Ирыстоны Марат Кулахметовы.

Ныхасы рæстæджы æрдзырдæуыд дывæрсон æмгуыстадимæ баст фарстытыл.

Цхинвал, 2023 азы хуымгæнæны мæйы 12-æм бон

Хуымгæнæны мæйы 7-æм бон ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары æмæ Республикæ Хуссар Ирыстоны Уæлвæткон æмæ Æххæстбарджын Минæвар Уæрæсейы Федерацийы Гасситы Знауыры фембæлд.

Ныхасы рæстæджы æрдзырдæуыд Минæварады архайды актуалон фарстытыл, кæцытæ здæхт сты хуссарирыстойнаг-уæрæсейаг хæларадон ахастытæ сфидар кæнынмæ.

Уымæй дарддæр ма Джиоты Æхсар æмæ Гасситы Знауыр бабæрæг кодтой Бекъойты Роланды цуанон хæцæнгæрзты колекцийы равдыст, кæцы байгом Тыбылты Алыксандры номыл Хуссар Ирыстоны Паддзахадон университеты (ХИПУ) музейы.

2023 азы хуымгæнæны мæйы 4-5 бонты Женевæйы ацыд Фæскавказы æдасдзинады фæдыл Æхсæнадæмон дискусситы радон раунд. Уагъд цæуынц 2008 азы майрæмы мæйы 12-æм бон æмæ рухæны мæйы 8-æм бон цы бадзырдтæ райстæуыд, уыдоныл бындуриуæг кæнгæйæ. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, Америкæйы Иугонд Штатты делегацитæ, Европæйы Цæдис (ЕЦ), Иугонд Нациты Организаци (ИНО), афтæ ма Европæйы Æдасдзинад æмæ æмгуыстады фæдыл организацийы минæвæрттæ.

Хуымгӕнӕны мӕйы 4-ӕм бон Женевӕйы райдыдта Фӕскавказы ӕдасдзинад ӕмӕ стабилондзинады фӕдыл Дискусситы 57-ӕм раунд. Куысты фыццаг боны фӕлгӕтты Хуссар Ирыстоны делегаци ауагъта фембӕлдтытӕ 1-ӕм ӕмӕ 2-ӕм кусӕгон къордты ӕмсӕрдӕрттӕ ӕмӕ модератортимӕ. Фембӕлдтыты рӕстӕджы ӕрдзырдӕуыд Дискусситы боны фӕткмӕ цы фарстытӕ хауы, уыдоныл. Женевӕйы процесс ӕнӕмӕнгӕй кӕй хъӕуы дарддӕр кӕнын ӕмӕ сног кӕнын дискусситы раундты ӕнӕрлӕугӕ куыст куыд регионы ӕдасдзинад ӕмӕ стабилондзинад бахъахъхъӕныны ахсджиаг иуӕг, уый тыххӕй сӕ хъуыдытӕ загътой хайадисджытӕ.

Хуымгæнæны мæйы 3-æм бон Женевæйы Сырх Дзуары Æхсæнадæмон Комитеты (СДзÆК) сæйраг бæстыхайы ацыд Женевæйаг æхсæнадæмон дискусситы Республикæ Хуссар Ирыстоны делегацийы хайадисджыты фембæлд Европæ æмæ Централон Азийы СДзÆК-ы операцион координатор Анжелик Апперуимæ, уымæй дарддæр ма Европæ æмæ Централон Азийы СДзÆК-ы хъахъхъæнынады хайады сæргълæууæг Фабиан Бурдьеимæ.

Фембæлды рæстæджы æрдзырдæуыд СДзÆК-ы архайдыл Республикæ Хуссар Ирыстоны. Афтæмæй ма дзырд цыд æбæрæгæй чи фесæфт, уыдон агурыны Æртæварсон координацион механизмы куыстыл.