Абон Республикæ Хуссар Ирыстоны нысан кæнынц ахсджиаг бæрæгбон – Конституцийы бон.
2001 азы хуымгæнæны мæйы 8-æм бон Республикæ Хуссар Ирыстоны æппæтадæмон референдумы рæстæджы ист æрцыд ног Конституци. Сæйраг закъон сфидар кæнгæйæ, Хуссар Ирыстоны æмбæстæгтæ равзæрстой суверенон паддзахад аразыны, паддзахаддзинады размæдзыды æмæ райрæзты фæндаг.
Конституцийы райст ссис Республикæ Хуссар Ирыстоны конституцион-барадон райрæзты ахсджиагдæр этаптæй иу. Паддзахаддзинады ахсджиаг иуæг æмæ Республикæйы барадон æмæ политикон системæйы бындур уæвгæйæ, Хуссар Ирыстоны Конституцийы сæмбырд сты паддзахады æмæ æхсæнады барадон, политикон æмæ идеологион иуæгтæ, сфидар кодта адæймаджы бартæ, закъон, уымæй дарддæр ма у бæстæйы размæдзыды раст фæндаг æвдисæг.
Хуссар Ирыстоны нырыккон историйы ацæугæ дыууын цыппар азы систы бæстæйы Конституци æмæ закъæттæ сфидар кæныны фæдыл стратегион хæсты реализацийы рæстæг. Сæйраг хъусдард здæхт цыдис конституцион закъонад, паддзахады фидар размæдзыдæн уавæртæ саразын, мидполитикон стабилондзинад бахъахъхъæныны фæдыл фарстатæн.
Республикæ Хуссар Ирыстон абоны бон тырны Конституцийы сæйраг уагæвæрдтæ сæххæст кæнынмæ, хъæугæ нормативон-барадон бындур саразынмæ æмæ бæстæйы æхсæнадон-политикон, экономикон, культурон цард фæхуыздæр кæныны фæдыл фæстиуæгджын куыстмæ.
2025 азы хуымгæнæны мæйы 8-æм бон