Хуымгæнæны мæйы 15-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста зонадон-практикон конференци «Стыр Фыдыбæстæйон хæст æхсæнадæмон ахастыты ног системæ аразыны хъуыддаджы», кæцы ацыд Тыбылты Алыксандыры номыл Хуссар Ирыстоны Паддзахадон университеты (ХИПУ).
Мадзал сарæзтой ХИПУ æмæ Хуссар Ирыстоны уæвæг Уæрæсейы историон æмæхсæнад (УИÆ) æмæ дзы хайад райстой РХИ-йы Экс-президент Тыбылты Леонид, УФ-йы Минæварады Уынаффæгæнæг-минæвар РХИ-йы Денис Федоров, Уырыссаг хæдзары Сæрдар Цхинвалы Сергей Комиссаров, Республикæйы зонадон æмæхсæнады минæвæрттæ.
РХИ-йы Президенты Паддзахадон Уынаффæгæнæг Гобозты Вячеслав бакаст Хуссар Ирыстоны Президент Гаглойты Аланы номыл арфæ хайадисджытæн.
Конференцийы рæстæджы бакастæуыд докладтæ Стыр Фыдыбæстæйон хæсты темæйыл. Хайадисджытæ æрдзырдтой ленд-лиз æмæ Тегераны конференцийы бынатыл антигитлерон коалицийы райрæзты хъуыддаджы, афтæмæй ма нырыккон дунейы ивындзинæдты уавæры фашистон Германыл Фæуæлахизы ахсджиагдзинадыл.
2025 азы хуымгæнæны мæйы 15-æм бон