Хуымгæнæны мæйы 4-æм бон Республикæ Хуссар Ирыстоны Фæсарæйнаг хъуыддæгты министрады Æвзонг дипломатты советы минæвæрттæ Сæрдар Санахъоты Алексейы сæргълæудæй хайад райстой æхсæнадæмон экологион-патриотон акци «Сад памяти»-йы.
Акцийы фæлгæтты Стыр Фыдыбæстæйон хæсты рæстæджы фæмард хъайтарты номыл Цхинвалы Хуыбылты Валерийы номыл культурæ æмæ улæфты парчы сагъд æрцыдысты 50 бæласы. Акцимæ æрбаиу сты Цхинвалы уæвæг Уырыссаг хæдзар, Уæрæсейы минæварад Хуссар Ирыстоны, горæт Цхинвалы администраци æмæ хицауады структурæтæ.
Æхсæнадæмон акци «Сад памяти» уагъд цæуы 2020 азæй фæстæмæ АНО «Сад памяти», æппæтуæрæсейон æхсæнадон змæлд «Волонтеры Победы» æмæ Уæлахиздзинады Полководецты номыл фонды хъæппæрисæй.
Уæрæх экологион-патриотикон акцийы сæйраг здæхт – æрвылаз дæр 27 милуан бæласы ныссагъд Стыр Фыдыбæстæйон хæсты азты фæмардуæвджыты рухс номыл. Ахæм цыртдзæвæнтæ садзынц канд уæрæсейаг субъектты нæ, фæлæ ма фæсарæнты дæр. 5 азмæ акцимæ æрбаиу сты дунейы 78 бæстæтæй волонтертæ, кæцытæ кæрæдзийæн æххуысы фæрцы ныссагътой 130 милуан бæласæй фылдæр.
2025 азы хуымгæнæны мæйы 4-æм бон