Хуымгæнæны мæйы 17-æм бон Республикæ Хуссар Ирыстоны Фæсарæйнаг хъуыддæгты министрады кусджытæ хайад райстой форум «Brand Analytics Forum-2025»-ы, кæцы ацыд Мæскуыйы пресс-центр «Россия Сегодня»-йы.
Форумы программæ здæхт уыд паддзахадон органты дзыллон информацийы фæрæзтæ æмæ социалон медиайы аналитикæйæ пайда кæнынадмæ. Мадзалы фæлгæтты ацыдысты экспертон æмæ практикон сесситæ ацы фадыджы зынгæ специалистты хайадистимæ, се 'хсæн компанитæ Brand Analytic, АНО «Диалог Регионы», Daynet, афтæмæй ма Уæрæсейы паддзахадон органты минæвæрттæ æмæ æндæртæ.
Форумы хайадисджыты рæгъмæ рахастæуыд ног технологион уынаффæтæ, се ‘хсæн социалон хызæгтæ æмæ дзыллон информацийы фæрæзты анализ аразгæ интеллекты æххуысæй.
2025 азы хуымгæнæны мæйы 18-æм бон