Хуымгæнæны мæйы 18-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар онлайн форматы хайад райста тымбыл фынг «Æмгуыстады хид, культурæты диалог»-ы куысты, кæцы ацыд Брюсселы «Ирон культурæйы бонтæ Европæйы»-йы фæлгæтты.
«Ирон культурæйы бонтæ Европæйы» цæуынц 15 азы дæргъы Æхсæнадæмон некоммерцион ассоциаци «Renaissance Sandidzan»-ы сæрдар, Бенилюксы бæстæты РХИ-йы ФХъМ-йы Уæлвæткон Минæвар Пухаты Радионы хъæппæрисæй.
Тымбыл фынджы куысты хайад райстой ирон нывгæнджытæ, Хуссар æмæ Цæгат Ирыстоны зонад æмæ сфæлдыстадон интеллигенцийы, ирон диаспорæйы минæвæрттæ, Уæрæсейы регионтимæ куысты фæдыл европæйаг, афтæмæй ма культурæ æмæ зонады фадыджы эксперттæ.
Джиоты Æхсар раарфæ кодта æрæмбырдуæвджытæн æмæ бузныджы ныхæстæ загъта культурон мадзалы организатортæ, хайадисджытæ æмæ уазджытæн. Уымæй дарддæр ма банысан кодта ныры уавæрты мадзалы ахсджиагдзинад.
Мадзалы фыццаг боны фæлгæтты ацыд Цæлыккаты Вадимы киноныв «Мой брат, доктор Мольс»-ы равдыст æмæ ирон нывгæнджыты æхсæнадæмон равдыст «Удцырын», кæцыйы сæ куыстытæ адæмы рæгъмæ рахастой Æлборты Лира, Пухаты Вадим, Цоциты Роксалана, Гуыбеты Амина, Томайты-Габеллини Фатимæ, Галина Швайгер.
2025 азы хуымгæнæны мæйы 18-æм бон