Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Абхазы Фæсарæйнаг хъуыддæгты министр Олег Барцицмæ Республикæ Абхазы Фæсарæйнаг хъуыддæгты министрæй снысан кæныны фæдыл.
Сæрмагондæй, арфæйы дзырдæуы:
«Уырны мæ, æмæ де стыр профессионалон æмæ адæймаджы миниуджытæ ахъаз кæй уыдзысты Республикæ Абхазы æддагполитикон курс реализаци кæныны фæдыл æрæвæргæ хæстæ æххæст кæнынæн, йе 'хсæнадæмон бастдзинæдтæ уæрæх кæнынæн.
Цытджын Олег Мсасы фырт, нæ уагдæтты ‘хсæн сæвзæргæ хæларад æмæ æмгуыстады ахастытæн стыр аргъгæнгæйæ, цæттæ дæн нæ бæстæтæ æмæ адæмты хæрзиуæгæн æнтысджын æмархайд дарддæр кæнынмæ».