Сообщения МИД РЮО

2015 азы 16 февралы Республикæ Хуссар Ирыстоны кусæгон визитимæ уыдысты Фæскавказы æдасдзинады фæдыл Женевайы дискусситы Æмсæрдæрттæ. Делегаци Цхинвалы фембæлдис Хуссар Ирыстонæй Женевайы дискусситы хайадисджытимæ, фæсконфликтон ситуацийы фарстатæ æрбæстон кæныны фæдыл Президенты Æххæстбарджын Минæвар Джиоты Муратимæ.

Фембæлды рæстæджы дыууæ фарсы дæр æркастысты Женевайы бадзырдтимæ бастуæвæг процессы фарстытыл, кæцытæ уагъд цæудзысты ацы аз 17-18 марты Женевайы плангонд чи цæуы, уыцы 31-æм раунды æруынаффæйы предмет.

Ацы аз, 27 декабры, Республикæ Хуссар Ирыстоны Фæсарæйнаг хъуыддæгты министр Санахъоты Д.Г. фембæлд Донецкы Адæмон Республикæйы Фæсарæйнаг хъуыддæгты министр А.И. Кофман йæ сæргъ кæмæн лæууыдис, ДАР уыцы делегациимæ. Ацы делегаци уый хæдразмæ Цхинвалмæ æрцыдис кусæгон балцы.

2 сентябры Республикæ Хуссар Ирыстоны делегаци фæсарæйнаг хъуыддæгты министр Санахъоты Д.Г. сæргълæудæй Тирасполы хайад райста Приднестроваг Молдоваг Республикæйы сырæзтыл 24 азы сæххæсты бæрæгбонон мадзæлтты.

2014 азы 21 ноябры Дзæуæджыхъæуы бæрæгбонон уавæрты байгом Республикæ Хуссар Ирыстоны Консулон агентад.

Церемонийы хайад райстой РХИ Хицауады Сæрдар Хъуылымбегты Д.С., РХИ Фæсарæйнаг хъуыддæгты министр Санахъоты Д.Г., РЦИ-Аланийы Хицауады Сæрдар Такъоты С.К., РХИ УФ Уæлрадон æмæ Æххæстбарджын Минæвар Хъарджиаты Э.К. æмæ æндæр официалон адæймæгтæ.

8 сентябры Абхазы Республикæйы Уæлвæткон æмæ Æххæстбарджын Минæвар Республикæ Хуссар Ирыстоны Боциты О.И. æрцыдис Цхинвалмæ консультаци райсынмæ.

Минæвары йæхимæ райста Республикæ Хуссар Ирыстоны Президент Тыбылты Л.Х. Фембæлды ма уыдис Республикæ Хуссар Ирыстоны Фæсарæйнаг хъуыддæгты министр Санахъоты Д.Г.

Фембæлды лæмбынæгæй уынаффæ цыдис дывæрсыгон архайдтыты актуалон фарстаты уæрæх спектрыл. Боциты О.И. информаци сарæзта, 24 августы уагъд чи ‘рцыдысты Абхазы, уыцы æнæрадон президентон æвзæрстыты фæстиуджытыл, афтæ ма бæстæйы ныртæккæ цы ситуаци ис, уый тыххæй дæр.

2014 азы 4 августы Федералон закъон «Уæрæсейы Федерацийы æмбæстагдзинадмæ» æмæ Уæрæсейы Федерацийы хицæн закъондæттынадон акттæм цы ивындзинæдтæ хаст æрцыдысты, уыдон уæрæсейаг æмбæстæгты хæсджын кæнынц, цæмæй фæсарæйнаг æмбæстагдзинад æмæ сын рæстæгмæ цæрыны бар кæй ис кæнæ æндæр, æцæгдзинад чи ‘вдисы, цæрыны бары тыххæй, ахæм документ сæм кæй ис, уый тыххæй.

Санахъоты Дауыт Георгийы фырт Республикæ Хуссар Ирыстоны Фæсарæйнаг хъуыддæгты министрæй снысан кæныны тыххæй

2014 азы 14 июлы Республикæ Хуссар Ирыстоны Президент Тыбылты Л.Х. Указæй Санахъоты Дауыт нысан æрцыдис Республикæ Хуссар Ирыстоны Фæсарæйнаг хъуыддæгты министрæй.

Цхинвал, 2014 азы 14 июль

2014 азы 1 августæй Республикæ Хуссар Ирыстоны Фæсарæйнаг хъуыддæгты министрад, Республикæ Хуссар Ирыстоны æмбæстæгтæй Республикæ Хуссар Ирыстоны территорийы æттæ чи сты, уыдонæн Республикæ Хуссар Ирыстоны æмбæстаджы гоймагдзинад бæлвырдгæнæг паспорттæ (фæсарæйнаг паспорттæ)саразын æмæ раттыны тыххæй æмбырд кæны документтæ. Документтæ фыццаг радыист цæуынц Республикæ Хуссар Ирыстоны арæнты æттæ чи ахуыр кæнынц, уыцы абитуриенттæ æмæ студенттæн УФ цы квотатæ радта, уыдонæй УФ уæлдæр ахуыргæнæндæтты чи ахуыр кæнынц, уыдонæй.

2014 азы 15 июлы фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты Мураты сæргълæудæй уагъд æрцыдис Женевæйы дискусситы хайадисæг хуссарирыстойнаг делегацийы кусæгон фембæлд Фæскавказы æдасдзинад æмæ стабилондзинады фæдыл Женевæйы дискусситы ЕЦ, ЕЦÆО æмæ ИНО Æмсæрдæрттимæ.

Фембæлды сæйраг темæ уыдис, октябры райдианмæ плангонд чи у, Женевæйы дискусситы уыцы 29-æм раундмæ бацæттæ кæнын.

Цалдæр азы фæд-фæдыл БНО Генералон Ассамблея исы, Гуырдзыстон кæй бавдисы Абхазæй æмæ Хуссар Ирыстонæй лигъдонты æмæ иу ранæй иннæ ранмæ чи ацыдис цæрынмæ, уыдон фæдыл резолюцийы проект. Азæй-азмæ фæлхатцæуæг документы тексты Гуырдзыстон фæлвары æмæ сзыгъуыммæгондæй фенын кæны æмæ бафидар кæны йæ æнæлегитимон территориалон даутæ.

Фæскавказы æдасдзинад æмæ стабилондзинады фæдыл Женевæйы дунеон дискусситы 28-æм раунды тыххæй

2014 азы 17-18 июны уагъд цыдис Фæскавказы æдасдзинады æмæ стабилондзинады фæдыл Женевæйы Дунеон дискусситы радон раунд. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, АИШ минæвæрттæ, афтæ ма ЕЦ, БНО æмæ ЕЦÆО организациты минæвæрттæ.

Хуссарирыстойнаг делегацийы сæргъ лæууыдис фæсконфликтон ситуаци æрбæстон кæныны фарстаты фæдыл Президенты æххæстбарджын Минæвар Джиоты М.К.

3-4 июны Цхинвалы уыдис Паддзахад Эритреяйы делегаци, Фæсарæйнаг хъуыддæгты министр Осман Салехы сæргълæудæй.

Фæсарæйнаг хъуыддæгты министрады лæмбынæг ныхæсты рæстæджы дыууæ фарсы дæр æруынаффæ кодтой дывæрсыг ахастыты перспективæтыл, политикон диалогы рæзт æмæ алыгъуызон къабæзты æмкуысткæнынады потенциалы фæдыл.

Бадзырдтæ ацыдысты кæрæдзийыл æууæндыны æмæ конструктивон уавæрты.

Ныхæсты фæстæ дыууæ фарсы дæр дзуаппытæ радтой дзыллон информацийы фæрæзты минæвæртты фарстытæн.

Цхинвал, 2014 азы 4 июнь