2 сентябры Республикæ Хуссар Ирыстоны делегаци фæсарæйнаг хъуыддæгты министр Санахъоты Д.Г. сæргълæудæй Тирасполы хайад райста Приднестроваг Молдоваг Республикæйы сырæзтыл 24 азы сæххæсты бæрæгбонон мадзæлтты.
Бæрæгбонон мадзæлтты фæлгæтты хуссарирыстойнаг делегацийæн фембæлд уыдис Приднестроваг Молдоваг Республикæйы Фæсарæйнаг хъуыддæгты министр Н.В. Штанскиимæ. Фембæлды рæстæджы уынаффæ цыдис æмкуысткæнынады приоритетон фæдæздæхтыты фарстатыл, сæрмагондæй та æттагонполитикон уагдæтты хаххыл. Приднестровæгтæ Хуссар Ирыстоны делегацимæ радтой хæлардзинады æмæ æмкуысткæнынады Бадзырды сноггонд редакцийы проект, дарддæр ыл бакусыны æмæ йыл сразыйы сæраппонд. Уымæйразмæ архайæг бадзырды сног кæныны æнæмæнгхъæуындзинады тыххæй уынаффæ райстой Республикæ Хуссар Ирыстоны æмæ Приднестроваг Республикæйы президенттæ Тыбылты Леонид æмæ Евгений Шевчук. Дыууæрдыгæй фарс ма ноджыдæр æруынаффæ кодтой 2015 азы Хуссар Ирыстоны, Абхазы æмæ Хæххон Къарабахы Фæсарæйнаг хъуыддæгты министрты цыппарфарсон фембæлд ауадзыны перспективæтыл.
Хуссар Ирыстоны делегацийы ма йæхимæ райста Приднестроваг Молдаваг Республикæйы президент Е.В. Шевчук. Химæрайсты рæстæджы Евгений Шевчук бузныг загъта Хуссар Ирыстоны къухдариуæгадæн Приднестровьемæ сæ хæлар ахастыты сæраппонд. Санахъоты Давид дæр йæхи рады банысан кодта дывæрсыг ахастыты тыххæй, Приднестровьейы алыварс цæуæг актуалон цауты тыххæй. Куыд загъта, афтæмæй Хуссар Ирыстоны стыр катайдзинадимæ сæ хъус дарынц ситуацимæ æмæ цæттæ сты, цæмæй гæнæн цæмæндæриддæр ис, уымæй минимуммæ кæной йæ негативон фæстиуджытæ.
Цхинвал, 2014 азы 3 сентябрь