Нæ хъус æрдардтам ИНО-йы Æдасдзинады Советы кæцыдæр бæстæтæ-уæнгты минæвæртты фидиуæнмæ, кæцы загъд æрцыд 2008 азы майрæмты мæйы цаутæй 17 азы рацыды охыл рабадты.
Хуссар Ирыстонæн трагикон бонты «Гуырдзыстоны хæлæртты» радон фидиуæны дзырдæуы «аннекси», афтæ хуыйнæг Гуырдзыстоны территориалон иудзинад æмæ уæрæсейы гæрзифтонг тыхты æнæзакъонæй уæвынады фæдыл.
Республикæ Хуссар Ирыстоны Фæсарæйнаг хъуыддæгты министр Джиоты Æхсар Райгуырæн боны цытæн арвыста арфæйы фыстæг Боливариайнаг Республикæ Венесуэлæйы Фæсарæйнаг хъуыддæгты министр Иван Хиль Пинтомæ.
Сæрмагондæй, арфæйы дзырдæуы:
«Фæлтæрд дипломат æмæ политик уæвгæйæ, бирæ азты дæргъы дæ зонындзинæдтæ ахъаз сты Венесуэлæ æмæ йæ адæмы национ интерестæ хъахъхъæныны хъуыддагæн. Де стыр профессионализм, дæ адæм æмæ сæ историмæ цыт бæрæг у бæстæйы æддагполитикон уагдоны раз лæууæг хæстæ куыд бæрнонæй æххæст кæныс, уымæй».
Майрæмты мæйы 14-æм бон, 1992-1993 азты Абхазы адæмы Фыдыбæстæйон хæсты охыл Цхинвалы Сыгъдæг Мады Майрæмы Райгуырды аргъуан æмæ Сыгъдæг Æртæиуоны аргъуаны ацыдысты фæмард Фыдыбæстæ хъахъхъæнджытæ æмæ цæрджыты рухс нæмттыл службæтæ. Хайад дзы райстой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Алан.
2025 азы майрæмты мæйы 14-æм бон
Фыдыбæстæ хъахъхъæнджыты Мысæн боны охыл Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста нотæ Республикæ Абхазы Фæсарæйнаг хъуыддæгты министр О.М. Барцицмæ.
Сæрмагондæй, нотæйы дзырдæуы:
«33 азы размæ абхазаг адæмы бахъуыд гуырдзиаг фашизмы ныхмæ тугкалæн тохы слæууын. Æгъатыр хæстон архайдтыты фæстиуæгæн фæмард сты Абхазы мингай æнаххос цæрджытæ, пырхæнтæ фестадысты культурон æмæ историон цыртдзæвæнтæ.
Майрæмты мæйы 8-æм бон, Гуырдзыстоны ‘рдыгæй Хуссар Ирыстоны ныхмæ хæстон агрессийæ æвддæс азы рацыды охыл мысæн мадзæлттæ ацыдысты Республикæйы æдде дæр.
Мæскуыйы Ирвæзынгæнæг Чырыстийы Аргъуаны ссардтой гуырдзиаг агрессийы рæстæджы фæмардуæвæг Хуссар Ирыстоны цæрджыты рухс нæмттæ, афтæмæй ма Цхинвалы хъахъхъæнджыты, ирон æмæ уæрæсейаг Фидауынгæнæг тыхты хæстонты, уæрæсейаг æфсады солдаттæ æмæ офицерты рухс нæмттæ, кæцытæ сæ царды аргъæй хъахъхъæдтой Хуссар Ирыстоны.
Майрæмты мæйы 7-8 бонты Республикæ Хуссар Ирыстоны цæуынц Хуссар Ирыстоны ныхмæ Гуырдзыстоны хæстон агрессийæ æвддæс азы рацыды охыл мысæн мадзæлттæ.
Майрæмты мæйы 7-æм бон ацыд къамты равдыст «08.08.08 – 08.08.25», уый фæстæ мемориалон комплекс «Хуссар Ирыстоны хъахъхъæнджытæн»-ы раз ацыд мысæн церемони, кæцыйы рæстæджы акцийы хайадисджытæ сæвæрдтой дидинтæ мемориалмæ æмæ фæмардуæвджыты рухс номыл ссыгътой цырæгътæ.
2008 азы майрæмты мæйы Хуссар Ирыстоны ныхмæ Гуырдзыстоны хæстон агрессийы сæдæгай амæттæгты мысæн боны уæлдай æнæфсарм у Гуырдзыстоны премьер-министр И. Кобахидзейы раныхас. Гуырдзыстон гæрзифтонгæй кæй æрбабырста Хуссар Ирыстонмæ, кæцыйы æхсæнадæмон бадзырдадтæм гæсгæ сæ хæс æххæст кодтой фидауынгæнджытæ – у бæрæг бæлвырд факт, кæцы сфидаргонд æрцыд швейцариаг дипломат Х. Тальявинийы сæргълæудæй ЕЦ-йы хæдбар къамисы ‘рдыгæй, æмæ кæцы официалон Тбилис хъавы басусæг кæнынмæ.
Хуссар Ирыстоны ныхмæ Гуырдзыстоны хæстон агрессийы амæттæгты Мысæн боны охыл Приднестроваг Молдаваг Республикæйы Фæсарæйнаг хъуыддæгты министры хæстæ æххæстгæнæг А.П. Стецюк рарвыста нотæ Республикæ Хуссар Ирыстоны Фæсарæйнаг хъуыддæгты министр Джиоты Æхсармæ.
Сæрмагондæй, нотæйы дзырдæуы:
2008 азы майрæмты мæйы трагикон цаутæй 17 азы рацыды охыл Республикæ Абхазы Фæсарæйнаг хъуыддæгты министрад арвыста нотæ Республикæ Хуссар Ирыстоны Фæсарæйнаг хъуыддæгты министрадмæ.
Сæрмагондæй, нотæйы дзырдæуы:
Майрæмты мæйы 7-8 бонты Республикæ Хуссар Ирыстоны ацæудзысты Хуссар Ирыстоны ныхмæ Гуырдзыстоны хæстон агрессийæ æвддæс азы рацыды охыл мысæн мадзæлттæ.
Цалынмæ 2008 азы майрæмты мæйы æнæхъæн дуне каст Пекины XXIX Сæрдыгон Олимпаг хъæзтыты бакæныны церемонимæ, уæдмæ Гуырдзыстон, æхсæнадæмон барады æппæт нормæты сæрты ахизгæйæ, мæнгардæй æрбабырста Хуссар Ирыстонмæ. Гуырдзиаг хæстон тыхтæ æхстой адæм кæм цæрынц, уыцы бæстыхæйттæ, цы æркодта стыр зиæнттæм. Атакæйы бын бахаудысты уæрæсейаг фидауынгæнджытæ дæр. Пырхæнтæ фестадысты социалон объекттæ, медицинон уагдæттæ.
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметовмæ Райгуырæн боны цытæн.
Сæрмагондæй, арфæйы дзырдæуы:
«Хуссар Ирыстоны адæм æмæ Уæрæсейы æмбæстæгтæй Республикæйы чи цæры, уыдоны ‘хсæн дын ис стыр цыт æмæ кад. Æгæрон у дæ хайбавæрд хуссарирыстойнаг-уæрæсейаг æмахастытæ, нæ бæстæты 'хсæн интеграцион процессты размæдзыды хъуыддагмæ».
Майрæмты мæйы 5-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны уæвæг Сырх Дзуары Æхсæнадæмон Комитеты Сæрдар Саид Ассадуллайы æмæ РХИ-йы уæвæг СДÆК-ы Минæварады Æдасдзинады хайады кусæг Марко Дошлякы.
Ныхасы рæстæджы æрдзырдæуыд Хуссар Ирыстоны уæвæг СДÆК-ы Минæварады гуманитарон проекттимæ баст практикон фарстатыл. Афтæмæй ма хъуыдытæ загъдæуыд æндæр актуалон гуманитарон фарстатыл.
