Хурхæтæны мæйы 10-æм бон Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар схорзæх кодта видеоэссейы конкурс «Хæдбардзинады бæрн: Хуссар Ирыстоны фидæн – фæсивæды къухы» / «Независимость – это ответственность: будущее Южной Осетии в руках молодежи»-йы уæлахиздзаутæ æмæ хайадисджыты.
Конкурс ацыд Республикæ Хуссар Ирыстоны Хæдбардзинад расидын фæдыл Акт райсынæй 34 азы рацыды цытæн. Хайадисджытæ уыдысты Республикæйы скъолаты 9-11 къласты ахуырдзаутæ. Уæлахиздзаутæ æвзæрст æрцыдысты дыууæ хуызы: Министрады Telegram-каналы адæмон хъæлæскæнынады æмæ экспертон къамисы уынаффæмæ гæсгæ. Къамисы сконды – РХИ-йы ФХъМ-йы æмæ ХИПУ-йы кусджытæ. Адæмон хъæлæскæнынады уæлахиздзау ссис Бестауты Елизаветайы куыст (2-æм скъола), экспертон къамис та равзæрста Уалыты Асланы куыст (Дменисы скъола).
Джиоты Æхсар бузныджы ныхæста загъта скъоладзаутæн сæ хайадисты фæдыл æмæ раарфæ кодта уæлахиздзаутæн. Йæ зæрдæ сын загъта дарддæры æнтыстытæ.
Дыууæ уæлахиздзауы дæр райстой æмхуызон æхцайы хорзæхтæ. Уымæй дарддæр ма æппæт хайадисджытæн дæр лæвæрд æрцыдысты сертификаттæ æмæ зæрдылдарæн лæвæрттæ.
2026 азы хурхæтæны мæйы 10-æм бон