2013 азы 17 майы Женевайы дискусситы хайадисæг хуссарирыстойнаг делегацийæн Фæскавказы æдасдзинад æмæ стабилондзинад æрбæстон кæныны фæдыл Президенты Æххæстбарджын Минæвар Джиоты Мураты сæргълæудæй Цхинвалы фембæлдысты Фæскавказы æдасдзинад æмæ стабилондзинады фæдыл Женевайы дискусситы æмсæрдæрттæ ЕЦ, ЕЦÆО æмæ БНО-йы æмсæрдæрттимæ.
2013 азы 16 майы Республикæ Хуссар Ирыстоны Фæсарæйнаг хъуыддæгты министр Санахъоты Д.Г. официалон визиты уыдис Сухумы, кæцыран хайад райста Республикæ Абхазы Фæсарæйнаг хъуыддæгты министрад саразыныл 20 азы сæххæсты боны цытæн уагъдцæуæг мадзæлтты.
Визиты рæстæджы РХИ Фæсарæйнаг хъуыддæгты Министр Санахъоты Д.Г.фембæлдис РА Фæсарæйнаг хъуыддæгты Министр В.А. Чирикбаимæ æмæ æруынаффæ кодтой дывæрсыг æмкуысткæнынады фарстатыл, афтæ ма 2013 азæн сæ къухтæ бафыстой Консультациты планыл.
ЕЦПА уалдзыгон сессийы Гуырдзыстоны премьер-министры раныхасы фæдыл
2013 азы 23 апрелы Гуырдзыстоны премьер-министр Бидзина Иванишвили раныхас кодта Страсбургы Европæйы Цæдисы Парламентон Ассамблейы сессийы æмæ æрдзырдта Гуырдзыстоны политикæйы сæйраг фæдæздæхтытæ æмæ æттагон политикæйы хæсты тыххæй. Сæрмагондæй загъта, зæгъгæ, «алчи дæр зоны нæ территорийы 20 проценты нын 2008 азы Уæрæсе кæй соккупаци кодта, уый».
2013 азы 24 апрелы Республикæ Хуссар Ирыстоны Фæсарæйнаг хъуыддæгты министр Санахъоты Д.Г. Мæскуыйы йæ кусæгон балцы рæстæджы фембæлдис Уæрæсейы Федерацийы Фæсарæйнаг хъуыддæгты министры хæдивæг статс-секретарь Г.Б. Карасинимæ.
Ныхасы рæстæджы уынаффæ цыдис Уæрæсейы Федерацийы æмæ Республикæ Хуссар Ирыстоны дывæрсыг ахастыты актуалон фарстытыл, сæ политикон æмархайдыл, афтæ ма Хуссар Кавказы ныры ситуацийы иуæй-иу аспекттыл дæр.
Цхинвал, 2013 азы 25 апрель
Хуссар Ирыстонæн уæрæсейаг дипломатон уæлдæр ахуыргæнæндæттæм ахуыр кæнынмæ бацæуыны тыххæй нысанон бынæттæ рахицæн кæныны тыххæй
Боциты Олегы Республикæ Хуссар Ирыстоны Уæлрадон æмæ Æххæстбарджын Минæварæй Республикæ Абхазы снысан кæныны тыххæй
Республикæ Хуссар Ирыстоны Президент Тыбылты Л.Х. 2013 азы 15 апрелы Указæй Боциты Олег Ильяйы фырт нысан æрцыдис Республикæ Хуссар Ирыстоны Уæлрадон æмæ Æххæстбарджын Минæварæй Респуликæ Абхазы.
Цыбыр биографион зонæнтæ:
Боциты Олег Ильяйы фырт райгуырдис 1954 азы Абхазы АССР, Ткварчелы горæты.
1976 азы каст фæцис Харьковы паддзахадон университет (механикон факультет).
2008 азы августы цауты фæдыл Гуырдзыстоны гæнæнуæвæг ног фæдагуырд ауадзыны тыххæй
Фæстаг рæстæджы гуырдзиаг бæрзонд трибунæтæй арæхæй-арæхдæр хъуысынц 2008 азы августы хæсты рæстæджы бынат кæмæн уыдис, уыцы фактты фæдыл ног фæдагуырд ауадзыны тыххæй æмæ сын æмбæлон аргъ скæныны тыххæй. Уыйадыл, Гуырдзыстоны премьер-министр Бидзина Иванишвили фехъусын кодта, зæгъгæ, «хæсты темæ у мигъæмбæрзт» æмæ æрсидтис йæ уавæрты тыххæй йын ног фæдагуырд ауадзынмæ.
2013 азы 26-27 марты дунеон дискусситы фæлгæтты Женевæйы уыдис Фæскавказы æдасдзинад æмæ стабилондзинады фæдыл радон фембæлд. Хайад дзы райстой Республикæ Хуссар Ирыстон, Абхазы Республикæ, Гуырдзыстон, Уæрæсейы Федераци æмæ АИШ-ы делегацитæ, афтæ ма ЕЦ, ИНО æмæ ЕÆÆО-йы минæвæрттæ. Хуссар Ирыстоны делегацийы сæргъ лæууыди уавæры фæсконфликтон æрбæстон кæныны фарстыты фæдыл Президенты Æххæстбарджын Минæвар Джиоты М.К.
2013 азы 5 марты Республикæ Хуссар Ирыстоны Фæсарæйнаг хъуыддæгты министры фыццаг хæдивæг Цыхуырбаты Казбулат йæхимæ райста Сырх Дзуары Дунеон Комитеты Цхинвалы офисы сæргълæууæг Лианæ Хатчинсы.
Ныхасы рæстæджы æхсин Хатчинс информаци сарæзта фæстаг мæйты дæргъы Хуссар Ирыстоны йæ организацийы куысты тыххæй, сæрмагондæй уынаффæ цыдис, гуманитарон характер кæмæн ис, къорд ахæм практикон фарстытыл.
Дыууæ фарсы дæр загътой дарддæр дæр æмгуыстгæнынадмæ сæ цæттæдзинады тыххæй.
Цхинвал, 2013 азы 5 март.
2013 азы 13 марты Республикæ Хуссар Ирыстоны кусæгон балцимæ уыдис Женевæйы дунеон дискусситы Æмсæрдæртты делегаци. Делегацийы Цхинвалы сæхимæ райстой Республикæ Хуссар Ирыстоны къухдариуæгады минæвæрттæ фæсконфликт æрбæстон кæныны фæдыл Республикæ Хуссар Ирыстоны Президенты Æххæстбарджын Минæвар Джиоты М.К. сæргълæудæй.
2013 азы 21 февралы Республикæ Хуссар Ирыстоны Фæсарæйнаг хъуыддæгты министр Санахъоты Д. Г. Мæскуымæ йæ кусæгон балцы рæстæджы фембæлдис Уæрæсейы Федерацийы Фæсарæйнаг хъуыддæгты министры хæдивæг, статс-секретарь Г. Б. Карасинимæ. Фембæлды ма уыдис РХИ Президенты Æххæстбарджын Минæвар Джиоты М. К.
Ныхасы рæстæджы уынаффæ цыдис Уæрæсейы Федераци æмæ Республикæ Хуссар Ирыстоны ‘хсæн дывæрсыг ахастыты актуалон фарстытæ æмæ Фæскавказы æдасдзинад æмæ стабилондзинады фæдыл Женевæйаг дискусситы цы уавæр ис, уыимæ баст фастытæ дæр.
Фæскавказы æдасдзинад æмæ стабилондзинады фæдыл Женевæйы дунеон дискусситы 22-æм раунды тыххæй
2012 азы 12-æм декабры йæ куыст фæци Фæскавказы æдасдзинад æмæ стабилондзинады фæдыл Женевæйы дунеон дискусситы 22-æм радон фембæлд. Хайад дзы райстой Республикæ Хуссар Ирыстон, Республикæ Абхаз, Гуырдзыстон, Уæрæсейы Федераци, АИШ, Европæйы Цæдис, Баиугонд Нациты Организаци æмæ ЕÆÆÆ-йы минæвæрттæ. Хуссарирыстойнаг делегацийы сæргъ лæууыди фæсконфликтон фарстытæ æрбæстон кæныны фæдыл Республикæ Хуссар Ирыстоны Президенты Æххæстбарджын минæвар Джиоты М.К.
