- Хуссар Ирыстон банымадта ДАР æмæ ЛАР-ы хæдбардзинад 2014 азы июны. Республикæтæ банымайыны тыххæй бардзырды фæстæ РХИ Президент Тыбылты Л.Х. бахæс кодта ФХМ-йæн семæ дипломатон ахастытæ саразын. Цавæр æвæрццаг фæстиуджыты тыххæй ис радзурæн уæ куысты ацы фадыджы?
- Республикæ Хуссар Ирыстоны Конституцимæ гæсгæ йын йæ æддагон политикæ бæрæг кæны РХИ Президент, Фæсарæйнаг хъуыддæгты министрад та у æххæстгæнæг оргæн, кæцы реализаци кæны паддзахады иумæйаг æддагон политикон хахх.
26 октябры Республикæ Хуссар Ирыстоны Фæсарæйнаг хъуыддгты министр Джиоты Мурат йæхимæ райста хæдбар æхсæнадæмон эксперт Душан Игньятовичы, кæцы ОБСЕ-йы æрхуындмæ гæсгæ 2015 азæй фæстæмæ архайы, гуырдзыстоны агрессийы фæстиуæгæн сæфт Хуссар Ирыстоны æмбæстæгты ссарыныл.
Фембæлды рæстæджы дзырд цыд эксперты дарддæры архайдыл æбæрæгæй сæфтыты хъысмæт сбæрæг кæныны фæдыл.
Джиоты Мурат г-н Игньятовичæн бузныджы ныхæстæ загъта йæ бакæнгæ куысты тыххæй æмæ равдыста цæттæдзинад алыварсонæй æххуыс кæнын дарддæры фæдысгæрстæн.
Цхинвал, 2016 азы 26 октябрь
13 октябры ПАСЕ-йы фæззыгон сессийы пленарон рабадты Германийы Фæсарæйнаг хъуыддæгты министр, ОБСЕ-йы архайæг сæрдар Франк-Вальтер Штайнмайер йæ раныхасы Европæйы тыгъдады адæймаджы барты ситуацийыл дзургæйæ загъта йæ хъуыды Хуссар Ирыстоны тыххæй, æмæ йæ, куыд адæймаджы бартæм цæстдарæг, афтæ схуыдта «цъæх зонæ» æмæ «сау хуынкъ».
Фæскавказы æдасдзинад æмæ стабилондзинады фарстаты фæдыл Æхсæнадæмон дискусситы 37-æм раунды фæстиуджыты тыххæй
2016 азы 4-5 октябры Женевæйы уыдис Фæскавказы æдасдзинад æмæ стабилондзинады фарстаты фæдыл æхсæнадæмон дискусситы радон раунд, цыран хайад райстой Республикæ Хуссар Ирыстон, Республикæ Абхаз, Гуырдзыстон, Уæрæсейы Федерацийы æмæ АИШ-ы делегацитæ, афтæ ма ЕЦ, БНО æмæ ЕЦÆО-йы минæвæрттæ.
Хуссарирыстойнаг делегацийы сæргълæууæг уыд Республикæ Хуссар Ирыстоны Фæсарæйнаг хъуыддæгты министр Джиоты М. К.
4-5 октябры Женевæйы цæуы Фæскавказы æдасдзинад æмæ стабилондзинады фæдыл æхсæнадæмон дискусситы радон, 37-æм раунд. Хуссарирыстойнаг делегацийы сæргълæууæг у РХИ Фæсарæйнаг хъуыддæгты министр Джиоты М.К.
4 октябры Хуссар Ирыстоны делегаци ауагъта дыууæварсон консультацитæ æхсæнадæмон организациты минæвæрттимæ. Боны дæргъы уагъд æрцæудзысты æртæварсон консультацитæ Республикæ Хуссар Ирыстоны делегацийæн Уæрæсейы Федераци æмæ Республикæ Абхазы делегацитимæ.
29 сентябры Уæрæсейы Федерацийы Фæсарæйнаг хъуыддæгты министрады кæрæдзимæ лæвæрд æрцыдысты, 2015 азы 18 февралы æрфыст Республикæ Хуссар Ирыстон æмæ Уæрæсейы Федерацийы æхсæн паддзахадон арæны тыххæй Бадзырды ратификацион грамотæтæ.
Ратификацион грамотæтæ кæрæдзимæ радтой Республикæ Хуссар Ирыстоны Фæсарæйнаг хъуыддæгты Министр Джиоты М.К. æмæ Статс-секретарь – Уæрæсейы Федерацийы Фæсарæйнаг хъуыддæгты Министры хæдивæг Карасин Г.Б.
Цхинвал, 2016 азы 29 сентябрь
27 сентябры Республикæ Хуссар Ирыстоны Фæсарæйнаг хъуыддæгты министрады уыд фембæлд Женевæйаг дискусситы хуссарирыстойнаг делегацийы хайадисджытæн, сæ сæргъ РХИ Фæсарæйнаг хъуыддæгты министр, Фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М. К., Уæрæсейы Федерацийы Фæсарæйнаг хъуыддæгты министрады минæвæрттимæ, Женевæйаг дискусситы Фæскавказы æдасдзинады фарстаты фæдыл уæрæсейаг делегацийы уæнгтимæ – СНГ бæстæты цыппæрæм департаменты директоры хæдивæг А.А. Двинянин æмæ Министры уынаффæгæнæг М.М. Кулахметовимæ.
20 сентябры Республикæ Хуссар Ирыстоны Фæсарæйнаг хъуыддæгты министр Джиоты М.К. йæхимæ райста Днестыргæрон Молдаваг Республикæйы Фæсарæйнаг хъуыддæгты министр Игнатьев В.В., уый Хуссар Ирыстонмæ æрцыд Республикæйы Боны 26 азы цытæн уагъд бæрæгбонон мадзæлттæм Днестыргæрон Молдаваг Республикæйы делегацийы сконды.
Фембæлды хайад райстой РХИ ФХМ фæсарæйнаг уагдæттимæ куысты хайады сæргълæууæг Санахъоты А.Г., Республикæ Хуссар Ирыстоны Днестыргæрон Молдаваг Республикæйы Официалон минæварады Сæрдар Коцты Е.Э. æмæ ДМР ФХМ Протоколон ифтонгады управленийы хистæр Череш С.А.
20 сентябры г. Цхинвалы, Республикæйы Боны 26-æм афæдзы бæрæгбонон мадзæлтты фæлгæтты, къухтæ фыст æрцыд Республикæ Хуссар Ирыстон æмæ Днестргæрон Молдаваг Республикæйы æхсæн Хæларад, æмгуыстад æмæ партнердзинады тыххæй Бадзырдыл.
Хуссарирыстоайнаг фарсæй Бадзырдыл йæ къух æрфыста Республикæ Хуссар Ирыстоны Хицауады Сæрдар Хъуылымбегты Д.С., днестыргæройнаг фарсæй та - Днестыргæрон Молдаваг Республикæйы Хицауады Сæрдар Прокудин П.Н.
Уæрæсейы Федерацийы Паддзахадон Думæйы æвдæм æрсидты `взæрстыты фæдыл
18 сентябры Уæрæсейы Федерацийы Федералон Æмбырды Паддзахадон Думæйы æвдæм æрсидты `взæрстыты хайад райстой, Республикæ Хуссар Ирыстоны æдзух чи цæры, кæнæ та хъæлæс дæттыны бон Республикæйы территорийыл чи уыд, Уæрæсейы Федерацийы уыцы æмбæстæгтæ.
Æвзæрстытæ сорганизаци кодта Уæрæсейы Федерацийы Минæварад Республикæ Хуссар Ирыстоны хицауадимæ активон æмархайды.
Хуссар Ирыстоны æнæ хъусдард нæ баззадысты, 14 сентябры ТАСС-ы пресс-центры пресс-конференцийы рæстæджы загъд чи æрцыд, В.В. Жириновскийы уыцы фидиуæнтæ уæрæсейаг-хуссарирыстойнаг ахастыты тыххæй. Сæрмагондæй уый загъта, зæгъгæ, «ЛДПР позици у – никæмæн æххуыс кæнын, ницæй республикæтæ, никуы... кæнæ сæхæдæг размæ цæуæнт, æнæ уæрæсейаг фæрæзты æххуысæй, кæнæ Уæрæсейы скондмæ бацæуæнт, кæнæ аздæхæнт æндæр регионы скондмæ».
13-14 сентябры Республикæ Хуссар Ирыстоны кусæгон балцы уыд Фæскавказы æдасдзинад æмæ стабилондзинады Женевæйаг дискусситы æмсæрдæртты делегаци.
13 сентябры Æмсæрдæртты делегаци Цхинвалы фембæлд РХИ Фæсарæйнаг хъуыддæгты министр, Фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М. К. æмæ Женевæйаг дискусситы Хуссар Ирыстонæй хайадисджытимæ.
Фембæлды рæстæджы дзырд цыд ацы аз 4-5 октябрмæ снысангонд Женевæйаг дискусситы радон 37-æм раунды боны фæткыл.
