Кæфты мæйы 3-æм боны Сочийы ацыд Республикæ Хуссар Ирыстоны Президент Гаглойты Аланы æмæ Уæрæсейы Федерацийы Фæсарæйнаг хъуыддæгты министр Сергей Лавровы фембæлд.
Фембæлды хайад райста Республикæ Хуссар Ирыстоны Фæсарæйнаг хъуыддæгты министр Джиоты Æхсар.
Дыууæ фарс дæр æрдзырдтой дывæрсон ахастыты регионалон æмæ æхсæнадæмон уæрæх фарстытыл.
Регионалон æдасдзинады фадыджы уæлдай хъусдард аздæхтæуыд Женевæйы дискусситы фæлгæтты Фæскавказы æдасдзинад æмæ стабилондзинады фæдыл темæмæ.
Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Фæсарæйнаг хъуыддæгты министр Сергей Лавров бафыстой Хуссар Ирыстоны Фæсарæйнаг хъуыддæгты министрады æмæ Уæрæсейы Фæсарæйнаг хъуыддæгты министрады ‘хсæн 2024-2025 азтæм Консультациты пълан.
Консультациты плъаны ис дыууæ бæстæйы æддагполитикон уагдæтты ‘хсæн æмгуыстад сцырен кæнын информацион, иумæйаг конференциты, культурон æмæ спортивон мадзæлтты организацийы фадгуыты.
Дыууæ фарс дæр бадзырдтой уадзын консультацитæ уæлдæр фæнысангонд темæты фæдыл.
Цхинвал, 2023 азы кæфты мæйы 3-æм бон