Рухæны мæйы 30-æм бон уæрæх форматы ацыд Республикæ Хуссар Ирыстоны Президент Гаглойты Аланы æмæ Республикæ Абхазы Президент Аслан Бжанияйы фембæлд.
Аслан Бжания раарфæ кодта Гаглойты Аланæн æмæ Хуссар Ирыстоны делегацийæн, уыимæ иумæ банысан кодта дыууæ æфсымæрон адæмы ‘хсæн сæвзæргæ ахастыты ахсджиагдзинад.
Гаглойты Алан бузныджы ныхæстæ загъта Аслан Бжанияйæн хъарм райсты тыххæй æмæ банысан кодта, зæгъгæ, æртын азы дæргъы цы цаутæ уыд, уыдон Хуссар Ирыстоны æмæ Абхазы адæм иумæ бавзæрстой, иумæ хызтысты зындзинæдты сæрты сæ кæрæдзийæн æххуыс кæнгæйæ æмæ сæ хæдбардзинад хъахъхъæнгæйæ. Афтæмæй ма Гаглойты Алан раарфæ кодта Абхазы адæмæн æмæ сын йæ зæрдæ загъта сабырад æмæ фæрныгады фæндиæгтæ.
Хуссар Ирыстоны фарсæрдыгæй фембæлды хайад райстой Фæсарæйнаг хъуыддæгты министр Джиоты Æхсар, Хъахъхъæнынады министр Марат Павлов, Президенты Æххуысгæнæг Плиты Алан æмæ Республикæ Хуссар Ирыстоны Минæвар Абхазы Республикæйы Боциты Олег.
Абхазаг фарсæрдыгæй – Вице-президент Бадра Гунба, Президенты Администрацийы Къухдариуæггæнæг Абесалом Кварчия æмæ Фæсарæйнаг хъуыддæгты министр Инал Ардзинба.
Цхинвал, 2023 азы рухæны мæйы 30-æм бон