Рухæны мæйы 30-æм бон Президент Гаглойты Аланы сæргълæудæй Республикæ Хуссар Ирыстоны официалон делегаци хайад райста Республикæ Абхазы Уæлахизы æмæ Хæдбардзинады бонæй 30 азы рацыды цытæн бæрæгбонон мадзæлтты.
Хуссарирыстойнаг делегацийы сконды Фæсарæйнаг хъуыддæгты министр Джиоты Æхсар.
Цытджын мадзæлттæ райдыдтой 1992-1993 азты Абхазы адæмы Фыдыбæстæйон хæсты фæмардуæвджыты Мемориалмæ дидинтæ сæвæрыны церемонийæ. Дидинтæ ма сæвæрдæуыд Абхазы Фыццаг Президент Владислав Ардзинбайы Мемориалмæ, кæцы ис хъæу Дæллаг Эшерайы.
1992-1993 азты Абхазы адæмы Фыдыбæстæйон хæсты Уæлахизы цытæн Сухумы Сæрибардзинады фæзуаты ацыд хæстон парад, кæцыйы хайад райстой Хуссар Ирыстоны Хъахъхъæнынады министрады Тырысахæссæг къорд æмæ сæрмагонд нысаниуæджы батальон.
Акци «Æнæмæлгæ полк»-ы сæдæгай хайадисджытæ рацыдысты Сæрибары фæзуаты сæ хиуæтты нывтимæ, кæцытæ фæмард сты Гуырдзыстонимæ хæсты.
Уымæй дарддæр ма Сухумы ацыд дон Баслайы сæрты ног хид бакæныны церемони.
Цхинвал, 2023 азы рухæны мæйы 30-æм бон