Archive

Уæрæсейы Федерацийы Уæлвæткон æмæ Æххæстбарджын минæвар Республикæ Хуссар Ирыстоны Марат Кулахметов РХИ-йы Дипломатон кусæджы боны цытæн рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министр Джиоты Æхсармæ.

Сæрмагондæй, арфæйы дзырдæуы:

«Хуссар Ирыстоны дипломатон службæйы размæдзыд фидарæй баст у хуссарирыстойнаг паддзахаддзинады сæвзæрды историимæ. Йæ сырæзтæй фæстæмæ Фæсарæйнаг хъуыддæгты министрад фидарæй хъахъхъæны æвзонг республикæйы интерестæ, ныллæууыд бæстæйы æхсæнадæмон банымады фæндагыл.

Зынаргъ хæлæрттæ!

Арфæ уын кæнын Дипломатон кусæджы боны цытæн!

Республикæ Хуссар Ирыстоны æддагполитикон уагдонæн йæ райрæзты фæндаг уыд зын. Æдзухон тæссагдзинадмæ ‘нæкæсгæйæ, хуссарирыстойнаг дипломаттæ алыхатт дæр сæ профессионалон хæс æххæст кодтой, ныфсджынæй хахъхъæдтой бæстæйы интерестæ.

2008 азы Уæрæсейы Федераци куы банымадта Республикæ Хуссар Ирыстоны паддзахадон хæдбардзинад, уæдæй фæстæмæ уагдоны куысты æмвæзад бирæбæрцæй фæбæрзонддæр.

Зæрдæвæрæны мæйы 28-æм бон Республикæ Хуссар Ирыстоны Фæсарæйнаг хъуыддæгты министрады сырæзтыл сæххæст 31 азы. 2011 азæй фæстæмæ ма ацы бон у хуссарирыстойнаг дипломатты профессионалон бæрæгбон.

Ацы ахсджиаг бон баст у Республикæ Хуссар Ирыстоны паддзахаддзинад сфидар кæнынимæ. 1992 азы зæрдæвæрæны мæйы 29-æм бон, æндыгъд уавæрты, æнæрлæугæ агрессийы рæстæджы, Хуссар Ирыстоны Уæлдæр советы сессийы райстæуыд Хуссар Ирыстоны Хæдбардзинад расидыны Акт æмæ сарæзтæуыд фыццаг хицауад, кæцыйы сконды фæзынд Фæсарæйнаг хъуыддæгты министрад дæр.

Æхсар Мураты фырт, хуссарирыстойнаг æддагон политикæйы сæйраг домæнтæ абоны бон цавæр сты?

Фæсарæйнаг хъуыддæгты министрады архайды сæйраг нысан у Хуссар Ирыстоны Президент цы æддагон политикæ снысан кæны, уый æххæст кæнын. Уыцы политикæ здæхт у Хуссар Ирыстоны национ интерестæ, йæ суверенитет æмæ Республикæйы æддейæ цы æмбæстæгтæ цæры, уыдон хъахъхъæнынмæ, бæстæйы размæдзыдæн аккаг уавæртæ саразынмæ.

Зæрдæвæрæны мæйы 23-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста тымбыл фынг «Южный Кавказ: современные угрозы и вызовы региональной безопасности»-йы куысты, кæцы ацыд Тыбылты Алыксандры номыл Хуссар Ирыстоны Паддзахадон университеты.

Мадзалы хайад райстой Хетæгкаты Къостайы номыл Цæгат Ирыстоны Паддзахадон университеты минæвæрттæ ректор Огъуаты Аланы сæргълæудæй. Уыдон æрцыдысты Хуссар Ирыстонмæ кусæгон балцы.

Æрвылаз дæр зæрдæвæрæны мæйы 20-æм бон Хуссар Ирыстоны нысан кæнынц гуырдзиаг агрессийы амæттæгты Мысæн бон.

1992 азы зæрдæвæрæны мæйы 20-æм бон, гуырдзиаг хæстон агресси Хуссар Ирыстоны ныхмæ куы сытынг, уæд Зары «царды фæндагыл» гуырдзиæгтæ æмбæхст ранæй æгъатырæй ныццагътой, сæ цард фервæзын кæнынмæ Хуссар Ирыстонæй Цæгатмæ чи лыгъд, уыцы ирон æмбæстæгты. Уыцы æбуалгъ фыдракæнды фæмард 33 æнаххос адæймаджы, уыдоны нымæцы сывæллæттæ, сылгоймæгтæ, зæрæдтæ. 

Зæрдæвæрæны мæйы 17-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста форум «Global Abkhazia»-йы, кæцы уагъд æрцыд Республикæ Абхазы Фæсарæйнаг хъуыддæгты министрады сырæзтыл 30 азы сæххæсты цытæн.

Зæрдæвæрæны мæйы 16-æм бон Республикæ Абхазы Фæсарæйнаг хъуыддæгты министрады ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары æмæ Республикæ Абхазы Фæсарæйнаг хъуыддæгты министр Инал Ардзинбайы фембæлд.

Зæрдæвæрæны мæйы 17-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Республикæ Абхазы Фæсарæйнаг хъуыддæгты министрады сырæзтыл 30 азы сæххæсты фæдыл цытджын рабадты.

Мадзалы райдиан Республикæ Абхазы Президент Аслан Бжания раарфæ кодта уазджытæн æмæ Республикæ Абхазы Фæсарæйнаг хъуыддæгты министрады кусджытæн 30 азы юбилейы цытæн. Уый фæдыл йе ‘мкусджытæн- дипломаттæн арфæйы ныхæcтæ загъта Республикæ Абхазы Фæсарæйнаг хъуыддæгты министр Инал Ардзинба.

Зæрдæвæрæны мæйы 17-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста 1992-1993 азты Абхазы адæмы Фыдыбæстæйон хæсты фæмардуæвджыты Мемориалмæ дидинтæ сæвæрыны церемонийы. Мемориал ис Хæстон Кады парчы.

Церемонийы хайад райстой Республикæ Абхазы Фæсарæйнаг хъуыддæгты министр Инал Ардзинба, Абхазы къухдариуæгады минæвæрттæ æмæ хæларадон бæстæтæй делегацитæ, кæцытæ фæуазæг сты Абхазы Фæсарæйнаг хъуыддæгты министрады сырæзтыл 30 азы сæххæсты цытæн бæрæгбонмæ.

Зæрдæвæрæны мæйы 16-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар кусæгон балцы ацыд Республикæ Абхазмæ.

Балцы фæлгæтты Джиоты Æхсар хайад райсдзæн Республикæ Абхазы Фæсарæйнаг хъуыддæгты министрады сырæзтыл 30 азы сæххæсты цытæн мадзæлтты.

Цхинвал, 2023 азы зæрдæвæрæны мæйы 16-æм бон

Зæрдæвæрæны мæйы 13-æм бон горæт Беслæны (Республикæ Цæгат Ирыстон- Алани) ацыд комитет «Беслæны мадæлтæ»-йы минæвæртты æмæ Италийы делегацийы иумæйаг пресс-конференци.  Делегацийы сæргъ лæууыд Хуссар Ирыстоны Фæсарæйнаг хъуыддæгты министрады Минæвар Италийы Мауро Мурджа.

Ацы аз хуымгæнæны мæйы Мауро Мурджайы хуындæй террористон актты амæттæгты ассоциаци «Беслæны мадæлтæ»-йы минæвæрттæ бабæрæг кодтой Итали.