Зæрдæвæрæны мæйы 16-æм бон Республикæ Абхазы Фæсарæйнаг хъуыддæгты министрады ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары æмæ Республикæ Абхазы Фæсарæйнаг хъуыддæгты министр Инал Ардзинбайы фембæлд.
Фембæлды хайад райстой Республикæ Хуссар Ирыстоны Уæлвæткон æмæ Æххæстбарджын Минæвар Республикæ Абхазы Боциты Олег, Республикæ Хуссар Ирыстоны Фæсарæйнаг хъуыддæгты министрады Фæсарæйнаг уагдæттимæ куысты Хайады Сæргълæууæг Санахъоты Алексей æмæ Республикæ Абхазы Фæсарæйнаг хъуыддæгты министрады Стратегион æмгуысткæнынады департаменты Сæргълæууæг Джемал Бганба.
Ныхасы рæстæджы дыууæ фарс дæр æрдзырдтой хуссарирыстойнаг-абхазаг хæлардон ахастыты уавæр æмæ сæ дарддæры райрæзтыл.
Фембæлды кæрон Джиоты Æхсар æмæ Инал Ардзинба кæрæдзийæн скодтой зæрдылдарæн лæвæрттæ.
Цхинвал, 2023 азы зæрдæвæрæны мæйы 16-æм бон