Зæрдæвæрæны мæйы 17-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Республикæ Абхазы Фæсарæйнаг хъуыддæгты министрады сырæзтыл 30 азы сæххæсты фæдыл цытджын рабадты.
Мадзалы райдиан Республикæ Абхазы Президент Аслан Бжания раарфæ кодта уазджытæн æмæ Республикæ Абхазы Фæсарæйнаг хъуыддæгты министрады кусджытæн 30 азы юбилейы цытæн. Уый фæдыл йе ‘мкусджытæн- дипломаттæн арфæйы ныхæcтæ загъта Республикæ Абхазы Фæсарæйнаг хъуыддæгты министр Инал Ардзинба.
Джиоты Æхсар хуссарирыстойнаг дипломатты æмæ сæрмагондæй йæхи номæй раарфæ кодта абхазаг коллегæтæн æнæниздзинад, амонд æмæ дарддæры æнтыстыты фæндиæгтимæ.
Мадзалы хайад райстой уазджытæ Уæрæсейæ, Никарагуайæ, Венесуэлæйæ, Приднестровьейæ æмæ æндæр бæстæтæй. Уыдон дæр арфæйы ныхæстæ загътой Абхазы дипломатон уагдоны юбилейы цытæн.
Мадзалы фæлгæтты ацыд юбилейон майдантæ дæттыны цытджын церемони, Абхазы Фæсарæйнаг хъуыддæгты министрады сырæзтыл 30 азы кæй сæххæст, уый фæдыл сарæзтæуыд къамты равдыст.
Цхинвал, 2023 азы зæрдæвæрæны мæйы 17-æм бон