Зæрдæвæрæны мæйы 17-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста форум «Global Abkhazia»-йы, кæцы уагъд æрцыд Республикæ Абхазы Фæсарæйнаг хъуыддæгты министрады сырæзтыл 30 азы сæххæсты цытæн.
Форум ацыд Абхазы Фæсарæйнаг хъуыддæгты министрады Медиацентры æмæ йæ хайадисджытæ систы Республикæ Абхазы Президент Аслан Бжания, Республикæ Абхазы Æдасдзинады Советы секретарь Сергей Шамба, Республикæ Абхазы Фæсарæйнаг хъуыддæгты министр Инал Ардзинба, Республикæ Никарагуайы Фæсарæйнаг хъуыддæгты министр Дэнис Роналдо Монкада Колиндрес, Боливариайнаг Республикæ Венесуэлæйы Уæлвæткон æмæ Æххæстбарджын Минæвар Уæрæсейы Федерацийы æмæ уыимæ иумæ Республикæ Хуссар Ирыстоны æмæ Республикæ Абхазы Хесус Рафаэль Саласар Веласкес, ООО «Айбион Технолоджиз»-ы бындурæвæрæг Роман Громов. Дискуссимæ онлайн форматы æрбаиу Уæрæсейы Федерацийы Фæсарæйнаг хъуыддæгты министрады Информаци æмæ мыхуыры Департаменты директор Мария Захарова.
Форумы æрдзырдæуыд интеграцион процесстыл, Абхазы æдасдзинады, афтæмæй ма Фæскавказы стабилондзинад æмæ æдасдзинады фæдыл Женевæйы æхсæнадæмон дискусситы Абхазы хайадисты фарстытыл.
Республикæ Абхазы Фæсарæйнаг хъуыддæгты министрады сырæзтыл 30 азы сæххæсты фæдыл цытджын мадзæлтты æмæ форум «Global Abkhazia»-йы хайад райсынмæ хуынд кæй æрцыд, уый тыххæй Джиоты Æхсар бузныджы ныхæстæ загъта Инал Ардзинбайæн æмæ банысан кодта фембæлды ахадындзинад.
Мадзæлтты фæлгæтты ма Республикæ Хуссар Ирыстоны Фæсарæйнаг хъуыддæгты министр бабæрæг кодта Абхазы Паддзахадон университет. Уым ацыд фембæлд Ректор Алеко Гварамиаимæ æмæ Университеты студенттæн бакастæуыд лекци.
Цхинвал, 2023 азы зæрдæвæрæны мæйы 17-æм бон