Archive

Рухæны мæйы 2-æм бон Республикæ Хуссар Ирыстоны Консулон агентады Дзæуджыхъæуы ацыд Горæт Цхинвалы Администрацийы сæргълæууæг Хуыгаты Ромео æмæ горæт Градары (Италийы Республикæ) мэр Филиппо Гасперийы фембæлд, кæцы Беслæны трагедийæ 20 азы рацыды охыл мысæн мадзæлтты хайад райсынæн æрцыд делегаций сконды Республикæ Цæгат Ирыстон-Аланимæ.

Фембæлды ма хайад райстой Дзæуджыхъæуы уæвæг РХИ-йы Консулон агентады Сæрдар Санахъоты Морис, РХИ-йы ФХъМ-йы Æддагон бастдзинæдты управленийы Сæрдар Джиджджойты Таймураз, РХИ-йы ФХъМ-йы Минæвар Италийы Мауро Мурджа.

Приднестроваг Молдаваг Республикæйы сырæзты бонæй 34 азы рацыды цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.

Сæрмагондæй, арфæйы дзырдæуы:

«1990 азы рухæны мæйы 2-æм бон – приднестроваг адæмæн ахсджиаг бон, уыдон равзæрстой сæрибардзинад æмæ хæдбарады зын, фæлæ иунæг раст фæндаг.

Майрæмты мæйы 26-æм бон Республикæ Абхазы ФХъМ-йы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары æмæ Республикæ Абхазы Фæсарæйнаг хъуыддæгты министр Сергей Шамбайы фембæлд.

Фембæлды хайад райстой Республикæ Абхазы Фæсарæйнаг хъуыддæгты министры Хæдивæг Одиссей Бигвава, Абхазы ФХъМ-йы Стратегион æмгуыстады департаменты Сæргълæууæг Джемал Бганба, Республикæ Хуссар Ирыстоны Уæлвæткон æмæ Æххæстбарджын Минæвар Республикæ Хуссар Ирыстоны Боциты Олег.

Майрæмты мæйы 26-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Абхазы фыццаг Президент Владислав Ардзинбайы Мемориалмæ, кæцы ис Сухумы районы хъæу Дæллаг Эшерайы, афтæмæй ма Абхазы дыккаг Президент Сергей Багапшы уæлмæрдмæ Очамчырайы районы хъæу Джгярдайы дидинтæ сæвæрыны церемонийы.  

Майрæмты мæйы 26-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста 1992-1993 азты Абхазы адæмы Фыдыбæстæйон хæсты Фæмардуæвджыты мемориалмæ дидинтæ сæвæрыны церемонийы, кæцы ацыд Сухумы Кады Парчы, Уæрæсейы Федерацийы ‘рдыгæй Республикæ Абхазы Хæдбардзинадæй 16 азы рацыды цытæн. 

Церемонийы ма хайад райстой РХИ-йы Парламенты Æддагон политикæ æмæ æхсæнпарламентон бастдзинæдты комитеты Сæрдар Дриаты Заза æмæ РХИ-йы Парламенты Экономикæ, чысыл амалкæнынад æмæ хъæууон хæдзарады фæдыл комитеты Сæрдар Къуезерты Арсен.

Майрæмты мæйы 26-æм бон Уæрæсейы Федерацийы ‘рдыгæй Республикæ Хуссар Ирыстоны Паддзахадон хæдбардзинады банымадæй рацыд æхсæрдæс азы.

Хуссар Ирыстоны ног историйы ацы ахсджиаг бон баст у 2008 азы майрæмты мæйы трагикон цаутимæ. Уæд æппæт æхсæнадæмон бадзырдадты сæрты ахизгæйæ, Саакашвилийы фыдракæнд режим расидт гæрзифтонг конфликт æмæ йæ разы сæвæрдта хæс, цæмæй æнæбасæтгæ ирæтты фесафа зæххы цъарæй æмæ Хуссар Ирыстоны та фестын кæна «сыгъдæг быдыр».

Майрæмты мæйы 25-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар кусæгон балцимæ æрцыд Республикæ Абхазмæ. Джиоты Æхсарыл сæмбæлд Республикæ Абхазы Фæсарæйнаг хъуыддæгты министры Хæдивæг Одиссей Бигвава.

Балцы фæлгæтты Республикæ Хуссар Ирыстоны Фæсарæйнаг хъуыддæгты министрад æмæ Республикæ Абхазы Фæсарæйнаг хъуыддæгты министрады ‘хсæн цæттæ цæуы 2024-2025 азтæм Консультациты пъланы бафыст.

Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Федералон Æмбырды Федерацийы Советы Æхсæнадæмон хъуыддæгты комитеты Сæрдар Григорий Карасинмæ юбилейы цытæн.

Сæрмагондæй, арфæйы дзырдæуы:

«Де стыр хайбавæрд Уæрæсейы Федерацийы æддагполитикон курс реализаци кæныны хъуыддагмæ, æнæаипп дипломатон службæ, бæрзонд профессионализм, хисæрмагонд æмæ хъуыддагон миниуджыты фæрцы дын ис æхсæнадæмон æмæхсæнады стыр цыт æмæ кад. 

Уæрæсейы Паддзахадон тырысайы боны цытæн Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Республикæ Хуссар Ирыстоны уæвæг Уæрæсейы Федерацийы Минæварадмæ.

Сæрмагондæй, арфæйы дзырдæуы:

Майрæмты мæйы 21-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Кавказы æбæрæгæй чи фесæфт, уыдон фарстаты фæдыл Сырх дзуары æхсæнадæмон комитеты (СДÆК) Минæвар Агнес Котуйы.

Фембæлды хайад райстой Хуссар Ирыстоны Фæсарæйнаг хъуыддæгты министры фыццаг хæдивæг Цхуырбаты Андрей, Хуссар Ирыстоны Президенты Фæсконфликтон фарстатæ æрбæстон кæныны фæдыл Æххæстбарджын Минæвары хæстæ ‘ххæст кæнæг Коцты Егор, Хуссар Ирыстоны Президенты цур адæймаджы барты фæдыл Æххæстбарджын Тасойты Инал.

СДÆК-æй – Æдасдзинады хайады кусæг Тедеты Нана.

Кæфты мæйы Гуырдзыстоны цы парламентон æвзæрстытæ хъуамæ уа, уыдоны фæдыл гуырдзиаг политиктæн сарæх сты Хуссар Ирыстон æмæ Абхазы статусы тыххæй алыхуызон декларативон фидиуæнтæ. Се ‘хсæн Гуырдзыстоны ныры парти дæр, кæцы йæхи пайдайæн сног кæны афтæ хуыйнæг бæстæйы территориалон иудзинады темæ.

Бæрæг у, æмæ ахæм фидиуæнтæ сты æрмæстдæр бынæттон адæмы тыххæй æмæ æппæтварсонæй æвдисынц Гуырдзыстоны æвзарæн кампанийы уавæр. Фаг рæстæг рацыд, цæмæй официалон Тбилис райса 2008 азы майрæмты мæйы фæстæ сæвзæргæ æцæгдзинад æмæ банымайа Республикæ Хуссар Ирыстоны суверенитет.

Майрæмты мæйы 19-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста тымбыл фынг «Уæрæсе æмæ Хуссар Ирыстоны æмахастытæ: историон хъуыды æмæ глобализацийы æрсидт»-ы куысты, кæцы ацыд  Уæрæсейы Федерацийы ‘рдыгæй Республикæ Хуссар Ирыстоны хæдбардзинады банымадæй 16 азы рацыды цытæн ХИПУ-йы.

Мадзалы организатортæ уыдысты Тыбылты Алыксандыры номыл Хуссар Ирыстоны Паддзахадон университет Цæгат-Кавказаг Федералон университетимæ иумæ.