21 ноябры Республикæ Хуссар Ирыстоны Фæсарæйнаг хъуыддæгты министрады минæвар Италийы Мауро Мурджиа фембæлд Пезаро-Урбинойы Базарадон-амалиуæгадон палатæйы Сæрдар Альберто Друдиимæ.
Ныхасы рæстæджы дзырд цыд Хуссар Ирыстонимæ базарадон-экономикон æмгуыстады гæнæнтыл æмæ ма иуæй-иу кæрæдзийæн цымыдисаг фарстатыл.
Мурджиа фæхуыдта Альберто Друдийы Хуссар Ирыстонмæ æрцæуын бæстæимæ базонгæ кæныны охыл.
Цхинвал, 2016 азы 25 ноябрь
22 ноябры Цхинвалы уагъд æрцыд Женевæйаг дискусситы делегацийы хуссарирыстойнаг хайадисджыты сæ сæргъ РХИ Фæсарæйнаг хъуыддæгты министр, Фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М.К. фембæлд Женевæйаг дискусситы Фæскавказы æдасдзинад æмæ стабилондзинады фарстаты фæдыл æмсæрдæрттимæ ЕЦ, ОБСЕ æмæ ИНО-йæ, кæцытæ æрцыдысты Республикæмæ дискусситы 38-æм раунды агъоммæ.
Фембæлды рæстæджы дзырдæуыд, ацы аз 13-14 декабры Женевæйаг дискусситы радон раунды рæстæджы цы проблемæтыл хъуамæ цæуа дзырд, уыдоныл.
17 ноябры Республикæ Хуссар ИрыстоныФæсарæйнаг хъуыддæгты министр Джиоты Мурат йæхимæ райста Республикæ Хуссар Ирыстоны Æхсæнадæмон Сырх Дзуары Минæварады Сæрдар Нальан Антмены.
Ныхасы рæстæджы дзырд цыд Хуссар Ирыстоны МККК-йы Минæварады архайдыл, сæрмагондæй цæрджыты иуæй-иу категоритæн нысанон социалон æххуысыл. Уыимæ ма ныхас цыд æбæрæгæй сæфт æмбæстæгты хъысмæт рабæрæг кæныны фарстатыл иумæйаг архайдыл.
15 ноябры телефонæй ныхас уыд Республикæ Хуссар Ирыстоны Фæсарæйнаг хъуыддæгты министр Джиоты М.К. æмæ Республикæ Абхазы Фæсарæйнаг хъуыддæгты министр Кове Д.В. æхсæн. Ныхасы рæстæджы æрдзырдæуыд дыууæварсон æддагон-политикон ахастыты актуалон аспекттыл.
Сæрмагондæй, дзырд цыд Фæскавказы æдасдзинад æмæ стабилондзинады фæдыл Женевæйаг дискусситы радон раунды цы фарстатæ уыдзæн, уыдоныл.
Министртæ бадзырдтой регулярон диалог æмæ Хуссар Ирыстон æмæ Абхазы æхсæнадæмон позицитæ фидар кæныны æнгом æмархайд сифтонг кæныныл.
Цхинвал, 2016 азы 15 ноябрь
11 ноябры Республикæ Хуссар Ирыстоны Фæсарæйнаг хъуыддæгты министр Джиоты Мурат йæхимæ райста хæдбар æхсæнадæмон эксперт Душан Игньятовичы, кæцы ОБСЕ-йы æрхуындмæ гæсгæ 2015 азæй фæстæмæ архайы Гуырдзыстоны агрессийы фæстиуæгæн Хуссар Ирыстоны æбæрæгæй сæфт æмбæстæгты ссарыныл.
Фембæлды рæстæджы дзырд цыд эксперты архайдыл æбæрæгæй сæфт æмбæстæгты хъысмæт сбæрæг кæныны хъуыддаджы.
Игньятович ма фембæлд РХИ Президенты паддзахадон уынаффæгæнæг, МПРИ-йы форматы хуссарирыстойнаг делегацийы сæргълæууæг Санахъоты Давидимæ æмæ æбæрæгæй сæфт Хуссар Ирыстоны æмбæстæгты хиуæттимæ.
Фæскавказы æдасдзинад æмæ стабилондзинады фарстаты фæдыл Æхсæнадæмон дискусситы 37-æм раунды фæстиуджыты тыххæй
2016 азы 4-5 октябры Женевæйы уыдис Фæскавказы æдасдзинад æмæ стабилондзинады фарстаты фæдыл æхсæнадæмон дискусситы радон раунд, цыран хайад райстой Республикæ Хуссар Ирыстон, Республикæ Абхаз, Гуырдзыстон, Уæрæсейы Федерацийы æмæ АИШ-ы делегацитæ, афтæ ма ЕЦ, БНО æмæ ЕЦÆО-йы минæвæрттæ.
Хуссарирыстойнаг делегацийы сæргълæууæг уыд Республикæ Хуссар Ирыстоны Фæсарæйнаг хъуыддæгты министр Джиоты М. К.
4-5 октябры Женевæйы цæуы Фæскавказы æдасдзинад æмæ стабилондзинады фæдыл æхсæнадæмон дискусситы радон, 37-æм раунд. Хуссарирыстойнаг делегацийы сæргълæууæг у РХИ Фæсарæйнаг хъуыддæгты министр Джиоты М.К.
4 октябры Хуссар Ирыстоны делегаци ауагъта дыууæварсон консультацитæ æхсæнадæмон организациты минæвæрттимæ. Боны дæргъы уагъд æрцæудзысты æртæварсон консультацитæ Республикæ Хуссар Ирыстоны делегацийæн Уæрæсейы Федераци æмæ Республикæ Абхазы делегацитимæ.
29 сентябры Уæрæсейы Федерацийы Фæсарæйнаг хъуыддæгты министрады кæрæдзимæ лæвæрд æрцыдысты, 2015 азы 18 февралы æрфыст Республикæ Хуссар Ирыстон æмæ Уæрæсейы Федерацийы æхсæн паддзахадон арæны тыххæй Бадзырды ратификацион грамотæтæ.
Ратификацион грамотæтæ кæрæдзимæ радтой Республикæ Хуссар Ирыстоны Фæсарæйнаг хъуыддæгты Министр Джиоты М.К. æмæ Статс-секретарь – Уæрæсейы Федерацийы Фæсарæйнаг хъуыддæгты Министры хæдивæг Карасин Г.Б.
Цхинвал, 2016 азы 29 сентябрь
27 сентябры Республикæ Хуссар Ирыстоны Фæсарæйнаг хъуыддæгты министрады уыд фембæлд Женевæйаг дискусситы хуссарирыстойнаг делегацийы хайадисджытæн, сæ сæргъ РХИ Фæсарæйнаг хъуыддæгты министр, Фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М. К., Уæрæсейы Федерацийы Фæсарæйнаг хъуыддæгты министрады минæвæрттимæ, Женевæйаг дискусситы Фæскавказы æдасдзинады фарстаты фæдыл уæрæсейаг делегацийы уæнгтимæ – СНГ бæстæты цыппæрæм департаменты директоры хæдивæг А.А. Двинянин æмæ Министры уынаффæгæнæг М.М. Кулахметовимæ.
20 сентябры Республикæ Хуссар Ирыстоны Фæсарæйнаг хъуыддæгты министр Джиоты М.К. йæхимæ райста Днестыргæрон Молдаваг Республикæйы Фæсарæйнаг хъуыддæгты министр Игнатьев В.В., уый Хуссар Ирыстонмæ æрцыд Республикæйы Боны 26 азы цытæн уагъд бæрæгбонон мадзæлттæм Днестыргæрон Молдаваг Республикæйы делегацийы сконды.
Фембæлды хайад райстой РХИ ФХМ фæсарæйнаг уагдæттимæ куысты хайады сæргълæууæг Санахъоты А.Г., Республикæ Хуссар Ирыстоны Днестыргæрон Молдаваг Республикæйы Официалон минæварады Сæрдар Коцты Е.Э. æмæ ДМР ФХМ Протоколон ифтонгады управленийы хистæр Череш С.А.
20 сентябры г. Цхинвалы, Республикæйы Боны 26-æм афæдзы бæрæгбонон мадзæлтты фæлгæтты, къухтæ фыст æрцыд Республикæ Хуссар Ирыстон æмæ Днестргæрон Молдаваг Республикæйы æхсæн Хæларад, æмгуыстад æмæ партнердзинады тыххæй Бадзырдыл.
Хуссарирыстоайнаг фарсæй Бадзырдыл йæ къух æрфыста Республикæ Хуссар Ирыстоны Хицауады Сæрдар Хъуылымбегты Д.С., днестыргæройнаг фарсæй та - Днестыргæрон Молдаваг Республикæйы Хицауады Сæрдар Прокудин П.Н.
Уæрæсейы Федерацийы Паддзахадон Думæйы æвдæм æрсидты `взæрстыты фæдыл
18 сентябры Уæрæсейы Федерацийы Федералон Æмбырды Паддзахадон Думæйы æвдæм æрсидты `взæрстыты хайад райстой, Республикæ Хуссар Ирыстоны æдзух чи цæры, кæнæ та хъæлæс дæттыны бон Республикæйы территорийыл чи уыд, Уæрæсейы Федерацийы уыцы æмбæстæгтæ.
Æвзæрстытæ сорганизаци кодта Уæрæсейы Федерацийы Минæварад Республикæ Хуссар Ирыстоны хицауадимæ активон æмархайды.
