Сообщения МИД РЮО

8 февралы Республикæ Хуссар Ирыстоны Фæсарæйнаг хъуыддæгты министр Джиоты М.К. æмæ Днестргæрон Молдаваг Республикæйы Фæсарæйнаг хъуыддæгты министр Игнатьев В.В. ныхас кодтой телефонæй.

Ныхасы рæстæджы дзырд цыд Республикæ Хуссар Ирыстон æмæ Днестргæрон Молдаваг Республикæйы æхсæн дыууæварсон ахастытæ дарддæр райрæзыны фарстатыл. Банысангонд æрцыд æхсæнадæмон æмгуыстады фарстатæм иухуызон ахаст кæй ис республикæтæн, уый.

Дзырд ма цыд кæрæдзийæн цымыдис чи æвзарын кæны, ахæм фарстатыл.

Цхинвал, 2017 азы 8 февраль

2017 азы 9 февралæй 16 февралмæ Республикæ Хуссар Ирыстоны Фæсарæйнаг хъуыддæгты министрад исы куырдиæттæ Уæрæсейы Федерацийы Фæсарæйнаг хъуыддæгты министрады МГИМО(У) нысан бынæттæм конкурсон бындурыл равзарыны сæраппонд.

Конкурсон фæлвæрæнтæ конд уыдзысты беседæ æмæ фыссыны тестæй, кæцытæ уагъд цæудзысты «Уæрæсейы Федераци Республикæ Хуссар Ирыстоны Фæсарæйнаг хъуыддæгты министрадæн Мæскуыйы æхсæнадæмон ахастыты паддзахадон институты (Университеты) цы бынæттæ рахицæн кодтой, уырдæм конкурсон фæлвæрæнтæ уадзыны фæткы тыххæй» Уагæвæрдмæ гæсгæ.

2 февралы Республикæ Хуссар Ирыстоны Фæсарæйнаг хъуыддæгты Министр Джиоты М.К. йæхимæ райста Республикæ Хуссар Ирыстоны Официалон Минæварад Днестргæрон Молдаваг Республикæйы Сæрдар Коцты Егоры.

24 январы Республикæ Хуссар Ирыстоны Фæсарæйнаг хъуыддæгты Министр Джиоты М.К. райста йæхимæ Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Гасситы З.Н.

Ныхасы рæстæджы Гасситы З.Н. радзырдта Министрæн 2016 азы Минæварад цы куыст бакодта, уый тыххæй. Уымæй дарддæр ма дзырд цыд Минæварады архайды перспективон здæхæнты тыххæй, уыдон хъуамæ ахъаз кæной Уæрæсейы Федерациимæ æмгуыстад æмæ интеграцийы дарддæр æмæ фидар кæнынæн.

Цхинвал, 2017 азы 25 январь

24 январы Республикæ Хуссар Ирыстоны Фæсарæйнаг хъуыддæгты Министр Джиоты М.К. райста йæхимæ Республикæ Хуссар Ирыстоны Уæлвæткон æмæ Æххæстбарджын Минæвар Республикæ Никарагуайы Козаты Н.З.

Фембæлды рæстæджы Козаты Н.З. радзырдта Министрæн йæ визиты тыххæй Республикæ Никарагуамæ, цыран Минæвар хайад райста Никарагуайы Президент Даниель Ортегайы инаугурацийы церемонийы.

Банысангонд æрцыд нæ бæстæты æхсæн хæларадон ахастыты дарддæр райрæзыны охыл тыхтæ активизацийы ахсджиагдзинад.

Республикæ Хуссар Ирыстоны хæдбардзинады Референдум ауадзыныл 25 азы сæххæсты фæдыл

19 январы æххæст кæны дыууын фондз азы историон цау – Республикæ Хуссар Ирыстоны хæдбардзинады референдумыл. Дыууын фондз азы размæ хуссарирыстойнаг адæм сæ паддзахаддзинад арæзтады фæндагыл акодтой хъысмæтскъуыддзаггæнæг къахдзæф. Æппæтадæмон хъæлæсæппæрсты рæстæджы, кæцы уагъд æрцыд æнæаиппæй юридикон нормæтæм гæсгæ бирæнымæц æхсæнадæмон цæстдарджыты цур, реализацигонд æрцыдысты нæ адæмы æнæисгæ бартæ хæдбардзинад, сæрибар æмæ æдас размæцыды фæндаг равзарыны бартæ.

18 январы Республикæ Хуссар Ирыстоны Фæсарæйнаг хъуыддæгты министр Джиоты Мурат йæхимæ райста хæдбар æхсæнадæмон эксперт Душан Игньятовичы, кæцы ОБСЕ-йы æрхуындмæ гæсгæ 2015 азæй архайы Гуырдзыстоны агрессийы фæстиуæгæн цы хуссариыстойнаг æмбæстæгтæ фесæфт æбæрæгæй, уыдон ссарыныл.

Ныхасы рæстæджы дзырд цыд æбæрæгæй сæфт æмбæстæгты хъысмæтыл æмæ ма эксперты дарддæры архайдыл 2017 азы.

Банысангонд æрцыд дыууæварсон тырнындзинад ахсджиаг гуманитарон проблемæйы аскъуыддзаг кæныны охыл конструктивон æмгуыстад адарддæр кæнынмæ.

10 январы Республикæ Хуссар Ирыстоны Уæлвæткон æмæ Æххæстбарджын Минæвар Республикæ Никарагуайы Козаты Нарим хайад райста Даниель Ортегайы Никарагуайы Президенты бынатмæ бахызты кадджын церемонийы.

Церемони уыд Манагуайы Революцийы Фæзуатыл.

Козаты Нарим Республикæ Хуссар Ирыстоны Президент Тыбылты Леониды номæй Республикæ Никарагуайы Президент Даниель Ортегамæ Республикæ Никарагуайы Президент кæй сси, уый фæдыл арфæйы фыстæг радта.

Фыстæджы дзырдæуы:

30 декабры Фæсарæйнаг хъуыддæгты министрады уыд æмбырд, цыран РХИ Фæсарæйнаг хъуыддæгты министр Джиоты М.К. ацæугæ азæн сарæзта хатдзæгтæ æмæ 2017 азы сæйраг хæстæ снысан кодта.

Министр банысан кодта, 2016 аз Республикæ Хуссар Ирыстоны Фæсарæйнаг хъуыддæгты министрадæн кæй уыд æнтыстджын, уый, уымæн æмæ Министрад иумæйагæй сæххæст кодта РХИ уæвæг закъондæттынады бындурыл ын Республикæ Хуссар Ирыстоны Президент йæ разы цы хæстæ сæвæрдта, уыдон.

2016 азы 7 декабры Республикæ Хуссар Ирыстоны Президент Тыбылты Л.Х. Барамындмæ гæсгæ Дзæуджыхъæуы Республикæ Хуссар Ирыстоны Консулон агент Санахъоты М.Б. лæвæрд æрцыд Уæлвæткон æмæ Æххæстбарджын Минæвары дипломатон ранг.

Цхинвал, 2016 азы 19 декабрь

Фæскавказы æдасдзинад æмæ стабилондзинады фарстаты фæдыл Æхсæнадæмон дискусситы 38-æм раунды фæстиуджыты тыххæй

2016 азы 13-14 декабры Женевæйы уыд Фæскавказы æдасдзинад æмæ стабилондзинады фарстаты фæдыл Æхсæнадæмон дискусситы 38-æм раунд. Дискусситæ уагъд цæуынц 2008 азы 12 августы æмæ 8 сентябры цы фидыдтытæ баконд æрцыд, уыдон бындурыл. Фембæлды хайад райстой Республикæ Хуссар Ирыстоны, Республикæ Абхазы, Уæрæсейы Федерацийы, АИШ-ы делегацитæ, æмæ ма ЕЦ, ИНО æмæ ОБСЕ-йы минæвæрттæ.

13-14 декабры Женевæйы цæуы Фæскавказы æдасдзинад æмæ стабилондзинады фæдыл æхсæнадæмон дискусситы 38 раунд. Хуссарирыстойнаг фарсы сæргъ лæууы РХИ Фæсарæйнаг хъуыддæгты министр Джиоты М.К.

13 декабры Хуссар Ирыстоны делегаци ауагъта дыууæварсон консультацитæ æхсæнадæмон делегациты минæвæрттимæ.

Уагъд ма æрцыд æртæварсон консультацитæ Республикæ Хуссар Ирыстоны делегацийæн Уæрæсейы Федерацийы æмæ Республикæ Абхазы делегацитимæ.