Джеоргуыбайы мæйы 6-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста пленарон рабадт «Хъырым- Уæрæсейы форпост раст дунеарæзтады фæдыл тохы»-йы, кæцы цæуы Ялтæйы æхсæнадæмон форум (ЯÆФ) – 2024 «Хъырымы хæлæрттæ – Уæрæсейы хæлæрттæ»-йы фæлгæтты джеоргуыбайы мæйы 6-7-æм бонты Мæскуыйы.
Мадзалы ма хайад райстой Хуссар Ирыстоны Паддзахадон университеты (ХИПУ) Ректор Тедеты Вадим æмæ Республикæ Хуссар Ирыстоны Фæсарæйнаг хъуыддæгты раздæры министр Медойты Дмитрий.
ЯÆФ-йы баконды фæлгæтты ацыд Республикæ Хъырымы фæсарæйнаг хæлæрттæн паддзахадон æмæ уагдонон хорзæхтæ раттыны церемони.
Политикон фарстатыл æрдзурыны фæдыл Мæскуыйы æрæмбырд сты политиктæ æмæ амалгæнджытæ, афтæмæй ма æхсæнадæмон барады фадыджы эксперттæ. Се ‘хсæн Республикæ Хъырымы Паддзахадон Советы Сæрдар Владимир Константинов, Уæрæсейы ФХъМ-йы хицæн хæслæвæрдты фæдыл Минæвар Родион Мирошник, Уæрæсейы зонæдты академик Сергей Глазьев, дипломатон корпусы минæвæрттæ æмæ æнд.
Форумы рæстæджы ахсджиаг уыдзæн Хъырымы хæлæртты æхсæнадæмон ассоциацийы архайды фæдыл ныхас. Сесситы фæстиуæгæн ист æрцæудзæн Ялтæйы æхсæнадæмон форумы сæйрагдæр темæты фæдыл Резолюци.
Ялтæйы æхсæнадæмон экономикон форум (ЯÆЭФ) – æхсæнадæмон мадзал политиктæ, бизнесментæ, экспертты хайадистимæ, кæцы уагъд цæуы æрвылаз дæр 2015 азæй фæстæмæ Хъырымы, сахар Ялтæйы. Ацы аз форум фыццаг хатт уагъд цæуы дыууæ хайæ. Фыццаг хай цæуы джеоргуыбайы мæйы 6 æмæ 7-æм бонты Мæскуыйы æмæ дзы рæгъмæ рахастæуыд политикон фарстатæ. Экономикон хай ацæудзæн цыппурсы мæйы райдиан Уфайы.
Цхинвал, 2024 азы джеоргуыбайы мæйы 6-æм бон