Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Æхсæнадæмон конференци «Историческая память о геноциде третьим рейхом народов Советского Союза в период Великой Отечественной Войны: фактология и псевдоистория в формировании справедливого мирового порядка»-йы, кæцы ацыд Тыбылты Алыксандыры номыл Хуссар Ирыстоны Паддзахадон университеты (ХИПУ).
Конференцийы хайад райстой РХИ-йы æххæстгæнæг æмæ закъондæттæг органты, дипкорпусы минæвæрттæ, эксперттæ æмæ историктæ Хуссар Ирыстон, Уæрæсе æмæ Абхазæй, студенттæ.
Мадзалы фæлгæтты ма ацыд Стыр Фыдыбæстæйон хæсты рæстæджы немыцаг нацисттæ Советон Цæдисы адæмимæ цы хæстон фыдракæндтæ кодтой, уыдоны тыххæй равдыст «Нæй сын æмгъуыд»-йы баконд.
Цхинвал, 2024 азы джеоргуыбайы мæйы 15-æм бон