Джеоргуыбайы мæйы 7-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар, Мæскуыйы кусæгон балцы уæвгæйæ, бабæрæг кодта Уæрæсейы ФХъМ-йы Æхсæнадæмон ахастыты Мæскуыйы паддзахадон институт (университет), цыран фембæлд Хуссар Ирыстонæй студенттимæ.
Фембæлды хайад райстой ÆАМПИ-йы Æхсæнадæмон управленийы Сæргълæууæг Егор Андреев, ÆАМПИ-йы фæсивæдон политикæ, социалон фарстатæ æмæ æхсæнадæмон бастдзинæдты фæдыл Проректор Станислав Суровцев, ÆАМПИ-йы цур Ректораты Уынаффæгæнæг Андрей Решетняк æмæ Хуссар Ирыстоны Минæварады Уынаффæгæнæг Уæрæсейы Денис Долгушев.
Ныхасы рæстæджы студенттæ радзырдтой сæ ахуыры æмæ æмтгæй райсгæйæ сæ царды тыххæй, афтæмæй ма раттой фарстатæ, уыдон нымæцы Республикæйы æддагон политикæйы фæдыл дæр.
Сæрмагондæй, Джиоты Æхсар радзырдта Министрады куысты сæйраг здæхтытæ, дипломатон уагдоны раз лæууæг сæйраг хæсты фæдыл, бæстонæй æрдзырдта хуссарирыстойнаг-уæрæсейаг ахастытыл.
Министры цымыдис кодтой студентты проблемæтæ, сæ дарддæры пълæнттæ. Йæхи 'рдыгæй сын бавæрдта æппæтварсон æххуысы ныфс.
Фембæлды фæуды Джиоты Æхсар æрсидт студенттæм Республикæйы ном аккагæй хæссын æмæ хорз ахуыр кæнынмæ.
Студенттæ бузныджы ныхæстæ загътой фембæлды фæдыл æмæ систой иумæйаг зæрдылдарæн къам.
Цхинвал, 2024 азы джеоргуыбайы мæйы 7-æм бон