Сообщения МИД РЮО

18 сентябры Паддзахадон тырысайы æмæ Республикæйы сырæзты 25 азы хæдразмæ Фæсарæйнаг хъуыддæгты министрады Республикæ Хуссар Ирыстоны паддзахадон символикæйы цытæн уагъд æрцыдис «иууон сахат».

Мадзæлтты хайадисæг Республикæ Хуссар Ирыстоны Президенты Паддзахадон уынаффæгæнæг Коцты К.К., кæцы активон хайад райста Республикæ Хуссар Ирыстоны сæйраг символтæ бакусыны, цыбыр экскурс сарæзта Республикæ Хуссар Ирыстоны сырæзты историйы фæдыл æмæ йæ паддзахадон атрибуттæ – Паддзахадон тырыса, Герб æмæ Гимн куыд ист цыдысты, уый фæдыл.

Цхинвал, 2015 азы 18 сентябрь

15 сентябры г. Цхинвалы Уæрæсейы зонад æмæ культурæйы Центры уагъд æрцыдис тымбыл фынг ВОКС-ССОД-Уæрæсейы фæсарæйнаг центр–Уæрæсейы æмкуысткæнынады сырæзты 90 азы цытæн æмæ Республикæ Хуссар Ирыстоны Уæрæсеимæ æмкуысткæнынады архайды 5 азы цытæн.

25 сентябры Республикæ Хуссар Ирыстоны Фæсарæйнаг хъуыддæгты министрады уыдис Паддзахадон хорзæхтæ радтыны церемони.

Республикæ Хуссар Ирыстоны Фæсарæйнаг хъуыддæгты министрады бавдыстмæ æмæ РХИ Президент Тыбылты Л.Х. Указмæ гæсгæ «Республикæ Хуссар Ирыстоны сырæзты 25 азы цытæн» майдантæй хорзæхджын æрцыдысты РХИ Фæсарæйнаг хъуыддæгты æттагонполитикон бастдзинæдты фæдыл Управленийы Уынаффæгæнæг Уалыты М.Д. æмæ УФ РХИ Минæварады Уынаффæгæнæг Джиоты Æ.М.

Цхинвал, 2015 азы 25 сентябрь

25 сентябры Республикæ Хуссар Ирыстоны Фæсарæйнаг хъуыддæгты министр Цхуырбаты К.И. йæхимæ райста Республикæ Хуссар Ирыстоны уæвæг Сырх Дзуары Дунеон Комитеты минæвæртты.

Фембæлды уынаффæ цыдис Хуссар Ирыстоны территорийыл уæвæг Сырх Дзуары Дунеон Комитеты дарддæры архайды фарстатыл.

1-3 октябры Республикæ Хуссар Ирыстоны делегаци Фæсарæйнаг хъуыддæгтыминистр Цхуырбаты К.И. æмæ Æхсæнпарламентон бастдзинæдты фæдыл комитеты сæрдар Коцты И.И. скондæй уыдис Тирасполы, кæцыран хайад райста Днестргæрон Молдаваг Республикæйы сырæзты 25 азы цытæн уагъд чи цыдысты, уыцы бæрæгбонон мадзæлтты.

8 сентябры Республикæ Хуссар Ирыстонмæ кусæгон визиты ‘рцыдысты Фæскавказы æдасдзинад æмæ стабилондзинады фæдыл Женевайы дискусситы Æмсæрдæрттæ. Делегаци Цхинвалы фембæлдис Хуссар Ирыстонæй Женевайы дискусситы хайадисджытимæ фæсконфликтон фарстатæ æрбæстон кæныны фæдыл Президенты Æххæстбарджын Минæвар Джиоты М.К. сæргълæудæй.

Фембæлды рæстæджы æруынаффæ кодтой дыууæ кусæгон къордæн æдасдзинад æмæ гуманитарон фарстаты фæдыл Женевайы дискусситы ацы аз 6-7 октябры плангонд чи цæуы, уыцы 33-æм раунды боны фæткыл.

2 сентябры Республикæ Хуссар Ирыстоны Президент Тыбылты Л.Х. йæхимæ райста Днестргæрон Молдаваг Республикæйы делегацийы. Йæ сæргъ лæууыдис ДМР Хицауады Сæрдары хæдивæг, ДМР Хицауады Аппараты къухдариуæггæнæг А.А. Кисничан, кæцы официалон визитимæ уыдис Республикæ Хуссар Ирыстоны.

Фембæлды уыдис Республикæ Хуссар Ирыстоны Фæсарæйнаг хъуыддæгты министры фыццаг хæдивæг Цхуырбаты А.В.

1 сентябры Днестргæрон Молдаваг Республикæйæн официалон визиты фæлгæтты Цхинвалы уыдис Республикæ Хуссар Ирыстоны паддзахадон æмæ æхсæнадон архайджыты Днестргæрон Молдаваг Республикæйы паддзахадон хорзæхтæй схорзæхджын кæныны церемони.

«Дунеон æмкуысткæнынад фидар кæныны тыххæй» майданæй кæй схорзæхджын кодтой, уыдон æхсæн сты: РХИ Фæсарæйнаг хъуыддæгты министрады æттагонполитикон бастдзинæдты фæдыл управленийы хистæр Дзиццойты Т.Ц., РХИ Фæсарæйнаг хъуыддæгты министрады фæсарæйнаг уагдæттимæ куысты фæдыл хистæр Санахъоты А.Г.

2015 азы 1 сентябры Республикæ Хуссар Ирыстоны Фæсарæйнаг хъуыддгты министры фыццаг хæдивæг Цхуырбаты А.В. йæхимæ райста Днестргæрон Молдаваг Республикæйы делегацийы, кæцы Республикæ Хуссар Ирыстоны ис официалон визиты.

Делегацийы сконды, йæ къухдариуæггæнæг ДМР Хицауады Сæрдары хæдивæг, ДМР Хицауады Аппараты къухдариуæггæнæг А.А. Кисничаны сæргълæудæй сты ДМР Æхсæнадон палатайы сæрдар Смирчинский æмæ ДМР Фæсарæйнаг хъуыддæгты Управленийы ХРЦ бæстæты хъуыддæгты фæдыл хистæр А.П. Стецюк. Длегациимæ уыдис РХИ ДМР Официалон Минæварады Сæргълæууæг Коцты Е.Э.

Фæскавказы æдасдзинад æмæ стабилондзинады фарстаты фæдыл дунеон дискусситы 32-æм раунды фæстиуджыты тыххæй

2015 азы 30 июнæй 1 июлмæ Женевайы уагъд цыдис Фæскавказы æдасдзинады фæдыл дунеон дискусситы радон раунд. Уым хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, АИШ делегацитæ, афтæ ма ЕЦ, БНО æмæ ЕЦÆО минæвæрттæ. Хуссрирыстойнаг делегацийы сæргъ лæууыдис Фæсконфликтон уавæр æрбæстон кæныны фарстаты фæдыл Президенты Æххæстбарджын минæвар Джиоты М.К.

2015 азы 18 августы Республикæ Хуссар Ирыстоны Президент Тыбылты Л.Х. фембæлдис Республикæ Хуссар Ирыстоны Фæсарæйнаг хъуыддæгты министр Цхуырбаты К.И., Уæрæсейы Фдерацийы Республикæ Хуссар Ирыстоны Минæвар Гасситы З.Н.,Абхазы Республикæйы Республикæ Хуссар Ирыстоны МинæварБоциты О.И. æмæ Дзæуæджыхъæуы Консулон агент Санахъоты М.Б.

Фембæлды паддзахады сæргълæууæг банысан кодта, зæгъгæ, Республикæйы дипломатон корпус цы бæстæты ис, уым сæхи хъуамæ равдисой бæрзонд æмвæзадыл, цæмæй фидар æмæ рæзын кæной нæ бæстæты ‘хсæн цы традицион хæлардзинад ис, уый.

2015 азы 17 августы Республикæ Хуссар Ирыстоны Фæсарæйнаг хъуыддæгты министрады фембæлд уыдис Республикæ Хуссар Ирыстоны Фæсарæйнаг хъуыддæгты министр Цхуырбаты Казбулат æмæ Республикæ Абхазы Фæсарæйнаг хъуыддæгты министр Вячеслав Чирикбайæн, кæцы Цхинвалы ис кусæгон балцы.