1-3 октябры Республикæ Хуссар Ирыстоны делегаци Фæсарæйнаг хъуыддæгтыминистр Цхуырбаты К.И. æмæ Æхсæнпарламентон бастдзинæдты фæдыл комитеты сæрдар Коцты И.И. скондæй уыдис Тирасполы, кæцыран хайад райста Днестргæрон Молдаваг Республикæйы сырæзты 25 азы цытæн уагъд чи цыдысты, уыцы бæрæгбонон мадзæлтты.
Хуссар Ирыстоны делегацийы йæхимæ райста Днестргæрон Молдаваг Республикæйы Президент Е.В. Шевчук. Евгений Шевчук Цхуырбаты Казбулаты æмæ Коцты Игоры схорзæхджын кодта Днестргæрон Молдаваг Республикæйы Паддзахадон хорзхæй «Æхсæнадæмон æмкуысткæнынад фидар кæныны тыххæй» майдантæй æмæ бузныг загъта Хуссар Ирыстоны къухдариуæгадæн сæ хъус сæм кæй дарынц, уый тыххæй.
Фембæлды хайадисджытæ æруынаффæ кодтой Республикæ Хуссар Ирыстоны æмæ Днестргæрон Молдаваг Республикæйы ‘хсæн политикон æмæ культурон бастдзинæдтæ дарддæр дæр рæзын кæныны фæдыл фарстатыл.
Хуссар Ирыстоны адæмы æмæ къухдариуæгады номæй делегацийы сæргълæууæг Цхуырбаты К.И. Президентæн раарфæ кодта зынгæ цауы тыххæй æмæ йын бузныг загъта хорзæхты тыххæй, афтæ ма йын фадат кæй фæцис бæрæгбонон циндзинад æфсымæрон Днестргæрон адæмимæ иумæ адих кæнынæн, уый тыххæй.
Бæрæгбонон мадзæлтты фæлгæтты ма хуссарирыстойнаг делегаци фембæлдис Днестргæрон Молдаваг Республикæйы Фæсарæйнаг хъуыддæгты министр Н.В. Штанскиимæ, кæцыйы дыууæ фарсы æркастысты хæларадон ахастыты дарддæры рæзты актуалон фарстатæм, сæрмагондæй та æттагонполитикон уагдæтты хаххыл. Н.В. Штански уазджытæн раарфæ кодта, Уæрæсейы Федераци Республикæ Хуссар Ирыстоны хæдбардзинад куы банымадта, ууыл 7 азы сæххæсты тыххæй æмæ ныфсдзинад загъта бæстæтæ дарддæр дæр кæй цæудзысты æхсæнпаддзахадон бастдзинæдтæ фидар кæныны фæндагыл.
Цхинвал, 2015 азы 10 сентябрь