Хуымгæнæны мæйы 2-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар йæ интервьюйы ÆИА «Sputnik Хуссар Ирыстон»-æн радзырдта Италийы уæвæг Хуссар Ирыстоны Фæсарæйнаг хъуыддæгты министрады Минæвары куысты фæдыл.
10 азы размæ, 2016 азы хуымгæнæны мæйы 2-æм бон Ромы байгом Италийы уæвæг Хуссар Ирыстоны Фæсарæйнаг хъуыддæгты Минæвары офис.
Тæргæйтты мæйы 26-æм бон Республикæ Хуссар Ирыстоны Уæлвæткон æмæ Æххæстбарджын Минæвар Абхазы Боциты Ильяйы фырт Олегыл сæххæст уыдаид 72 азы.
Боциты Олег куыста Республикæ Абхазы алыхуызон бынæтты, æппæты зындæр рæстæджыты абхазаг æфсымæртимæ иумæ хъахъхъæдта Апсныйы сæрибардзинад æмæ хæдбарад. Дипломатон службæйы уыд 2007 азæй фæстæмæ, 2013 азæй лæууыд Хуссар Ирыстоны Минæварады сæргъ Абхазы.
Тæргæйтты мæйы 18-æм бон Республикæ Хуссар Ирыстоны Президент Гаглойты Аланы Барамындмæ гæсгæ Кация Русланы фырт Астамур нысангонд æрцыд Республикæ Хуссар Ирыстоны Уæлвæткон æмæ Æххæстбарджын Минæварæй Республикæ Абхазы.
2026 азы тæргæйтты мæйы 23-æм бон
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ райгуырæн боны цытæн.
Сæрмагондæй, арфæйы дзырдæуы:
«Дæ ном у куыд уæрæсейаг, афтæ æппæт дунейы дипломатийы сæрыстырдзинад. Де стыр профессионализм, принципиалондзинад æмæ куырыхондзинад дын æрхастой авторитет куы дæ коллегæты, афтæ милуангай æмбæстæгты 'хсæн дæр, кæцытæн сдæ рæстдзинад хъахъхъæныны символ.
Тæргæйтты мæйы 19-æм бон Хуссар Ирыстоны ФХъМ-йы хъæппæрисæй онлайн-форматы ацыд фембæлд Манагуаимæ (Никарагуа), кæцыйы хайад райстой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Республикæ Никарагуайы Фæсарæйнаг хъуыддæгты со-министр Вальдрак Джентске.
Онлайн-фембæлдмæ æрбаиу сты Никарагуайы Æддагполитикон уагдоны со-министр Денис Монкада, кæцы ис Нью-Йоркы, афтæмæй ма Республикæ Никарагуайы Уæлвæткон æмæ Æххæстбарджын Минæвар Уæрæсейы Федераци æмæ Республикæ Хуссар Ирыстоны Альба Асусена Торрес Мехия.
2026 азы тæргæйтты мæйы 19-æм бон Женевæйы ацыд Фæскавказы стабилондзинад æмæ æдасдзинады фæдыл Æхсæнадæмон дискусситы 66-æм раунд. Дискусситæ цæуынц Медведев æмæ Саркозийы 2008 азы майрæмты мæйы 12-æм æмæ рухæны мæйы 8-æм бонты бадзырдадтæм гæсгæ. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, Америкæйы Иугонд Штатты делегацитæ, афтæмæй ма Европæйы Цæдисы, Иугонд Нациты Организацийы, Европæйы Æдасдзинад æмæ æмгуыстады фæдыл организацийы минæвæрттæ.
11 азы размæ Хуссар Ирыстон æмæ Уæрæсе бафыстой Æмцæдисад æмæ интеграцийы фæдыл бадзырд, кæцы дыууæ бæстæйы 'хсæн ахастытæ ракодта ног æмвæзадмæ.
Ацы æппæтварсон документ у фидар бындур хуссарирыстойнаг-уæрæсейаг ахастыты æппæт бадзырдон-барадон æрмæгæн. 2008 азæй Хæларад, æмгуыстад æмæ кæрæдзийæн æххуысы Бадзырдимæ иумæ ноджы сфидар кодта Хуссар Ирыстон æмæ Уæрæсейы 'хсæн паддзахадон ахастытæ, кæцытæ бындуриуæг кæнынц историон æмæ культурон бастдзинæдтыл.
Æрвыл аз дæр тæргæйтты мæйы 18-æм бон Хуссар Ирыстоны ссарынц Ереды трагедийы чи фæмард, уыдон рухс нæмттæ. Уыцы цау ссис геноциды политикæйы радон æвдисæн, кæцы Гуырдзыстоны хицауад сæдæ азы дæргъы уагъта ирон адæмы ныхмæ.
Республикæ Хуссар Ирыстоны Президент Гаглойты Алан ауагъта кусæгон фембæлд Республикæ Хуссар Ирыстоны Фæсарæйнаг хъуыддæгты министр Джиоты Æхсаримæ.
Фембæлды сæйраг темæ ссис æддагон политикæйы фадыджы Паддзахады сæрдары хæсты реализаци, кæцытæ загъд æрцыдысты хицауады рабадты рæстæджы.
Æрдзырдæуыд Хуссар Ирыстоны хæдбардзинад цы паддзахадтæ банымадтой, уыдонимæ æмархайд сфидар кæныны, афтæмæй ма иннæ бæстæтимæ дипломатон бастдзинæдтæ ауæрæх кæныны фæдыл.
Хицæн хъусдард аздæхтæуыд Уæрæсейы Федерациимæ æмгуыстад æмæ интеграцион процессты дарддæры райрæзтмæ.
Дипломатон æгъдауæй æрбæстон кæныны фæлварæнтæм нæкæсгæйæ, хæстон-политикон уавæр Æввахс Скæсæны æвиппайды æрцыд дестабилизацигонд. Уый баст у Ираны ныхмæ Америкæйы Иугонд Штатты æмæ Израилы хæстон-уæлдæфон цæфтимæ.
Атакæты фæстиуæгæн ис бирæ амæттæгтæ Ираны цæрджыты, уый хыгъд политикон æмæ хæстон къухдариуæгады ‘хсæн дæр. Фæхъуыд Ираны Сæрдар Али Хоменеи.
Ираны фарсæрдыгæй атакæгонд æрцыдысты хæстон объекттæ, Америкæйы Иугонд Штатты – Кувейты, Иракы цæгат фарс, Саудаг Арави, Катар, Иугонд Араббаг эмираттæ æмæ Израилы.
Тæргæйтты мæйы 6-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд Республикæ Никарагуайы Уæлвæткон æмæ Æххæстбарджын Минæвар Уæрæсейы Федераци æмæ Республикæ Хуссар Ирыстоны Альба Асусена Торрес Мехияимæ.
Фембæлд ацыд хæларадон уавæры. Ныхасы рæстæджы равдыстæуыд цæттæдзинад Хуссар Ирыстон æмæ Никарагуайы 'хсæн дарддæры фæстиуæгджын æмгуыстадмæ.
2026 азы тæргæйтты мæйы 6-æм бон
Тæргæйтты мæйы 5-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар Мæскуымæ кусæгон балцы фæлгæтты бабæрæг кодта Уго Рафаэль Чавес Фриасы царды ахицæнæй XIII азы рацыды охыл мысæн мадзал, кæцы ацыд Венесуэлæйы дипломатон минæварады Мæскуыйы.
Мадзалы фæлгæтты ацыд Хуссарирыстойнаг æддагполитикон уагдоны сæрдар Джиоты Æхсары фембæлд Боливариайнаг Республикæ Венесуэлæйы Уæлвæткон æмæ Æххæстбарджын Минæвар Уæрæсейы Федераци æмæ Республикæ Хуссар Ирыстоны Хесус Рафаэль Саласар Веласкесимæ.
