11 азы размæ Хуссар Ирыстон æмæ Уæрæсе бафыстой Æмцæдисад æмæ интеграцийы фæдыл бадзырд, кæцы дыууæ бæстæйы 'хсæн ахастытæ ракодта ног æмвæзадмæ.
Ацы æппæтварсон документ у фидар бындур хуссарирыстойнаг-уæрæсейаг ахастыты æппæт бадзырдон-барадон æрмæгæн. 2008 азæй Хæларад, æмгуыстад æмæ кæрæдзийæн æххуысы Бадзырдимæ иумæ ноджы сфидар кодта Хуссар Ирыстон æмæ Уæрæсейы 'хсæн паддзахадон ахастытæ, кæцытæ бындуриуæг кæнынц историон æмæ культурон бастдзинæдтыл.
Фæстæдæр Бадзырды бындурыл арæзт æмæ бафыстгонд æрцыдысты æмгуыстады здæхтытыл дывæрсон бадзырдадтæ. Абоны бон Хуссар Ирыстон æмæ Уæрæсейы 'хсæн æрæвæрдæуыд фидар бадзырдон-барадон бындур, кæцыйы ахады 150 æхсæнпаддзахадон, æхсæнхицауадон æмæ æхсæнуагдонон документæй фылдæр.
Дыууæ бæстæ æмæ адæмы интерестæ æвдисæг Æмцæдисад æмæ интеграцийы фæдыл бадзырды уагæвæрдты реализацийы фæрцы Хуссар Ирыстон æмæ Уæрæсейы 'хсæн сæвзæрд хæларадон ахастытæ, кæцытæ бындуриуæг кæнынц кæрæдзийæн æххуыс æмæ æууæнкдзинадыл.
2026 азы тæргæйтты мæйы 18-æм бон