Сообщения МИД РЮО

2012 азы 7-10 февралы Владимир Нейманы сæргълæудæй Республикæ Хуссар Ирыстоны уыдис Мæскуыйы филиалы Дунеон медицинон гуманитарон организации «Дохтыртæ æнæ арæнтæйы»-ы делегаци.Визиты нысан уыдис æмкуысткæнынады Хуссар Ирыстоны программæтæ æххæст кæныны фадаттæ сахуыр кæнын.
9 февралы «Дохтыртæ æнæ арæнтæй»-ы минæвæрттимæ фембæлд Хуссар Ирыстоны Хицауады Сæрдары хæдивæг Хъуылымбегты Доменти.Хуссар Ирыстоны ‘рдыгæй фарсæй ма фембæлды уыдысты Фæсарæйнаг хъуыддæгты министр Джиоты Мурат æмæ æнæниздзинад хъахъхъæныны æмæ социалон рæзты министр Уалыты Ларисæ.

Абон 2011 азы 20 сентябры Республикæ Хуссар Ирыстоны уагъд цæуынц Республикæ Хуссар Ирыстоны сырæзтыл 21 азы сæххæсты сæраппонд бæрæгбонон мадзæлттæ.Хуссар Ирыстоны адæм цыппæрæм хатт нысан кæнынц сæ историйы банымадгонд паддзахады уавæрты ацы зæрдылдарæн бон.

Республикæйы Бон бæрæгбон кæнынмæ æрхаудис уæрæсейаг-хуссарирыстоæнаг форум ахæм номимæ: «Эффективон экономикæйы уылты нырыккон паддзахад саразын»,кæцы уагъд цæуы Цхинвалы.Форумы фæлгæтты къухтæ фыст æрцыдысты фондз дывæрсыг документыл:

2011 азы 20 сентябры уыдис Тувалуйы Премьер-министр Вилли Телавийы визит Республикæ Хуссар Ирыстонмæ.Визиты рæстæджы 19 сентябры къухтæ фыст æрцыдысты Республикæ Хуссар Ирыстоны æмæ Тувалуйы ‘хсæн дипломатон ахастытæ саразыны фæдыл.Хуссар Ирыстоны ‘рдыгæй фарс документыл йæ къух æрфыста Республикæ Хуссар Ирыстоны президент Кокойты Эдуард,Тувалуйы ‘рдыгæй фарс Премьер-министр Вилли Телави.

Республикæ Хуссар Ирыстоны Фæсарæйнаг Хъуыддæгты Министрады пресс-службæйы хъусынгæнинаг
2011 азы 7-8 августы Хуссар Ирыстоны Фæсарæйнаг хъуыддæгты министрады фæсарæйнаг уагдæтты алы ран дæр Хуссар Ирыстоны ныхмæ Гуырдзыстоны хотыхджын агрессийы æртыккæгæм азы сæххæсты боны фæдыл уагъд æрцыдысты зæрдылдарæн мадзæлттæ.

Республикæ Хуссар Ирыстонæн Мæскуыйы цы Минæварад ис, уым зæрдылдарæн мадзæлттæ райдыдтой 7 августы, Гуырдзыстоны ‘рдыгæй Цхинвалы артиллерии интенсивонæй æхсын куы райдыдта, уыцы афон-23 сахаты æмæ 35 минутыл.

Венесуэлæйы Боливарианаг Республикæйы РХИ Чрезвычайон æмæ Æххæстбарджын Минæвар Козаты Нарим ныртæккæ кусæгон визиты ис Каракасы.

30 августы Козаты Наримы йæхимæ райста Венесуэлæйы Боливарианаг Республикæйы Фæсарæйнаг хъуыддæгты министр.Фембæлды рæстæджы Минæвар æууæнчы грамотаты халдихтæ радта Венесуэлæйы Фæсарæйнаг хъуыддæгты министры хæдивæгмæ.

Фембæлды рæстæджы уынаффæ кодтой Республикæ Хуссар Ирыстоны æмæ Венесуэлæйы Боливиаг Республикæйы ‘хсæн дыууæфарсон æмкуысткæнынадыл æмæ дыууæ паддзахады ‘хсæн ахастыты дарддæры перспективæйыл.

2011 азы 23июлы йæ тыхы бацыдис Каракасы 2010 азы июлы Республикæ Хуссар Ирыстоны æмæ Венесуэлайы Боливарианаг Республикæйы ‘хсæн æмкуысткæнынады тыххæй къухтæ фыст кæуыл æрцыдысты,уыцы Генералон Фидыд.Уымæй размæ дыууæ фарсы ‘рдыгæй дæр æххæст æрцыдысты Фидыды йæ тыхы бацæуыны тыххæй мидпаддзахадон прцæдурæтæ æмæ дыууæ фарсы Фæсарæйнаг хъуддæгты министрадтæ кæрæдзийæн радтой нотатæ.

Цхинвал, 2011 азы 28 июль

Республикæ Хуссар Ирыстоны æмæ Республикæ Никарагуайы ‘хсæн дипломатон ахастытæ атæзт кæй æрцыдисты,афтæ ма Республикæ Никарагуамæ æппынæдзухон бастдзинæдты рæзтæн фарсхæцындзинады æнæмæнгхъæуындзинадмæ гæсгæ Республикæ Хуссар Ирыстоны президент Кокойты Э.2011 азы 26 июлы Указмæ гæсгæ арæзт æрцыдис Республикæ Хуссар Ирыстоны минæварад Республикæ Никарагуайы,кæцыйæн йæ резиденци уыдзæнис г. Цхинвалы.

18-19 июлы Республикæ Хуссар Ирыстоны кусæгон визиты уыдис Уæрæсейы Федерацийы Фæсарæйнаг хъуддæгты министрады делегации.Делегацийы сконд уыдысты Хæдбар Паддзахадты Цæдисы Уæрæсейы Федерацийы Фæсарæйнаг хъуыддæгты 4-æм Департаменты Директоры хæдивæг А.А.Дивнянин æмæ УФ Фæсарæйнаг хъуддæгты министры Уынаффæгæнг М.М.Кулахметов.

Делегацийы визиты фæлгæнтты йæхимæ райста Республикæ Хуссар Ирыстоны Фæсарæйнаг хъуыддæгты министр Джиоты М.К.

2011 азы 19 июлы Республикæ Хуссар Ирыстоны фæсконфликтон уавæр æрбæстон кæныны фæдыл фембæлд уыдис Республикæ Хуссар Ирыстоны Президенты Æххæстбарджын Минæвар Цоциты Б.Е.,Республикæ Хуссар Ирыстоны Фæсарæйнаг хъуыддæгты министр Джиоты М.К.,РХИ Президенты Паддзахадон Уынаффæгæнæг Коцты К.К.Фæскавказы æдасдзинады фæдыл Женевæйы дискусситы Æмсæрдæрттимæ.

Фембæлды уынаффæ цыдис,2011 азы октябры Женевæйы уагъд чи цæудзæнис, уыцы дискусситæм бацæттæ кæныны фарстатыл.

2011 азы 14 июлы Республикæ Хуссар Ирыстоны нысан цæуы Фидауынгæнджыты бон.

2011 азы 22 июлы Дзауы районон тæрхондон уынаффæ рахаста Гуырдзыстоны дæс æмбæстаджы административон федтæдуар кæныны тыххæй, кæцыты 18-19 июны æрцахстой хуссарирыстойнаг арæнхъахъхъæнджытæ Республикæ Хуссар Ирыстоны Дзауы районы Къозы хъæумæ хæстæг Республикæ Хуссар Ирыстон æмæ Гуырдзыстоны ‘хсæн арæныл æнæзакъонæй кæй æрбахызтысты, уый тыххæй. Абон уыдон феттæдуар кодтой Гуырдзыстонмæ.

Фæстаг азты цаутæ нын дæттынц афтæ зæгъыны фадат æмæ дуне фылдæр зонын кæй райдыдта рæстдзинад. 2008 азы Хуссар Ирыстоны ныхмæ гуырдзиаг агрессийы тыххæй. Алкæмæн дæр хорз зындгонд у швецариаг дипломат Хайди Тальявинийы августы хæсты фæстæ чи сырæзтис, Евроцæдисы уыцы хæдбар къамисы Доклады сæйраг хатдзæг хæст растдæр Гуырдзыстон кæй райдыдта, уый тыххæй. Фæстаг рæстæджы публикациты банысан кæнын хъæуы Гуырдзыстоны Францы минæвар Эрик Фурнье гуырдзиаг журнал «Тбилиселеби»-йæн цы интервью радта, уый.