2026 азы тъæнджы мæйы 3-æм бон Америкæйы Иугонд Штатты гæрзифтонг тыхтæ æрбабырстой Боливариайнаг Республикæ Венесуэлæйы территоримæ. Цæфты бын фесты æмбæстагон æмæ хæстон объекттæ Республикæйы сæйраг горæт Каракас, штаттæ Миранда, Арагуа æмæ Ла-Гуайрайы.
Ацы архайд цæуы ИНО-йы Уагæвæрд æмæ æхсæнадæмон барады бындурон принципты ныхмæ, гæнæн ис æркæна Латинаг Америкæ æмæ Карибы бассейны сабырад æмæ стабилондзинадæн тæссаг фæстиуджытæм, афтæмæй ма тæссаг у милуангай адæмы цардтæн.
Мæскуыйы ацыд 2026-2030 азтæм Республикæ Хуссар Ирыстоны социалон-экономикон размæдзыды Паддзахадон программæйы реализацийы тыххæй Республикæ Хуссар Ирыстон æмæ Уæрæсейы Федерацийы ‘хсæн Бадзырды бафыст.
Хуссар Ирыстоны фарсæрдыгæй документ æрфыста РХИ-йы ФХъМ-йы Фæсарæйнаг хъуыддæгты министр Джиоты Æхсар. Уæрæсейаг фарсæй Уæрæсейы Экономикон размæдзыды министры хæдивæг Сергей Назаров.
Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Фæсарæйнаг хъуыддæгты министр Сергей Лавров æрцæугæ Ног азы цытæн арвыстой кæрæдзимæ арфæйы фыстæджытæ.
Министртæ сæ фыстæджыты зæрдæбын фæндиæгтимæ раарфæ кодтой кæрæдзийæн æрцæугæ Ног азы цытæн.
Æрцæугæ Ног аз æмæ Цыппурсы бæрæгбоны цытæн ма кæрæдзийæн раарфæ кодтой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Фæсарæйнаг хъуыддæгты министры Хæдивæг Михаил Галузин.
Приднестроваг Молдаваг Республикæйы Конституцийы боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.
Сæрмагондæй, арфæйы дзырдæуы:
«Ацы историон акт ист æрцыд паддзахаддзинады арæзтады рæстæджы æмæ ссис Приднестровьейы суверенон размæдзыды бындур.
Ныры зын геополитикон уавæры Приднестровье бындуриуæг кæны Сæйраг Закъоны принциптыл, фæстиуæгджынæй хъахъхъæны йæ бартæ, здæхт у фарстатæ сабырæй скъуыддзаг кæнынмæ.
Республикæ Хуссар Ирыстоны сырæзтæй 35 азы рацыды цытæн Уæрæсейы уæвæг Республикæ Хуссар Ирыстоны Минæварад сарæзта Мæскуыйы Райст, кæцыйы фæлгæтты ацыд Æхсæнадæмон литературон преми «Булæмæргъ» раттыны цытджын церемони.
Республикæ Хуссар Ирыстоны Фæсарæйнаг хъуыддæгты министр Джиоты Æхсар Республикæ Хуссар Ирыстоны Президент Гаглойты Аланы номæй раарфæ кодта æрæмбырдуæвджытæн.
Республикæ Цæгат Ирыстон-Аланийы Сæрдар Сергей Меняйлойы номæй арфæйы фыстæг бакаст УФ-йы Президенты дæлбар РЦИ-Аланийы Æххæстбарджын минæвары бартæ рæстæгмæ æххæстгæнæг Дзасохты Тамерлан.
Цыппурсы мæйы 19-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны уæвæг Приднестроваг Молдаваг Республикæйы Официалон Минæварады сæрдар Плиты Аланы.
Фембæлды рæстæджы дыууæ фарс дæр æрдзырдтой дывæрсон æмгуыстады актуалон фарстатыл, æркастысты Приднестровьейы алыварс æхсæнадæмон уавæрмæ, ацæугæ азы иумæйаг куысты хатдзæгтæ скодтой.
Нысангонд æрцыд, хуссарирыстойнаг-приднестроваг æмархайд, уый нымæцы æддагполитикон уагдоны æмæ Официалон минæварады хаххыл æмгуыстад, æнтысджынæй кæй рæзы.
Цыппурсы мæйы 17-æм бон Республикæ Хуссар Ирыстоны Фæсарæйнаг хъуыддæгты министрады ацыд РХИ-йы ФХъМ-йы Æвзонг дипломатты советы радон рабадт. Рабадты хайад райстой РХИ-йы ФХъМ-йы Æвзонг дипломатты советы Сæрдар, РХИ-йы ФХъМ-йы Фæсарæйнаг уагдæттимæ куысты фæдыл хайады Сæрдар Санахъоты А.Г., афтæмæй ма Советы уæнгтæ – Министрады кусджытæ.
Æвзонг дипломатты советы Сæрдар Санахъоты А.Г. скодта ацæугæ азы хатдзæгтæ æмæ бузныг загъта Советы уæнгтæн сæ куысты фæдыл. Рабадты рæстæджы РХИ-йы ФХъМ-йы ÆДС-йы уæнгтæ æрцæугæ азмæ снысан кодтой сæйраг хæстæ.
Цыппурсы мæйы 16-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Аланы.
Ныхасы рæстæджы æрдзырдæуыд ацæугæ азы фæстиуджытыл, Абхаз æмæ Хуссар Ирыстоны ‘хсæн дывæрсон ахастыты æмвæзадæн скодтой бæрзонд аргъ.
Республикæ Хуссар Ирыстон æмæ Республикæ Науруйы ‘хсæн дипломатон ахастытæ сфидар кæнынæй 16 азы рацыды цытæн Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Республикæ Науруйы Фæсарæйнаг хъуыддæгтæ, базарад æмæ финансты министрадмæ.
Сæрмагондæй, арфæйы дзырдæуы:
Латайы трагедийы амæттæгты Мысæн боны охыл Республикæ Хуссар Ирыстоны Фæсарæйнаг хъуыддæгты министрад арвыста мæсæллæйы нотæ Республикæ Абхазы Фæсарæйнаг хъуыддæгты министрадмæ.
Сæрмагондæй, нотæйы дзырдæуы:
«1992 азы цыппурсы мæйы 14-æм бон æрцæугæ æвирхъау цаутæ здæхт уыдысты адæмы скуынæг кæнынмæ. Нæ зæрдыл ногæй лæууын кæнæм уыцы æгъатыр трагеди. Ацы цау канд хæстон фыдракæнд æмæ æхсæнадæмон гуманитарон барады æппæт нормæты ныхмæ рацыд нæу, фæлæ ма геноциды политикæйы ирд æвдисæн, кæцы здæхт у абхазаг адæмы ныхмæ».
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметовмæ Уæрæсейы Федерацийы Конституцийы боны цытæн.
Сæрмагондæй, арфæйы дзырдæуы:
«1993 азы цыппурсы мæйы 12-æм боны ист Уæрæсейы Бындурон закъон ссис æмбæстагон сабырдзинады гарант, бæстæйы демократон размæдзыды, æддагон æмæ мидполитикæйы фидаркæнынады бындур.
Уæрæсейы Федерацийы Конституцийы боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ.
Сæрмагондæй, арфæйы дзырдæуы:
«Наци æмæ динмæ нæкæсгæйæ, Сæйраг закъон æрбангом кодта æппæт Уæрæсейы адæмы иу æмбæстагон æхсæнадмæ, æмæ уымæй сæххæст рагон тырнынад сабырдзинад æмæ размæдзыдмæ.
