Новости

Хурхæтæны мæйы 18-æм бон Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар хайад райста СХО-йы ветеранты рухстауæн сесси «Хæзнатæ. Размæдзыд. Иудзинад»-ы, кæцы цæуы хурхæтæны мæйы 17-19 бонты Дзæуджыхъæуы.

Мадзал сарæзтой СХО-йы Ветеранты ассоциаци æмæ Æппæтуæрæсейон æхсæнадон æмбæстагон-патриотикон змæлд «Уæрæсейы Æнæмæлгæ полк» Президенты грантты фонды æххуысæй.

Рухстауæн сессийы фæлгæтты Джиоты Æхсар раныхас кодта лекци «Уæрæсе æмæ Хуссар Ирыстоны историон-культурон бастдзинад»-ы.

Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министры хæдивæг Михаил Галузинмæ Райгуырæн боны цытæн.

Сæрмагондæй, арфæйы дзырдæуы:

«Дæ цард æмæ профессионалон фæндаг æппæтварсонæй снывонд кодтай сабырад æмæ рæстдзинады хъуыддагæн. Хъæздыг дипломатон фæлтæрддзинад, национ интерестæ хъахъхъæныны хъуыддаджы дын дæ паддзахадон куырыхондзинады фæрцы ис цыт Уæрæсе æмæ фæсарæнты». 

Хурхæтæны мæйы 12-æм бон ацыд Хуссар Ирыстон æмæ Никарагуайы фæсивæдон командæты ‘хсæн тагъд шахмæттæй онлайн-турнир. 

Турнир ацыд Цхинвалы «Русский дом»-ы фæзуатыл Хуссар Ирыстоны ФХъМ æмæ Никарагуайы Минæварады æххуысæй. Турнир уагъд æрцыд Хуссар Ирыстоны Шахмæтты федерацийы сæрдар Сæулохты Георгийы хъæппæрисæй. 

Мадзалы уыдысты Фæсарæйнаг хъуыддæгты министры Уынаффæгæнæг Тадтаты С. æмæ РХИ-йы ФХъМ-йы Хайады сæрдар Уалыты М. 

2026 азы хурхæтæны мæйы 13-æм бон

Уæрæсейы боны цытæн Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ.

Сæрмагондæй, арфæйы дзырдæуы:

«Хурхæтæны мæйы 12-æм бон канд Уæрæсейы бирæнусон истори, суверенитет æмæ сæрыстырдзинад не 'вдисы, фæлæ ма йæ бирæнацион адæмы фидар æнгомдзинад, йæ культурон æмæ монон хæзнаты хъæздыгад». 

Хурхæтæны мæйы 11-æм бон онлайн-режимы Фæсарæйнаг хъуыддæгты министрты æмбырды форматы ацыдысты Республикæ Хуссар Ирыстон, Республикæ Абхаз æмæ Приднестроваг Молдаваг Республикæйы Фæсарæйнаг хъуыддæгты министртæ Джиоты Æхсар, Олег Барциц æмæ Виталий Игнатьевы æртæфарсон консультацитæ.

Нæ хъус æрдардтам Стамбулы декларацийы текстмæ, кæцы ист æрцыд Гуырдзыстон, Азербайджан æмæ Турчы æддагполитикон уагдæтты сæргълæуджыты фембæлды фæстиуджыты фæдыл. Декларацийы, сæрмагондæй, ногæй дзырд цæуы «Гуырдзыстоны æхсæнадæмон æгъдауæй нымад арæнтыл суверенитет æмæ территориалон иудзинад сног кæнын»-ы тыххæй. 

Радон хатт та зæрдыл лæууын кæнæм, «Гуырдзыстоны æхсæнадæмон æгъдауæй банымад арæнтæ»-йы æмбарынад дзуапп кæй нæ дæтты Советон Цæдисы ныппырхы æмæ уый фæстæ сæвзæргæ геополитикон уавæртæн. 

Хурхæтæны мæйы 10-æм бон Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар схорзæх кодта видеоэссейы конкурс «Хæдбардзинады бæрн: Хуссар Ирыстоны фидæн – фæсивæды къухы» / «Независимость – это ответственность: будущее Южной Осетии в руках молодежи»-йы уæлахиздзаутæ æмæ хайадисджыты.

Хурхæтæны мæйы 4-æм бон ИНО-йы Генералон ассамблейы 80-æм сессийы фæлгæтты радон хатт ист æрцыд Гуырдзыстонæй сразæнгардгонд Хуссар Ирыстон æмæ Абхазæй лигъдæттæ æмæ мидбынаты иу ранæй иннæ ранмæ цæрынмæ чи ацыд, уыдоны уавæры фæдыл резолюци. Хъыгагæн та уынæм, æхсæнадæмон фæзуат кæй дарддæр кæны уавæры æцæгдзинадæн дзуапп чи нæ дæтты, ахæм позицийыл хæцыны хъуыддаг. 

Фарст: Петербурджы Æхсæнадæмон экономикон форумы сесси «Платформа «3+3»: иумæйаг тæссагдзинад æмæ стратегион партнерад»-ы рæстæджы Уæрæсейы Фæсарæйнаг хъуыддæгты министр Михаил Галузин фехъусын кодта, Мæскуы кæй ис æппæт Хуссар Кавказы регионы транспортон æмæ экономикон бастдзинад сног кæныны ‘вварс. Цы зæгъдзынæ уый фæдыл?

Фарста: Абон Цхинвалы ацыд Фæскавказы Æдасдзинад æмæ стабилондзинады фæдыл æхсæнадæмон дискусситы ЕЦ, ОБСЕ æмæ ИНО-йæ Æмсæрдæрттимæ кусæгон фембæлд. Цас ахсджиаг у Хуссар Ирыстонæн ацы формат, кæцыйы хайад исынц РХИ-йы ФХъМ-йы минæвæрттæ дæр?

Хурхæтæны мæйы 3-æм бон Цхинвалы Фæскавказы æдасдзинад æмæ стабилондзинады фæдыл æхсæнадæмон дискусситы радон раундмæ бацæттæ кæныны фæлгæтты Президенты Паддзахадон Уынаффæгæнæг Коцты К.К. сæргълæудæй Республикæ Хуссар Ирыстоны делегаци райста Æхсæнадæмон дискусситы ЕЦ, ИНО æмæ ОБСЕ-йæ Æмсæрдæрттæ М. Гроно, М.Х. Хиари и К. Шпэтийы.

Фембæлды рæстæджы æрдзырдæуыд Дискусситы радон раунды актуалон фарстатыл, кæцы ацæудзæн хурхæтæны мæйы кæрон – сусæны мæйы райдайæн Женевæйы. 

Зæрдæвæрæны мæйы 28-æм бон Дипломатон кусæджы бон æмæ Республикæ Хуссар Ирыстоны Фæсарæйнаг хъуыддæгты Министрады сырæзтæй 34 азы рацыды цытæн Республикæ Хуссар Ирыстоны Фæсарæйнаг хъуыддæгты Министрады ацыд цытджын æмбырд.

Республикæ Хуссар Ирыстоны Фæсарæйнаг хъуыддæгты министр Джиоты Æхсар раарфæ кодта коллегæтæн профессионалон бæрæгбоны фæдыл æмæ сын йæ зæрдæ загъта дарддæры æнтыстытæ.

Министрады къорд кусджытæн цытджын уавæры лæвæрд æрцыдысты уагдонон хорзæхтæ æмæ дипломатон рангтæ.

2026 азы зæрдæвæрæны мæйы 28-æм бон