Италимæ йæ кусæгон визит дарддæр кæнгæйæ, Республикæ Хуссар Ирыстоны Фæсарæйнаг хъуыддæгты министр Санахъоты Давид 10 сентябры Римы Конференц-центр Roma Eventi-йы ауагъта пресс-конференци. Конференцийы уыдысты «La Repubblica», «Фамилья кристиана», «Евразия», ИТАР-ТАСС-ы журналисттæ æмæ Италийы Уæрæсейы Минæварады минæвæрттæ.
2013 азы 9 сентябры нысан цæуы Республикæ Хуссар Ирыстоны æмæ Уæрæсейы Федерацийы ‘хсæн дипломатон ахастытæ арæзт куы ‘рцыдысты, ууыл фондз азы сæххæсты бон. Ацы нысаниуæгджын боны нысаниуæджы тыххæй ПТРК «Ир»-æн йæ интервьюйы комментарий дæтты РХИ Фæсарæйнаг хъуыддæгты Министры фыццаг хæдивæг Цхуырбаты Казбулат.
4 сентябры Республикæ Хуссар Ирыстоны Фæсарæйнаг хъуыддæгты министр ацыдис кусæгон визиты Италийы Республикæмæ æмæ йын уыдис къорд фембæлды.
Сæрмагондæй та, 4 сентябры министр фембæлдис парти SEL депутат Лара Ричаттимæ. Фембæлды рæстæджы депутат ныфсдзинад загъта, зæгъгæ, Италимæ министры фыццаг визит уыдзæнис æнтысджын æмæ Хуссар Ирыстон æмæ Италийы ‘хсæн бастдзинæдтæ кæндзысты фидар æмæ уæрæх.
2013 азы 26 августы Республикæ Хуссар Ирыстоны Фæсарæйнаг хъуыддæгты министр Санахъоты Давид фембæлдис Республикæ Абхазы Хицауады Сæрдары хæдивæг Беслан Эшба æмæ Республикæ Абхазы Фæсарæйнаг хъуыддæгты министры хæдивæг Олег Аршбаимæ, кæцытæ Цхинвалмæ ‘рцыдысты, Уæрæсейы Федераци Республикæ Хуссар Ирыстоны хæдбардзинад кæй банымадта, ууыл 5 азы сæххæсты бæрæгбонон мадзæлтты хайад райсынмæ. Фембæлды ма уыдис Республикæ Хуссар Ирыстоны Фæсарæйнаг хъуыддæгты министры хæдивæг Коцты Алан дæр.
2013 азы 26 августы Республикæ Хуссар Ирыстоны Фæсарæйнаг хъуыддæгты министр Санахъоты Давид фембæлдис Хæххон-Карабахы Республикæйы Фæсарæйнаг хъуыддæгты министрады аппараты къухдариуæггæнæг-Генералон нымæрдар Семен Афиянимæ, кæцы ХКР делегацийы сконды æрцыдис, Республикæмæ Уæрæсейы Федераци Республикæ Хуссар Ирыстоны хæдбардзинад куы банымадта, ууыл 5 азы сæххæсты бæрæгбонмæ. Фембæлды ма уыдис адæймаджы барты фæдыл Хуссар Ирыстоны Президенты цур Бæрнджын Тасойты Инал дæр.
2013 азы 20 августы Абхазы Республикæйы Республикæ Хуссар Ирыстоны Æххæстбарджын Минæвар Боциты Олег Республикæ Абхазы Президент Александр Анквабмæ радта æууæнчы грамота.
Александр Анкваб ын раарфæ кодта бынаты урæд кæй æрцыдис, уый тыххæй æмæ йын загъта йæ куысты йын æнтыстытæ цæмæй уа, ахæм фæндиæгтæ. Боциты Олег йæхи рады загъта, æппæт тыхтæ дæр кæй здахдзæнис дыууæ æфсымæрон адæмты – Хуссар Ирыстоны æмæ Абхазы ‘хсæн ахастытæ дарддæр рæзын кæнынмæ.
Цхинвал, 2013 азы 20 август
2013 азы 26 августы Республикæ Хуссар Ирыстоны Фæсарæйнаг хъуыддæгты министрады министр Санахъоты Давидæн фембæлд уыдис Приднестроваг Молдоваг Республикæйы Президент Евгений Шевчук æмæ ПМР Фæсарæйнаг хъуыддæгты министр Нина Штанскиимæ. Уыдон Республикæ Хуссар Ирыстоны сты Уæрæсейы Федераци Хуссар Ирыстоны паддзахадон хæдбардзинады фондз азы юбилейон бæрæгбоны.
Фембæлды ма уыдысты РХИ Фæсарæйнаг хъуыддæгты министры фыццаг хæдивæг Цхуырбаты Казбулат æмæ Приднестроваг Молдоваг Республикæйы официалон минæвар Хуссар Ирыстоны Пухаты Александр.
Уæрæсейы Федераци Хуссар Ирыстоны хæдбардзинад кæй банымадта, ууыл фодз азы кæй сæххæст уый фæдыл
Дæсгай азты дæргъы Гуырдзыстон тырныдта Хуссар Ирыстоны зæххыл йе ‘лдариуæгад æрфидар кæнынмæ, уый тыххæй пайда кодта националон дæлдзиныгады æппæт амæлттæй дæр, этникон асыгъдæгдзинад æмæ ма сæм комкоммæ геноцид дæр бафтаугæйæ. Хуссар Ирыстоны адæмæн уымæй фервæзынæн уыдис иунæг-иу гæнæн сæхи сæрмагонд суверенон паддзахад саразын, цæмæй цардаиккой, адæймагæн аккаг чи у, ахæм цардæй, сæрибар уыдаиккой Гуырдзыстоны ‘рдыгæй æппынæдзух хæстон бахъавдтытæй.
Уæрæсейы Федераци Хуссар Ирыстоны хæдбардзинад кæй банымадта, ууыл фондз азы кæй сæххæст, уый фæдыл
- 26 августы 5 азы æххæст кæны Уæрæсейы Федераци Хуссар Ирыстоны суверенитет куы банымадта, ууыл. Цахæм нысаниуæг ис 2008 азы августы Уæрæсейы ацы фæндвидар уынаффæйæн Хуссар Ирыстоны адæмы царды?
2013 азы 16 августы Фæсарæйнаг хъуыддæгты министр Санахъоты Давид фембæлдис Хуссар Ирыстонæй Уæрæсейы Федерацийы Фæсарæйнаг хъуыддæгты министрады ДАМПИ(У) ахуыр кæнынмæ æрвыст чи æрцыдысты, уыцы студенттимæ.
Санахъоты Давид раарфæ кодта студенттæн фæлварæнтæ æнтысгæйæ кæй радтой, уый сæраппонд æмæ сын бузныг загъта сæ иузæрдион ахуыры тыххæй. Студенттæ дæр сæхи рады дзырдæй университеты ахуыр кæнгæйæ, сæ тæлмæнтыл, дзырдтой сæхи тыххæй, цы аразынц, цæмæ цымыдис кæнынц, сæ проблемæтыл æмæ сæм сомбоны цы плантæ ис, уыдæттыл.
2013 азы 10 августы Гуырдзыстоны мидæггагон хъуыддæгты министрады полицийы автомашинæ Евроцæдисы цæстдарджыты миссийы цæстыты раз æрбахызтис РХИ Цхинвалы районы Арцеуы цæрæн пункты территоримæ Гуырдзыстонимæ æмарæн паддзахадон арæны сæрты. Кæд дзы цалдæр хаты домдтой, цæмæй ныуагътаит РХИ территори æмæ аздæхтаит фæстæмæ,уæддæр сын фæстиуæг нæ уыдис, ницæмæ сæ дардта. РХИ Паддзахадон æдасдзинады комитеты арæнгæрон службæйы бахъуыдис уæлдæфы фæдзæхстæн æхст фæкæнын æмæ æрмæстдæр уый фæстæ арæнхалджытæ Гуырдзыстоны территоримæ аздæхтысты.
2013 азы 9-æм августы Республикæ Хуссар Ирыстоны Фæсарæйнаг хъуыддæгты министрады Фæсарæйнаг хъуыддæгты министр Санахъоты Д.Г. фембæлдис Итали-Хуссар Ирыстоны хæлардзинады Æхсæнады Президент профессор Мауро Мурджиайы сæргълæудæй Италийы делегацийыл.
Уазджытæн æгасцуат зæгъыны фæстæ Санахъоты Давид банысан кодта, зæгъгæ, Хуссар Ирыстонимæ Италийы минæвæртты контакттæн ис стыр нысаниуæг æмæ ныфсдзинад загъта ацы бастдзинæдтæ дарддæр дæр кæй уæрæхдæр æмæ фидардæр кæндзысты, афтæ ма ахъаз кæндзысты Республикæйæн дунеон изоляцийæ рахизынæн.
