Тъæнджы мæйы 21-æм бон «Sputnik Хуссар Ирыстон»-ы пресс-центры ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары пресс-конференци, кæцыйы сæйраг здæхт уыд Республикæ Хуссар Ирыстон æмæ Уæрæсейы Федерацийы 'хсæн паддзахадон арæны сæрты 14 азы кары онг æмбæстæгты ахизыны ног фæтктæ. Уыдонмæ гæсгæ, 2026 азы тъæнджы мæйы 26-æм бонæй фæстæмæ райгуырды тыххæй æвдисæндарæй нал ис уæрæсейаг паддзахадон арæны сæрты хизыны бар.
Тъæнджы мæйы 19-æм бон Республикæ Хуссар Ирыстоны Уæлвæткон æмæ Æххæстбарджын Минæвар Боливариайнаг Республикæ Венесуэлæйы Козаты Нарим бабæрæг кодта Венесуэлæйы Минæварад Мæскуыйы.
Каракасы тъæнджы мæйы 3-æм бон æрцæугæ цауты амæттæгтыл Козаты Н. ныууагъта мæсæллæйы ныхæстæ сæрмагонд чиныджы, кæцы бакодта Венесуэлæйы дипломатон минæварад.
2026 азы тъæнджы мæйы 19-æм бон
Республикæ Хуссар Ирыстоны Фæсарæйнаг хъуыддæгты министр Джиоты Æхсар раарфæ кодта Республикæ Абхазы Фæсарæйнаг хъуыддæгты министр Олег Барцицæн йæ Райгуырæн боны цытæн.
Сæрмагондæй, Джиоты Æхсар йæ арфæйы банысан кодта Олег Мсасы фырты хисæрмагонд æмæ профессионалон миниуджытæ, кæцытæ ахъаз сты Республикæ Абхазы æддагполитикон курсы æнтысджын реализацийæн, афтæмæй ма йæ ныфс ис, иу историон хъысмæт æмæ стратегион нысæнттыл бындуриуæг кæнгæйæ, æнгом æмархайд æмæ кæрæдзийæн æххуыс дарддæр дæр ахъаз кæй уыдзысты Хуссар Ирыстон æмæ Абхазы 'хсæн æфсымæрон ахастыты райрæзтæн.
Республикæ Хуссар Ирыстоны Фæсарæйнаг хъуыддæгты министр Джиоты Æхсар раарфæ кодта Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Аланæн йæ Райгуырæн боны цытæн.
Сæрмагондæй, Джиоты Æхсар йæ арфæйы банысан кодта Абхазы уæвæг Хуссар Ирыстоны Минæварады æнтысджын куыст æмæ Алан Мухарбеджы фырты уæзгæ хайбавæрд дыууæ бæстæйы ‘хсæн æппæтварсон æмгуыстад сфидар кæнын æмæ райрæзты хъуыддагмæ. Йæ зæрдæ йын загъта æнæниздзинад, фæрныгад æмæ дарддæры æнтыстыты фæндиæгтæ.
Нæ хъус æрдардтам Венесуэлæйы уавæры фæдыл Гуырдзыстоны Фæсарæйнаг хъуыддæгты министрады хъусынгæнинагмæ, кæцыйы ныфс дарынц, Венесуэлæйы цаутæ кæй æркæндзысты Каракасы ‘рдыгæй Хуссар Ирыстон æмæ Абхазы хæдбардзинад банымайыны фæдыл «æнæзакъонон уынаффæ»-йы систмæ.
Банымайын, кæнæ ма банымайыны фарста у паддзахадон суверенитеты ахсджиаг хай. Боливариайнаг Республикæ Венесуэлæ дзуапп ратта Хуссар Ирыстон æмæ Абхазы официалон куырдиатыл æмæ Уæрæсе æмæ Никарагуайы фæдыл банымадта Хуссар Ирыстоны æхсæнадæмон статус. Уыцы уынаффæ дзуапп дæтты æппæт нормæтæн дæр.
2026 азы тъæнджы мæйы 3-æм бон Америкæйы Иугонд Штатты гæрзифтонг тыхтæ æрбабырстой Боливариайнаг Республикæ Венесуэлæйы территоримæ. Цæфты бын фесты æмбæстагон æмæ хæстон объекттæ Республикæйы сæйраг горæт Каракас, штаттæ Миранда, Арагуа æмæ Ла-Гуайрайы.
Ацы архайд цæуы ИНО-йы Уагæвæрд æмæ æхсæнадæмон барады бындурон принципты ныхмæ, гæнæн ис æркæна Латинаг Америкæ æмæ Карибы бассейны сабырад æмæ стабилондзинадæн тæссаг фæстиуджытæм, афтæмæй ма тæссаг у милуангай адæмы цардтæн.
Мæскуыйы ацыд 2026-2030 азтæм Республикæ Хуссар Ирыстоны социалон-экономикон размæдзыды Паддзахадон программæйы реализацийы тыххæй Республикæ Хуссар Ирыстон æмæ Уæрæсейы Федерацийы ‘хсæн Бадзырды бафыст.
Хуссар Ирыстоны фарсæрдыгæй документ æрфыста РХИ-йы ФХъМ-йы Фæсарæйнаг хъуыддæгты министр Джиоты Æхсар. Уæрæсейаг фарсæй Уæрæсейы Экономикон размæдзыды министры хæдивæг Сергей Назаров.
Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Фæсарæйнаг хъуыддæгты министр Сергей Лавров æрцæугæ Ног азы цытæн арвыстой кæрæдзимæ арфæйы фыстæджытæ.
Министртæ сæ фыстæджыты зæрдæбын фæндиæгтимæ раарфæ кодтой кæрæдзийæн æрцæугæ Ног азы цытæн.
Æрцæугæ Ног аз æмæ Цыппурсы бæрæгбоны цытæн ма кæрæдзийæн раарфæ кодтой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Фæсарæйнаг хъуыддæгты министры Хæдивæг Михаил Галузин.
Приднестроваг Молдаваг Республикæйы Конституцийы боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.
Сæрмагондæй, арфæйы дзырдæуы:
«Ацы историон акт ист æрцыд паддзахаддзинады арæзтады рæстæджы æмæ ссис Приднестровьейы суверенон размæдзыды бындур.
Ныры зын геополитикон уавæры Приднестровье бындуриуæг кæны Сæйраг Закъоны принциптыл, фæстиуæгджынæй хъахъхъæны йæ бартæ, здæхт у фарстатæ сабырæй скъуыддзаг кæнынмæ.
Республикæ Хуссар Ирыстоны сырæзтæй 35 азы рацыды цытæн Уæрæсейы уæвæг Республикæ Хуссар Ирыстоны Минæварад сарæзта Мæскуыйы Райст, кæцыйы фæлгæтты ацыд Æхсæнадæмон литературон преми «Булæмæргъ» раттыны цытджын церемони.
Республикæ Хуссар Ирыстоны Фæсарæйнаг хъуыддæгты министр Джиоты Æхсар Республикæ Хуссар Ирыстоны Президент Гаглойты Аланы номæй раарфæ кодта æрæмбырдуæвджытæн.
Республикæ Цæгат Ирыстон-Аланийы Сæрдар Сергей Меняйлойы номæй арфæйы фыстæг бакаст УФ-йы Президенты дæлбар РЦИ-Аланийы Æххæстбарджын минæвары бартæ рæстæгмæ æххæстгæнæг Дзасохты Тамерлан.
Цыппурсы мæйы 19-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны уæвæг Приднестроваг Молдаваг Республикæйы Официалон Минæварады сæрдар Плиты Аланы.
Фембæлды рæстæджы дыууæ фарс дæр æрдзырдтой дывæрсон æмгуыстады актуалон фарстатыл, æркастысты Приднестровьейы алыварс æхсæнадæмон уавæрмæ, ацæугæ азы иумæйаг куысты хатдзæгтæ скодтой.
Нысангонд æрцыд, хуссарирыстойнаг-приднестроваг æмархайд, уый нымæцы æддагполитикон уагдоны æмæ Официалон минæварады хаххыл æмгуыстад, æнтысджынæй кæй рæзы.
Цыппурсы мæйы 17-æм бон Республикæ Хуссар Ирыстоны Фæсарæйнаг хъуыддæгты министрады ацыд РХИ-йы ФХъМ-йы Æвзонг дипломатты советы радон рабадт. Рабадты хайад райстой РХИ-йы ФХъМ-йы Æвзонг дипломатты советы Сæрдар, РХИ-йы ФХъМ-йы Фæсарæйнаг уагдæттимæ куысты фæдыл хайады Сæрдар Санахъоты А.Г., афтæмæй ма Советы уæнгтæ – Министрады кусджытæ.
Æвзонг дипломатты советы Сæрдар Санахъоты А.Г. скодта ацæугæ азы хатдзæгтæ æмæ бузныг загъта Советы уæнгтæн сæ куысты фæдыл. Рабадты рæстæджы РХИ-йы ФХъМ-йы ÆДС-йы уæнгтæ æрцæугæ азмæ снысан кодтой сæйраг хæстæ.
