Нæ хъус æрдардтам Венесуэлæйы уавæры фæдыл Гуырдзыстоны Фæсарæйнаг хъуыддæгты министрады хъусынгæнинагмæ, кæцыйы ныфс дарынц, Венесуэлæйы цаутæ кæй æркæндзысты Каракасы ‘рдыгæй Хуссар Ирыстон æмæ Абхазы хæдбардзинад банымайыны фæдыл «æнæзакъонон уынаффæ»-йы систмæ.
Банымайын, кæнæ ма банымайыны фарста у паддзахадон суверенитеты ахсджиаг хай. Боливариайнаг Республикæ Венесуэлæ дзуапп ратта Хуссар Ирыстон æмæ Абхазы официалон куырдиатыл æмæ Уæрæсе æмæ Никарагуайы фæдыл банымадта Хуссар Ирыстоны æхсæнадæмон статус. Уыцы уынаффæ дзуапп дæтты æппæт нормæтæн дæр.
Хъæуы банысан кæнын уый дæр, æмæ Венесуэлæйы къухдариуæгады уынаффæйы легитимондзинад бынтондæр дызæрдыггаг нæу, уæлдайдæр, нæй уый гæнæн, цæмæй йын аргъ кæна æртыккаг фарс, кæцы æхсæнадæмон къамисы хатдзæгтæм гæсгæ 2008 азы Хуссар Ирыстоны цауты фæдыл нымад æрцыд агрессорыл. Нæ ахастытæ латиноамерикæйаг бæстæтимæ бындуриуæг кæнынц æхсæнадæмон барады нормæтыл æмæ фидаргонд сты дывæрсон бадзырдадты бындурыл.
Хуссар Ирыстон дарддæр кæны венесуэлаг коллегæтимæ ахастытæ æмæ йæ ныфс ис, уавæр тагъд рæстæджы кæй æрбæстон уыдзæнис. Сидæм гуырдзиаг фарсмæ конструктивондзинад æмæ регионы уæвæг политикон æцæгдзинадыл сразы уæвынмæ, кæцы ахъаз уыдзæн æдасдзинад æмæ сабырдзинад сфидар кæнынæн.
2026 азы тъæнджы мæйы 5-æм бон