Зæрдæвæрæны мæйы 20-æм бон – гуырдзиаг агрессийы амæттæгты Мысæн æмæ хъынцъымы бон.
1992 азы зæрдæвæрæны мæйы гуырдзиаг хæстонтæ æмбæхст ранæй æгъатырæй ныццагътой, сæ цард фервæзын кæнынмæ Хуссар Ирыстонæй Цæгатмæ чи лыгъд, уыцы ирон æмбæстæгты. Ацы æгъатыр трагеди ирон адæмы историйы сау дамгъæтæй фыстæй баззайдзæн æнустæм.
Ацы æбуалгъ фыдракæнды амæттæгтæ систы 33 æнаххос адæймаджы, уыдоны нымæцы сывæллæттæ, сылгоймæгтæ, зæрæдтæ.
Зæрдæвæрæны мæйы 8-9 бонты Республикæ Хуссар Ирыстоны ацыдысты Стыр Фыдыбæстæйон хæсты советон адæмы Уæлахизæй 79 азы рацыды охыл цытджын мадзæлттæ.
Уæлахизы Боны хæдразмæ ацыд Кады аллейы Стыр Фыдыбæстæйон хæсты фæмардуæвджыты цыртдзæвæнмæ Кады гирляндæ сæвæрыны цытджын церемони. Церемонийы хайадисджытæ дидинтæ æмæ веноктæ сæвæрдтой Æнусон артмæ æмæ, æдзæмæй алæугæйæ, ссардтой Стыр Фыдыбæстæйон хæсты быдырты фæмардуæвджыты рухс нæмттæ.
Афтæмæй ма ацыд советон-уæрæсейаг фæдагурæг, Хуссар Ирыстонæй рацæугæ Лохты Иосифы фырт Владимирæн цырт бакæныны официалон церемони.
Стыр Фыдыбæстæйон хæсты Уæлахизы бонæй 79 азы рацыды цытæн Республикæ Хуссар Ирыстон æмæ Уæрæсейы Федерацийы Æддагполитикон уагдæтты Сæргълæуджытæ Джиоты Æхсар æмæ Сергей Лавров рарвыстой кæрæдзимæ арфæйы фыстæджытæ.
Сæрмагондæй, Джиоты Æхсар йæ фыстæджы банысан кодта:
«Стыр Уæлахизы бæрæгбон æнгом кæны бирæ адæм æмæ фæлтæрты. Ацы бон у бирæнацион советон адæмы хъайтардзинад, æхсар, æгæрон тыхы бон. Адæм кæрæдзийы фарсмæ слæууыдысты фашизмы ныхмæ уæззау тохы.
Хуымгæнæны мæйы 20-21 бонты Республикæ Хуссар Ирыстоны Фæсарæйнаг хъуыддæгты министрады Æххæстбарджын Минæвар Бенилюксы бæстæты Пухаты Радион хайад райста Европæ æмæ Цæгат Америкæйы бæстæты уæрæсейаг æмбæстæгты XVII Регионалон конференцийы.
Конференцийы сæйраг здæхт уыд уæрæсейаг монон хъæздыгдзинад бахъахъхъæнын, æмæ дзы хайад райстой уæрæсейаг æмбæстæгты организациты координацион советты къухдариуæггæнджытæ, уæрæсейаг æмбæстæгты Регионалон æмæ Дунеон координацион советты уæнгтæ, 37 паддзахадæй общинæты минæвæрттæ.
2024 азы хуымгæнæны мæйы 16-æм боны Республикæ Хуссар Ирыстоны Президент Гаглойты Аланы Барамындмæ гæсгæ Бигъуылаты Инна Зауырбеджы чызг нысан æрцыд Республикæ Хуссар Ирыстоны Фæсарæйнаг хъуыддæгты министры Хæдивæгæй.
Биографион æрмæг:
Бигъуылаты Инна Зауырбеджы чызг райгуырд 1991 азы хуымгæнæны мæйы 8-æм бон Цхинвалы.
Каст фæцис Тыбылты Алыксандры номыл Хуссар Ирыстоны Паддзахадон университеты экономикон факультет.
Хуымгæнæны мæйы 15-æм бон Цхинвалы Уæрæсейы Федерацийы уæвæг Республикæ Хуссар Ирыстоны Минæварады æххуысæй йæ куыст райдыдта æвзонг ахуыргæндтæ-юристты XХVæппæтуæрæсейон скъола «Территорийы фидар райрæзт: экологи, политикæ, барад», кæцы здæхт у æрдз бахъахъхъæныны барадон проблемæтæм æмæ экологион æдасдзинад бахъахъхъæнынмæ.
Церемонийы фæлгæтты хайадисджытæн раарфæ кодтой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Тыбылты Алыксандры номыл Хуссар Ирыстоны Паддзахадон университеты Ректор Тедеты Вадим.
Хуымгæнæны мæйы 1-12 бонты Республикæ Хуссар Ирыстоны Фæсарæйнаг хъуыддæгты Министрады кусджытæ Уæрæсейы ФХъМ-йы Дипломатон академийы Мæскуыйы ацыдысты квалификаци фæуæлдæр кæныны фæдыл курсытæ «Æхсæнадæмон ахастытæ. Уæрæсейы æддагон политикæ».
Лекцитæ кастысты Академийы профессортæ æмæ æрхонгæ эксперттæ. Ахуыры фæлгæтты ацыд СНГ-йы бæстæты цыппæрæм департаменты къухдариуæгадимæ фембæлд.
Курсыты фæуды Хуссар Ирыстоны минæвæрттæн лæвæрд æрцыдысты Сертификаттæ.
Цхинвал, 2024 азы хуымгæнæны мæйы 12-æм бон
Хуымгæнæны мæйы 8-æм боны Республикæ Хуссар Ирыстоны нысан кæнынц Конституцийы бон. 2001 азы хуымгæнæны мæйы 8-æм боны референдумы ист æрцыд бæстæйы сæйраг документ.
Сæйраг закъон сфидар гæнгæйæ, Хуссар Ирыстоны æмбæстæгтæ равзæрстой суверенон паддзахад аразыны, паддзахаддзинад размæдзыды æмæ райрæзты фæндаг.
Паддзахаддзинады ахсджиаг иуæг æмæ Республикæйы барадон æмæ политикон системæйы бындур уæвгæйæ, Хуссар Ирыстоны Конституцийы сæмбырд сты æппæтнацион хæзнатæ, уымæй дарддæр ма у бæстæйы размæдзыдæн раст фæндаг æвдисæг.
Хуымгæнæны мæйы 6-æм бон Республикæ Хуссар Ирыстоны Фæсарæйнаг хъуыддæгты министрады ацыд Хуссар Ирыстоны Фæсарæйнаг хъуыддæгты министр Джиоты Æхсары æмæ Уæрæсейы Фæсарæйнаг хъуыддæгты министрады Хицæн хæслæвæрдты фæдыл Минæвар Мирошник Родионы фембæлд.
Ныхасы рæстæджы æрдзырдæуыд Украинæйы цаутыл – Евромайдан æмæ йæ геополитикон фæстиуджытыл. Нысангонд æрцыд Киевы режимы фыдракæндтæ рæгъмæ хæссыны фæдыл куысты, афтæмæй ма дывæрсон фæткы актуалон фарстыты фæдыл æмархайд фидар кæныны ахсджиагдзинад.
2024 азы хуымгæнæны мæйы 4-5 бонты Женевæйы ацыд Фæскавказы æдасдзинад æмæ стабилондзинады фæдыл Æхсæнадæмон дискусситы 60-æм раунд. Дискусситæ цæуынц Медведев æмæ Саркозийы 2008 азы майрæмты мæйы 12-æм æмæ рухæны мæйы 8-æм бонты бадзырдадтæм гæсгæ.
Тæргæйтты мæйы 29-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста I Æхсæнадæмон зонадон-практикон конференци «Тибиловские чтения»-йы, кæцы ацыд Хуссар Ирыстоны Паддзахадон университеты.
Мадзал ацыд Университеты бындурæвæрджытæй иу, рухстауæг, ахуыргонд, зынгæ æхсæнадон архайæг Тыбылты Алыксандыры Райгуырæн боны цытæн.
Джиоты Æхсар бакаст Хуссар Ирыстоны Президент Гаглойты Аланы арфæ конференцийы хайадисджытæн, кæцыйы, сæрмагондæй, дзырд цæуы Тыбылты Алыксандыры хайбавæрдыл Хуссар Ирыстоны ахуырады райрæзты хъуыддагмæ.
Тæргæйтты мæйы 26-æм боны Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Республикæ Хуссар Ирыстоны Уæлвæткон æмæ Æххæстбарджын Минæвар Уæрæсейы Федерацийы Гасситы Знауыр бабæрæг кодтой Уæрæсейы Федерацийы Фæсарæйнаг хъуыддæгты министрад æмæ тæргæйтты мæйы 22-æм боны комплекс «Крокус Сити Холл»-ы æрцæугæ трагикон цауты охыл баконд тæфæрфæсты чиныджы ныууагътой фыст.
