2015 азы 16 майы Сардинийы г. Сассарийы уагъд æрцыдис дунеон конференци ахæм темæйыл: «Националон хæдбардзинад æмæ дунеон æмхæдбарад». Сорганизаци йæ кодта парламентон къорд æмæ Федераци Медитерранеа-Маре Нострум (Бæстыастæу денджыз – нæ иумиаг денджыз) Сардинийы Регионалон Советы фарсхæцынадæй.
Республикæ Хуссар Ирыстоны Президенты номæй конференцийы арфæйы ныхас ракодта Итали-Хуссар Ирыстоны Хæлардзинады æхсæнады Президент профессор Мауро Мурджиа.
Абон Республикæ Хуссар Ирыстоны уыдис бæрæгбонон церемони Луганскы Адæмон Республикæ æмæ Донецкы Адæмон Республикæты Минæварадтæ бакæныны фæдыл. ЛАР делегацийы сæргъ лæууыдис ЛАР Сæргълæууæджы администрацийы къухдариуæггæнæг Хоршева Наталья Иваны чызг. ДАР делегацийы сæргъ та – Фæсарæйнаг хъуыддæгты министр Кофман Александр Игоры фырт.
2015 азы 23 апрелы Республикæ Никарагуайы Республикæ Хуссар Ирыстоны Уæлвæткон æмæ Æххæстбарджын Минæвар Тыбылты Даниель Манагуайы фембæлдис Республикæ Никарагуайы Фæсарæйнаг хъуыддæгты Министр Самуэль Сантос Лопесимæ.
Фембæлды Тыбылты Даниель Самуэль Сантос Лопесмæ радта æууæнчы грамотаты халдихтæ.
Ныхас кæныны рæстæджы, кæцы ацыдис кæрæдзийæн аргъ кæныны æмæ æмбарыны уавæрты, кæрæдзийæн сæ хъуыдытæ загътой дывæрсыг ахастытæ æмæ дунеон боны фæткы актуалон фарстаты фæдыл.
Цхинвал, 2015 азы 24 апрель
Республикæ Хуссар Ирыстоны Фæсарæйнаг хъуыддæгты министрад хъусын кæны, 2015 азы 23 апрелæй кæй райдайдзæнис Уæрæсейы Фæсарæйнаг хъуыддæгты министрады ДАМПИ(У) конкурсон равзæрсты нысанон бынæтты хайад райсын сæраппонд кæй райдайдзæнис куырдиæттæ исын.
22 апрелы Республикæ Хуссар Ирыстоны Президент Тыбылты Леонид йæхимæ райста Республикæ Науруйы делегацийы. Йæ сæргъ лæууыдис Вице-президент Дэвид Адеанг. Делегацийы сконды ма уыдысты Парламенты вице-спикер Рэнин Акуа, Финансты министры хæдивæг Мартин Хант æмæ Парламенты депутат Сирил Бурамен. Хуссар Ирыстоны ‘рдыгæй фарс химæрайсты хайад райстой Президенты Паддзахадон уынаффæгæнæг Коцты Константин, Фæсарæйнаг хъуыддæгты министры фыццаг хæдивæг Цхуырбаты Казбулат æмæ Æттагон политикæ æмæ æхсæнпарламентон бастдзинæдты фæдыл Парламенты комитеты сæрдар Коцты Игорь.
21 апрелы киноконцертон залы «Чермен» байгом италиаг фотограф Леонардо Маттиолийы фоторавдыст ахæм номимæ: «Хуссар Ирыстон – бæстæ æмæ адæм». Йæ организатор уыдис РХИ Фæсарæйнаг хъуыддæгты министрад Итали-Хуссар Ирыстоны Хæлардзинады æхсæнадимæ иумæ РХИ Культурæйы министрады фарсхæцынадæй.
Равдыст байгом кæныны хайад райстой РХИ Фæсарæйнаг хъуыддæгты министры хæдивæг Коцты А.К., РХИ Хицауады сæрдары хæдивæг Пухаты Э.Г., РХИ Культурæйы министр Остъаты М.А., Итали-Хуссар Ирыстоны Хæлардзинады æхсæнады Президент Мауро Мурджиа, æхсæнады минæвæрттæ.
2015 азы 16 апрелы Мæскуйы Республикæ Хуссар Ирыстоны Фæсарæйнаг хъуыддæгты министры фыццаг хæдивæг Цхуырбаты Казбулатæн фембæлд уыдис Республикæ Науруйы делегациимæ, кæцыйы сæргъ лæууыди Президенты Æххуысгæнæг, финансты æмæ юстицийы министр Дэвид Адеанг.
Ацы бонты Республикæ Хуссар Ирыстон-Италийы Хæлардзинады æхсæнады Президент профессор Мауро Мурджиайы сæргълæудæй кусæгон визиты ис Италийы делегаци.
21 апрелы Республикæ Хуссар Ирыстоны Фæсарæйнаг хъуыддæгты министрады æмæ культурæйы министрады фарсхæцынадæй байгом уыдзæнис италиаг фотограф Леонардо Маттиолийы фоторавдыст ахæм номимæ: «Хуссар Ирыстон – бæстæ æмæ адæм», кæцы организаци цæуы Итали-Хуссар Ирыстоны Хæлардзинады æхсæнады Президент профессор Мауро Мурджиайы хайадистæй.
Фоторавдыст байгом уыдзæнис киноконцертон зал «Чермен»-ы 21 апрелы 11 сахатыл.
Боливариайнаг Республикæ Венесуэлайы Хуссар Ирыстоны Уæлрадон æмæ Æххæстбарджын Минæвар Тыбылты Даниель визиты ис Венесуэлайы.
15 апрелы Венесуэлайы Фæсарæйнаг хъуыддæгты министрады, горæт Каракасы уыдис Минæвары фембæлд Боливариайн Республикæ Венесуэлайы Фæсарæйнаг хъуыддæгты министр Делси Родригесимæ. Фембæлды Тыбылты Даниель Фæсарæйнаг хъуыддæгты министрмæ радта æууæнчы грамотаты халдихтæ.
Фембæлды рæстæджы дыууæ фарсы дæр æруынаффæ кодтой дывæрсыг æмкуысткæнынадаг æмæ дыууæ паддзахады ‘хсæн ахастытæ рæзын кæныны дарддæры прспективæтыл.
2015 азы 16 апрелы Луганскы Адæмон Республикæйы уыдис Республикæ Хуссар Ирыстоны Минæварад бакæныны церемони.
Минæварад бакæныны церемонийы фæстæ уыдис РХИ минæвæртты фембæлд ЛАР Сæргълæууæг Игорь Плотницкиимæ, кæцыран дыууæ фарсы дæр ныфсдзинад загътой, зæгъгæ, Минæварады куыст ахъаз кæндзæнис Хуссар Ирыстоны æмæ Луганскы ‘хсæн хæлардзинадон бастдзинæдтæ рæзын кæнынæн, афтæ ма гуманитарон, экономикон æмæ æндæр сферæты дывæрсыг ахастытæ рæзын кæнынæн дæр.
Цхинвал, 2015 азы 17 апрель
16 апрелы Донецкы Адæмон Республикæйы горæт Донецкы йæ куыст райдыдта Республикæ Хуссар Ирыстоны минæварад.
Минæварад бакæныны церемонийы ДАР минæвæрттæ ныфсдзинад загътой, зæгъгæ, Минæварад бакæнын ахъаз кæндзæнис Донбассы æмæ Хуссар Ирыстоны ‘хсæн гуманитарон, экономикон æмæ æндæр сферæты ахастытæ рæзын кæнынæн.
Æввахсдæр перспективæйы фæнд цæуы, цæмæй ахæм офис баконд æрцæуа Хуссар Ирыстоны сæйраг горæт Цхинвалы дæр.
Цхинвал, 2015 азы 16 апрель
2014 азы 19 ноябры Цхинвалы уыдис фæсконфликтон уавæр æрбæстон кæныны фарстыты фæдыл Президенты Æххæстбарджын минæвар Джиоты Мураты сæргълæудæй Женевайы дискусситы хайадисæг хуссарирыстойнаг делегацийы кусæгон фембæлд Фæскавказы æдасдзинад æмæ стабилондзинады ЕЦ, ЕÆÆО æмæ БНО Женевайы дискусситы Æмсæрдæрттимæ, кæцытæ нæ Республикæмæ æрцыдысты дискусситы радон раунды хæдразмæ.
Фембæлды рæстæджы æрдзырдтой Женевайы дискусситы тематикæйы æппæт спектрты фарстытыл, кæцытыл æруынаффæ кæнын нысан цæуы ацы аз, декабры.
