15 июлы Республикæ Хуссар Ирыстоны Президент Тыбылты Леонид фембæлдис Республикæ Хуссар Ирыстоны Фæсарæйнаг хъуыддæгты министр Цхуырбаты Казбулатимæ æмæ Уæрæсейы Федерацийы Республикæ Хуссар Ирыстоны Уæлрадон æмæ Æххæстбарджын Минæвар Гасситы Знауримæ.
Фембæлды рæстæджы æруынаффæ кодтой Министрадмæ хауæг фарстатл, банысан кодтой ног хæстæ æмæ сæ сæххæст кæныны курсы фæдыл.
14 июлы Республикæ Хуссар Ирыстоны бæрæгбон кодтой Фидауынгæнджыты бон. Растдæр ацы бон 1992 азы гуырдзиаг-ирон конфликты зонæмæ баконд æрцыдысты Сабырадæн ахъазгæнæн æмхæццæ тыхтæ (САÆТ). Фидауынгæнæг тыхтæ 16 азы дæргъы регионы фидыдад æмæ сабырдзинадæн уыдысты иунæг-иу гарант æмæ æппæты раздæр сæхимæ райстой 2008 азы августы гуырдзиаг æфсады цæфтæ. Хъайтарты сгуыхтдзинад кæддæриддæр баззайдзæнис Хуссар Ирыстоны адæмы зондахасты æмæ зæрдæты.
10 июлы Республикæ Хуссар Ирыстоны Президент Тыбылты Л.Х. Фæсарæйнаг хъуыддæгты министрады коллективы базонгæ кодта сæ ног къухдариуæггæнæг Цхуырбаты Казбулатимæ æмæ банысан кодта, зæгъгæ, «ног урæд министр уагдоны ног адæймаг нæу, хорз зонгæ у коллективимæ æмæ йын йæ бæрны цы уагдон бакодтон, уый куыстимæ».
Тыбылты Леонид банысан кодта, зæгъгæ, Фæсарæйнаг хъуыддæгты министрад у бындурон уагдон, кæцы æххæст кæны æттагонполитикон фарстатæ, сæрмагондæй та йын нæ паддзахаддзинады дунеон позицитæ фидар кæныны фæдыл Президент йæ разы цы хæстæ æвæры, уыдон.
Цхуырбаты Казбулат Иналы фырты Республикæ Хуссар Ирыстоны Фæсарæйнаг хъуыддæгты министрæй снысан кæныны тыххæй
2015 азы 9 июлы Республикæ Хуссар Ирыстоны Президент Тыбылты Л.Х. Указмæ гæсгæ Цхуырбаты Казбулат Иналы фырт нысан æрцыдис Республикæ Хуссар Ирыстоны Фæсарæйнаг хъуыддæгты министрæй.
Цхинвал, 2015 азы 10 июль
Цалдæр азы дæргъы фæд-фæдыл БНО Генералон Ассамблея райсы Гуырдзыстон кæй æрбавдисы Абхазæй æмæ Хуссар Ирыстонæй лигъдæттæ æмæ рæстæгмæ сæ цæрæн бынæттæ чи аивтой, уыцы адæймæгты тыххæй резолюцийы проект. Гуырдзыстоны азæй-азмæ документы текст фæлхатт кæнгæйæ, фæнды, цæмæй дунеон æмæхсæнадæн политикон æмæ зыгъуыммæгондæй лигъдæтты проблемæ равдиса афтæ, цæмæй бафидар кæна йæ æнæлегитимон территориалон даутæ.
Гасситы Знауыр Никъалайы фырты Уæрæсейы Федерацийы Республикæ Хуссар Ирыстоны Уæлвæткон æмæ Æххæстбарджын Минæварæй снысан кæныны тыххæй
2015 азы 26 июны Республикæ Хуссар Ирыстоны Президент Тыбылты Л.Х. Указмæ гæсгæ Гасситы Знауыр Никъалайы фырт нысан æрцыдис Уæрæсейы Федерацийы Республикæ Хуссар Ирыстоны Уæлвæткон æмæ Æххæстбарджын Минæварæй.
Цыбыр биографион бæлвырдгæнæн:
Гасситы Знауыр Никъалайы фырт райгуырдис 1974 азы 13 майы г.Цхинвалы.
Ахуырдзинад:
Фæскавказы æдасдзинад æмæ стабилондзинады фарстаты фæдыл дунеон дискусситы 30-æм раунды фæстиуджыты тыххæй
2014 азы 9-10 декабры Женевæйы дунеон дискусситы фæлгæтты уыдис Фæскавказы æдасдзинад æмæ стабилондзинады фарстаты фæдыл радон фембæлд. Уагъд цыдис Республикæ Хуссар Ирыстоны, Абхазы Республикæйы, Гуырдзыстоны, Уæрæсейы Федерацийы, АИШ делегациты, афтæ ма ЕЦ, ИНО, ЕЦÆО минæвæртты скондæй. Хуссарирыстойнаг делегацийы сæргъ лæууыдис фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М.К.
2014 азы 26-30 ноябры Стамбулы уагъд цыдис аивады Æхсæнадæмон фестиваль «Ирыстоны культурæйы бонтæ Турчы», кæцыйы Уæрæсейы культурæйы министрады фарсхæцынадæй сорганизаци кодта РЦИ-Аланийы культурæйы министрад, Стамбулы ирон æхсæнад «Алан»-ы хайадистæй. Ацы æхсæнады сырæзтыл ацы аз сæххæст 25 азы.
11 июны Республикæ Хуссар Ирыстоны Фæсарæйнаг хъуыддæгты министрады фæсконфликтон ситуаци æрбæстон кæныны фарстаты фæдыл Президенты Æххæстбарджын Минæвар Джиоты М.К. сæргълæудæй, уыдис кусæгон фембæлд Женевайы дискусситы хуссарирыстойнаг хайадисæг делегацийы Фæскавказы æдасдзинад æмæ стабилондзинад æрбæстон кæныны фæдыл Женевайы дискусситы ЕЦ, ЕЦÆО æмæ БНО Æмсæрдæрттимæ фембæлд, кæцытæ Республикæмæ æрцыдысты радон дискусситы раунды хæдразмæ.
2015 азы 2-3 июны Мæскуыйы уагъд цыдис æвзонг дипломатты Дыккаг форум. Хайад дзы райстой Абхазы, Сомихстоны, Белоруссийы, Хъазахстаны, Хъыргъызы, Молдавийы, Уæрæсейы, Таджикистаны, Туркменистаны æмæ Хуссар Ирыстоны дипломатон уагдæтты минæвæрттæ. Форумы хайадисджытæ æнæформалон, хæларадон уавæрты руынаффæ кодтой æхсæнадæмон боны фæткы бирæ фарстатыл Уæрæсейы Фæсарæйнаг хъуыддæгты министрады къухдариуæггæнджытæ æмæ эксперттæ.
2015 азы 28 майы Фæсконфликтон фарстатæ æрбæстон кæныны фæдыл Республикæ Хуссар Ирыстоны Президенты Æххæстбарджын Минæвар Джиоты М.К. Аппараты уыдис фембæлд Уæрæсейы Фæсарæйнаг хъуыддæгты министрады минæвæрттæ, Фæскавказы æдасдзинады фæдыл Женевæйы дискусситы уæнгтæ А.А. Двинянин, Н.Е. Жуков æмæ М.М. Кулахметовимæ. Фембæлды хайад райста Фæсарæйнаг хъуыддæгты министры хæстæ æххæстгæнæг Цхуырбаты К.И.
2015 азы 16 майы Сардинийы г. Сассарийы уагъд æрцыдис дунеон конференци ахæм темæйыл: «Националон хæдбардзинад æмæ дунеон æмхæдбарад». Сорганизаци йæ кодта парламентон къорд æмæ Федераци Медитерранеа-Маре Нострум (Бæстыастæу денджыз – нæ иумиаг денджыз) Сардинийы Регионалон Советы фарсхæцынадæй.
Республикæ Хуссар Ирыстоны Президенты номæй конференцийы арфæйы ныхас ракодта Итали-Хуссар Ирыстоны Хæлардзинады æхсæнады Президент профессор Мауро Мурджиа.
