Зæрдæвæрæны мæйы 14-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Абхазы фыццаг Президент, зынгæ паддзахадон æмæ политикон архайæг Владислав Ардзинбайы райгуырдæй 80 азы рацыды охыл цытджын мадзалы, кæцы сарæзта Республикæ Хуссар Ирыстоны уæвæг Республикæ Абхазы Минæварад.
Зæрдæвæрæны мæйы 14-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Республикæйы фыццаг Президент, историон зонæдты кандидат, профессор Цыбырты Людвигы чингуытæ «Ирæтты этногенез æмæ историйы фарстатæ» æмæ «Нæмттæ. Дыккаг чиныг»-ы презентацийы, кæцы ацыд Тыбылты Алыксандыры номыл Хуссар Ирыстоны Паддзахадон университеты.
Чингуытæ уагъд æрцыдысты РХИ-йы Информаци æмæ мыхуыры комитеты рауагъдадон къамисы хъæппæрисæй, æмæ стыр хайбавæрд хæссынц ирон зонад æмæ культурæмæ, дзурынц адæмы истори æмæ этногенезы ахсджиагдæр фарстытыл.
Стыр Фыдыбæстæйон хæсты Уæлахизы бонæй 80 азы рацыды цытæн Республикæ Хуссар Ирыстон æмæ Уæрæсейы Федерацийы Фæсарæйнаг хъуыддæгты министртæ Джиоты Æхсар æмæ Сергей Лавров рарвыстой кæрæдзимæ арфæйы фыстæджытæ.
Сæрмагондæй, Джиоты Æхсар йæ фыстæджы банысан кодта:
«Зæрдæвæрæны мæйы 9-æм бон у хъæбатырдзинад, æгæрон тых æмæ æфсæддон намыс æвдисæг адæмон бæрæгбон. Абон уæлдай ахсджиаг у Уæлахиздзауты фæлтæры сгуыхтдзинад, Фыдыбæстæйы сæрвæлтау сæ хъæбатырдзинад æдзухдæр зæрдыл дарын, макуы йæ рох кæнын. Нæ сæйрагдæр хæс – Хъайтарты рухс ном аккагæй дарддæр кæнын.
Зæрдæвæрæны мæйы 8-æм бон Цхинвалы Стыр Фыдыбæстæйон хæсты Уæлахизæй 80 азы рацыды бæрæгбоны хæдразмæ ацыд Кады аллейы СФХ-йы азты фæмардуæвджыты цыртдзæвæнмæ Кады гирляндæ сæвæрыны цытджын церемони.
Æрæмбырдуæвджытæ æдзæмæй лæугæйæ ссардтой Стыр Фыдыбæстæйон хæсты быдырты фæмардуæвджыты рухс нæмттæ.
Мадзалы хайад райстой Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ.
2025 азы зæрдæвæрæны мæйы 8-æм бон
Зæрдæвæрæны мæйы 5-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста цытджын церемони – Стыр Фыдыбæстæйон хæсты Фæуæлахизæй 80 азы рацыд æмæ Хуссар Ирыстонæй Советон Цæдисы хъайтарты номыл зæрдылдарæн згъæрæхцаты серийы презентацийы.
Монетæтæ рауагъта Хуссар Ирыстоны Национ банг Президент Гаглойты Аланы хъæппæрисæй.
Нæ хъус æрдардтам Европæйы Цæдисы Генералон секретары радон доклад «Гуырдзыстоны конфликт»-мæ, кæцыйы ногæй æмæ ногæй дзырдæуы бындур кæмæн нæй, ахæм загъдаутæ афтæ хуыйнæг Гуырдзыстоны оккупаци, Хуссар Ирыстон æмæ Абхазы æдасдзинад æмæ адæймаджы барты фадыджы зын уавæры, афтæмæй ма уæрæсейы æфсæдтæ ракæныны фæдыл.
Политизацигонд доклады ‘вварс уыдысты Албани, Гуырдзыстон, Исланди, Лихтенштейн, Молдова, Монако, Цæгат Македони, Норвеги, Сан-Марино, Украинæ, Великобритани, йæ разыдзинад равдыста Европæйы Цæдис.
Хуымгæнæны мæйы 25-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста зонадон-практикон конференци «Советон адæмы Стыр Фыдыбæстæйон хæст: философон-методологион аспект», кæцы ацыд Тыбылты Алыксандыры номыл Хуссар Ирыстоны Паддзахадон университеты (ХИПУ).
Стыр Уæлахизæй 80 азы рацыды цытæн мадзалы хайад райстой РХИ-йы Экс-президент Тыбылты Леонид, УФ-йы Минæварады Уынаффæгæнæг РХИ-йы Игорь Терзиян, Цхинвалы уæвæг Уырыссаг Хæдзары Сæрдар Сергей Комиссаров, Республикæйы зонадон æмæ культурон интеллигенцийы минæвæрттæ.
Хуымгæнæны мæйы 24-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Аланы.
Ныхасы рæстæджы æрдзырдæуыд дывæрсон æмархайды ахсджиаг фарстатыл, хуссарирыстойнаг-абхазаг хæларадон ахастыты дарддæры райрæзт æмæ дыууæ бæстæйы 'хсæн æмгуыстад уæрæх кæныныл.
2025 азы хуымгæнæны мæйы 24-æм бон
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Абхазы Фæсарæйнаг хъуыддæгты министр Олег Барцицмæ Республикæ Абхазы Фæсарæйнаг хъуыддæгты министрæй снысан кæныны фæдыл.
Сæрмагондæй, арфæйы дзырдæуы:
«Уырны мæ, æмæ де стыр профессионалон æмæ адæймаджы миниуджытæ ахъаз кæй уыдзысты Республикæ Абхазы æддагполитикон курс реализаци кæныны фæдыл æрæвæргæ хæстæ æххæст кæнынæн, йе 'хсæнадæмон бастдзинæдтæ уæрæх кæнынæн.
Хуымгæнæны мæйы 19-æм бон Цхинвалы ацыд Республикæ Хуссар Ирыстон æмæ Уæрæсейы Федерацийы ‘хсæн Дывæр æмбæстагады фарстатæ æрбæстон кæныны фæдыл Бадзырды ратификацийы грамотатæ кæрæдзимæ раттыны процесс.
Республикæ Хуссар Ирыстоны Президент Гаглойты Аланы хайадистæй, Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметов бафыстой ратификацион грамотатæ кæрæдзимæ раттыны фæдыл суагъæ.
Хуымгæнæны мæйы 18-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар онлайн форматы хайад райста тымбыл фынг «Æмгуыстады хид, культурæты диалог»-ы куысты, кæцы ацыд Брюсселы «Ирон культурæйы бонтæ Европæйы»-йы фæлгæтты.
«Ирон культурæйы бонтæ Европæйы» цæуынц 15 азы дæргъы Æхсæнадæмон некоммерцион ассоциаци «Renaissance Sandidzan»-ы сæрдар, Бенилюксы бæстæты РХИ-йы ФХъМ-йы Уæлвæткон Минæвар Пухаты Радионы хъæппæрисæй.
Хуымгæнæны мæйы 17-æм бон Республикæ Хуссар Ирыстоны Фæсарæйнаг хъуыддæгты министрады кусджытæ хайад райстой форум «Brand Analytics Forum-2025»-ы, кæцы ацыд Мæскуыйы пресс-центр «Россия Сегодня»-йы.
Форумы программæ здæхт уыд паддзахадон органты дзыллон информацийы фæрæзтæ æмæ социалон медиайы аналитикæйæ пайда кæнынадмæ. Мадзалы фæлгæтты ацыдысты экспертон æмæ практикон сесситæ ацы фадыджы зынгæ специалистты хайадистимæ, се 'хсæн компанитæ Brand Analytic, АНО «Диалог Регионы», Daynet, афтæмæй ма Уæрæсейы паддзахадон органты минæвæрттæ æмæ æндæртæ.
