2026 азы хуымгæнæны мæйы 19-æм бон Уæрæсейы фыццаг хатт нысан цæуы 1941-1945 азты Стыр Фыдыбæстæйон хæсты рæстæджы нацистты къухтæй арæзт Советон адæмы геноциды амæттæгты Мысæн бон.
1943 азы хуымгæнæны мæйы 19-æм бон рацыд Советон Цæдисы Уæлдæр Советы Президиумы Барамынд № 39 «О мерах наказания для немецко-фашистских злодеев, виновных в убийствах и истязаниях советского гражданского населения и пленных красноармейцев, для шпионов, изменников Родины из числа советских граждан и для их пособников».
Оккупацийы рæстæджы Советон Цæдисы цæрджыты ‘хсæн амæттæгты нымæц уыд 14 милуанмæ æввахс. Уыцы æвирхъау фыдракæндтæн нæй ницæимæ абарæн.
Немыцаг æфсæдтæ ныппырх кодтой æмæ арт фестын кодтой сæдæ мин хъæубæстæйæ фылдæр. Адæмы куынæг кодтой алыхуызон æгъатыр фæрæзтæй: æхстой сæ, ауыгътой, сыгътой, стонгæй æмæ уазалы мардтой, фыдмитæ кодтой, алыхуызон низтæ парахат кодтой. Ирон адæмы мингай хуыздæр минæвæрттæ систы 1941-1945 азты фашизмы амæттæгтæ.
Уыцы тугамæхст азтæ рох не сты Беларусы дæр, уым æрвылаз дæр хурхæтæны мæйы 22-æм бон нысан кæнынц Стыр Фыдыбæстæйон хæсты æмæ белорусаг адæмы геноциды амæттæгты Æппæтадæмон мысæн бон.
Абон арынц фæмард хæстонты рухс ном, кæцытæ, Фыдыбæстæ хъахъхъæнгæйæ, фæмард сты хæсты быдыры, фашизмы къухтæй, æххормагæй æмæ уæззау уавæрты.
2026 азы хуымгæнæны мæйы 19 -æм бон