Республикæ Никарагуайы Хæдбардзинады боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Никарагуайы Фæсарæйнаг хъуыддæгты министр Вальдрак Людвинг Джентске Уитакермæ.
Сæрмагондæй, арфæйы дзырдæуы:
«1821 азы рухæны мæйы 15-æм бон æнустæм фыст æрцыд Централон Америкæйы азфысты æмæ æвдисы адæмы тырнынад сæрибар æмæ суверенитетмæ. Ацы ахсджиаг цауæй райдыдта Никарагуайы куыд хæдбар паддзахады арæзтад.
Нырыккон дунейы зындзинæдтæм нæкæсгæйæ, Никарагуа фидарæй хъахъхъæны йæ паддзахады национ интерестæ. Бæстæ размæ цæуы, æндидзы, ис ын ног æнтыстытæ социалон-экономикон размæдзыд æмæ паддзахаддзинад сфидар кæныны хъуыддаджы».
Республикæ Никарагуайы Хæдбардзинады боны цытæн ма Джиоты Æхсар арвыста арфæйы фыстæг Республикæ Никарагуайы Уæлвæткон æмæ Æххæстбарджын Минæвар Республикæ Хуссар Ирыстоны Альба Асусена Торрес Мехиямæ.