Archive

А.М. Джиоев и О.М. Барциц

Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Абхазы Фæсарæйнаг хъуыддæгты министр Олег Барцицмæ Республикæ Абхазы Фæсарæйнаг хъуыддæгты министрæй снысан кæныны фæдыл.

Сæрмагондæй, арфæйы дзырдæуы:

«Уырны мæ, æмæ де стыр профессионалон æмæ адæймаджы миниуджытæ ахъаз кæй уыдзысты Республикæ Абхазы æддагполитикон курс реализаци кæныны фæдыл æрæвæргæ хæстæ æххæст кæнынæн, йе 'хсæнадæмон бастдзинæдтæ уæрæх кæнынæн.

Обмен грамотами о ратификации Соглашения между Республикой Южная Осетия и Российской Федерацией об урегулировании вопросов двойного гражданства

Хуымгæнæны мæйы 19-æм бон Цхинвалы ацыд Республикæ Хуссар Ирыстон æмæ Уæрæсейы Федерацийы ‘хсæн Дывæр æмбæстагады фарстатæ æрбæстон кæныны фæдыл Бадзырды ратификацийы грамотатæ кæрæдзимæ раттыны процесс.

Республикæ Хуссар Ирыстоны Президент Гаглойты Аланы хайадистæй, Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметов бафыстой ратификацион грамотатæ кæрæдзимæ раттыны фæдыл суагъæ.

Дни осетинской культуры в Европе

Хуымгæнæны мæйы 18-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар онлайн форматы хайад райста тымбыл фынг «Æмгуыстады хид, культурæты диалог»-ы куысты, кæцы ацыд Брюсселы «Ирон культурæйы бонтæ Европæйы»-йы фæлгæтты.

«Ирон культурæйы бонтæ Европæйы» цæуынц 15 азы дæргъы Æхсæнадæмон некоммерцион ассоциаци «Renaissance Sandidzan»-ы сæрдар, Бенилюксы бæстæты РХИ-йы ФХъМ-йы Уæлвæткон Минæвар Пухаты Радионы хъæппæрисæй.

Brand Analytics Forum-2025

Хуымгæнæны мæйы 17-æм бон Республикæ Хуссар Ирыстоны Фæсарæйнаг хъуыддæгты министрады кусджытæ хайад райстой форум «Brand Analytics Forum-2025»-ы, кæцы ацыд Мæскуыйы пресс-центр «Россия Сегодня»-йы. 

Форумы программæ здæхт уыд паддзахадон органты дзыллон информацийы фæрæзтæ æмæ социалон медиайы аналитикæйæ пайда кæнынадмæ. Мадзалы фæлгæтты ацыдысты экспертон æмæ практикон сесситæ ацы фадыджы зынгæ специалистты хайадистимæ, се 'хсæн компанитæ Brand Analytic, АНО «Диалог Регионы», Daynet, афтæмæй ма Уæрæсейы паддзахадон органты минæвæрттæ æмæ æндæртæ. 

Научно-практическая конференция в ЮОГУ

Хуымгæнæны мæйы 15-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста зонадон-практикон конференци «Стыр Фыдыбæстæйон хæст æхсæнадæмон ахастыты ног системæ аразыны хъуыддаджы», кæцы ацыд Тыбылты Алыксандыры номыл Хуссар Ирыстоны Паддзахадон университеты (ХИПУ).

МИД Южной Осетии

Абон Республикæ Хуссар Ирыстоны нысан кæнынц ахсджиаг бæрæгбон – Конституцийы бон.

2001 азы хуымгæнæны мæйы 8-æм бон Республикæ Хуссар Ирыстоны æппæтадæмон референдумы рæстæджы ист æрцыд ног Конституци. Сæйраг закъон сфидар кæнгæйæ, Хуссар Ирыстоны æмбæстæгтæ равзæрстой суверенон паддзахад аразыны, паддзахаддзинады размæдзыды æмæ райрæзты фæндаг.

А.Э. Гаглоев провел рабочую встречу с А.М. Джиоевым

Хуымгæнæны мæйы 7-æм бон Республикæ Хуссар Ирыстоны Президент Гаглойты Алан ауагъта кусæгон фембæлд Республикæ Хуссар Ирыстоны Фæсарæйнаг хъуыддæгты министр Джиоты Æхсаримæ. 

Æддагполитикон уагдоны сæрдар радзырдта саразагæ куыст æмæ ныры архайды сæйраг здæхтыты фæдыл. 

Ныхасы сæйрагдæр темæтæй иу ссис Уæрæсейы Федерациимæ æмархайд. 

Сæрмагондæй, ныхас цыд Хуссар Ирыстоны æмбæстæгтæн Уæрæсейы Федерацийы территорийыл шофыры сæрмагонд æвдисæндар райсыны домæнтыл. 

МИД Южной Осетии

Гуырдзыстоны премьер-министр И. Кобахидзе гуырдзиаг телеканал «Imedi»-йæн йæ интервьюйы Абхаз æмæ Хуссар Ирыстонимæ ахастытыл дзургæйæ, банысан кодта, Гуырдзыстоны территориалон иудзинад сног кæнынæн хъæуы равдисын фæразондзинад.

Бæрæг у, æмæ ивгъуыд азы фæззæгæй фæстæмæ гуырдзиаг оппозицийы ‘рдыгæй нæй кæрон нæразыйы акцитæн. Уыимæ иумæ рæзынц афтæ хуыйнæг Гуырдзыстоны территориалон иудзинад сног кæныны фæдыл мæнг хъуыдытæ. 

Акция «Сад памяти»

Хуымгæнæны мæйы 4-æм бон Республикæ Хуссар Ирыстоны Фæсарæйнаг хъуыддæгты министрады Æвзонг дипломатты советы минæвæрттæ Сæрдар Санахъоты Алексейы сæргълæудæй хайад райстой æхсæнадæмон экологион-патриотон акци «Сад памяти»-йы. 

Акцийы фæлгæтты Стыр Фыдыбæстæйон хæсты рæстæджы фæмард хъайтарты номыл Цхинвалы Хуыбылты Валерийы номыл культурæ æмæ улæфты парчы сагъд æрцыдысты 50 бæласы. Акцимæ æрбаиу сты Цхинвалы уæвæг Уырыссаг хæдзар, Уæрæсейы минæварад Хуссар Ирыстоны, горæт Цхинвалы администраци æмæ хицауады структурæтæ. 

Парти «Гуырдзиаг фæнд»-ы полисоветы уæнг Тея Цулукианийы сæргълæудæй Гуырдзыстоны райдыдта йæ куыст раздæр архайæг парти «Иугонд национ змæлд» цы фыдракæндтæ сарæзта, уыдон сбæрæг кæныны фæдыл рæстæгмæ архайæг парламентон къамис. Къамис арæзт æрцыд 2025 азы æртхъирæны мæйы 5-æм бон.

Нысан куыд цæуы, афтæмæй къамис æвзардзæн канд 2003 азæй 2012 азмæ сарæзт фыдракæндтæ нæ, фæлæ ма бавналдзæн 2012 азы фæстæ афонмæ дæр. Уыдоны ‘хсæн М.Саакашвили президент цы рæстæг уыд, уæд æрцæугæ цаутæ, сæрмагондæй, 2008 азы майрæмты мæйы трагеди.

Заседание Совета молодых дипломатов МИД РЮО

Тæргæйтты мæйы 25-æм бон Республикæ Хуссар Ирыстоны Фæсарæйнаг хъуыддæгты министрады ацыд РХИ-йы ФХъМ-йы Æвзонг дипломатты советы рабадт. Рабадты хайад райстой РХИ-йы ФХъМ-йы Æвзонг дипломатты советы Сæрдар, РХИ-йы ФХъМ-йы Фæсарæйнаг уагдæттимæ куысты фæдыл хайады Сæрдар Санахъоты А.Г., афтæмæй ма Советы уæнгтæ – Министрады кусджытæ.

А.М. Джиоев и С.В. Лавров

Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ юбилейы цытæн. 

Сæрмагондæй, арфæйы дзырдæуы:

«Ирд уæрæсейаг политик, фæлтæрд дипломат æмæ диссаджы адæймаг уæвгæйæ, ды бирæ азты дæргъы дæ уд æмæ дæ тыхтæ нывонд кæныс Уæрæсейы национ интерестæ хъахъхъæныны хъуыддагæн. 

Цытджын Сергей Викторы фырт, Хуссар Ирыстоны дын ис стыр кад æмæ цыт. Дæ ном рагæй фæстæмæ ссис рæстдзинад æмæ бæрзонд профессионализмы синоним.