Майрæмты мæйы 25-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Тымбыл фынг «Республикæ Хуссар Ирыстон Уæрæсейы Федерацийы ‘рдыгæй хæдбардзинады банымады размæ æмæ уый фæстæ»-йы куысты, кæцы Уæрæсейы Федерацийы 'рдыгæй Республикæ Хуссар Ирыстоны хæдбардзинады банымадæй 17 азы рацыды бæрæгбоны фæлгæтты сорганизаци кодта РПП «Иудзинад».
Мадзалы хайад райстой РПП «Иудзинад»-ы Сæрдар Кокойты Зураб, РХИ-йы Парламенты I-IVæрсидтыты депутат Кокойты Тарзан, РХИ-йы Парламенты Хъалонтæ æмæ бюджеты комитеты сæрдар Томайты Спартак, Хуссар Ирыстоны уæвæг Уæрæсейы Минæварады 3-æм секретарь Роман Хорошилов, РХИ-йы Президенты Мидполитикæйы управленийы сæрдар Уанеты Мурæт, РХИ-йы Президенты Информацион-аналитикон управленийы сæрдар Уæзæгты Юрий, ХИПУ-йы философийы кафедрæйы доцент Дзугаты Къоста, историк æмæ этнограф Хъуылымбегты Роберт, РХИ-йы сгуыхт журналист Плиты Инал, горæт Цхинвалы фыццæгæм скъолайы Директор Гобозты Русудан.
Хайадисджытæ æрдзырдтой 2008 азы майрæмты мæйы 26-æм бон Хуссар Ирыстоны хæдбардзинад банымайыны фæдыл уынаффæйы ахадындзинадыл, кæцы равдыста 1990 азы Республикæйы расидт æмæ 1992 азы Хæдбардзинады акты райсты æвæрццаг здæхт. Афтæмæй ма æрдзырдæуыд æвддæс азы размæ цаутимæ баст мысинæгтыл.
Джиоты Æхсар йæ раныхасы уæлдай тынг бахахх кодта, 17 азы размæ саразгæ ног геополитикон реалитæ кæй æркодтой регионы цæхгæр ивындзинæдтæм, фыццаджыдæр, æдасдзинады фадыджы, афтæмæй ма банысан кодта хуссарирыстойнаг-уæрæсейаг ахастыты размæдзыд, кæцытæ бындуриуæг кæнынц æмархайд æмæ интеграцийыл.
2025 азы майрæмты мæйы 25-æм бон